हादरवणारी बातमी! टायगर श्रॉफवरील हल्ल्याच्या कटात दोन महिलांचाही समावेश; दादरमधील हॉटेलमध्ये दोघींनी...
टायगर श्रॉफवर 18 ऑक्टोबरच्या सायंकाळी मुंबईमध्ये गोळीबार करण्यात आला. एका मैदानामधून कारमधून टायगर बाहेर पडत असताना दोन हल्लेखोरांनी त्याच्या कारवर गोळीबार केल्याने एकच खळबळ उडाली. या प्रकरणात आला दोन महिलांनाही अटक करण्यात आली आहे.
अभिनेता टायगर श्रॉफच्या कारवर झालेल्या गोळीबार प्रकरणात मोठा खुलासा झाला आहे. दिल्ली पोलिसांच्या स्पेशल सेलच्या एनडीआर पथकाने दोन महिलांसह चार आरोपींना अटक केली आहे. कुणाल, सुमित, राधा आणि बबीता अशी आरोपींची नावे आहेत. न्यायालयात हजर केल्यानंतर मुंबई सीआयडीने चारही आरोपींना औपचारिकरीत्या अटक केली. त्यानंतर मुंबई पोलिसांना आरोपींची तीन दिवसांची ट्रान्झिट रिमांड मिळाली.
जामिनावर बाहेर आल्यानंतर कुणालचा कटात सहभाग?
पोलिसांच्या तपासानुसार, कुणाल नुकताच तुरुंगातून जामिनावर बाहेर आला होता. एका मित्रामार्फत त्याची अनिल पंडितशी ओळख झाली होती. अनिल पंडितच्या सांगण्यावरून कुणाल अमृतसरहून एक पिस्तूल आणि 20 काडतुसे घेऊन आला होता. सुमारे दोन महिन्यांपूर्वी कुणालची राधाशी भेट झाली. त्यानंतर त्याने राधाला शस्त्र घेऊन मुंबईला जाण्यास तयार केले.
15 ऑक्टोबरला दिल्ली रेल्वे स्थानकावर पोहोचले
15 ऑक्टोबर रोजी कुणाल राधा आणि बबिताला घेऊन नवी दिल्ली रेल्वे स्थानकावर पोहोचला. पिस्तूल राधाच्या बॅगेत ठेवण्यात आले होते. प्रवासादरम्यान कुणाल एन्क्रिप्टेड ॲपच्या माध्यमातून अनिल पंडितचे निर्देश दोन्ही महिलांपर्यंत पोहोचवत होता. 17 ऑक्टोबर रोजी राधा आणि बबिता मुंबईतील दादर येथे पोहोचल्या. त्यानंतर त्या एका हॉटेलमध्ये थांबल्या. त्याच दिवशी सकाळी सुमारे 11 वाजता एका अल्पवयीन मुलाने हॉटेलजवळ राधाकडून बॅग घेतली.
18 ऑक्टोबरला टायगर श्रॉफच्या कारवर गोळीबार
18 ऑक्टोबर रोजी संध्याकाळी सुमारे सात वाजता टायगर श्रॉफच्या कारवर गोळीबार झाला. गोळीबारानंतर अनिल पंडितने कुणालला फोन केला. शूटर मुंबईत अडकले असून त्यांच्या पळून जाण्याची व्यवस्था करण्यास सांगितल्याची माहिती तपासात समोर आली आहे. याच दिवशी राधा आणि बबिता दादरहून हरिद्वार एक्स्प्रेसने दिल्लीला रवाना झाल्या.
20 ऑक्टोबरला आरोपी पोलिसांच्या ताब्यात
20 ऑक्टोबर रोजी राधा आणि बबिता यांना नवी दिल्ली रेल्वे स्थानकावरून ताब्यात घेण्यात आले. तर कुणाल आणि सुमित यांना हरियाणातील सोनीपत येथून ताब्यात घेण्यात आले.
शस्त्रांचा पुरवठा आणि सूत्रधारांचा शोध सुरू
या प्रकरणात शस्त्रांचा पुरवठा कोणी केला, आरोपींचा सूत्रधार अनिल पंडित याच्याशी नेमका काय संबंध आहे आणि गोळीबार करणाऱ्या शूटरशी त्यांचे कनेक्शन कसे होते, याचा तपास पोलीस करत आहेत.
दरम्यान, तापासामध्ये आरोपींनी सोशल मीडियावरुन टायगरसोबत फारशी पोलीस सुरक्षा नसते याची रेकी केली होती. त्यानंतर त्यांनी टायगरवर हल्ला करण्याचं निश्चित केल्याचं सांगितलं.
