महाराष्ट्रात खळबळ! एफडीएच्या 12 अधिकाऱ्यांवर निलंबनाची टांगती तलवार, काय घडलं नेमकं?

महाराष्ट्रातील अन्न व औषध प्रशासन विभाग पुन्हा एकदा चर्चेत आला आहे. गेल्या काही दिवसांपासून FDA कडून विविध ठिकाणी छापेमारी करण्यात येत असून अन्नभेसळ करणाऱ्या अस्थापनांवर कारवाई करण्यात येत आहे. मात्र आता एफडीए वेगळ्यात कारणामुळं चर्चेत आले आहे. अन्न व औषध प्रशासनातील (एफडीए) भ्रष्ट कारभार पुन्हा एकदा चव्हाट्यावर आला आहे. अन्न व औषध प्रशासनांतर्गत मोठ्या प्रमाणावर आर्थिक गैरव्यवहार झाल्याचा ठपका ठेवण्यात आला आहे.

महाराष्ट्रातील अन्न व औषध प्रशासनातील (FDA) भ्रष्ट कारभार समोर आल्यानंतर नाशिकमधील 5 प्रमुख अधिकाऱ्यांसह राज्यातील तब्बल 12 अधिकाऱ्यांवर थेट निलंबनाची कारवाई होण्याची दाट शक्यता निर्माण झाली आहे. या घटनेने राज्यभरात एकच खळबळ उडाली आहे.

मिळालेल्या माहितीनुसार, काही अधिकाऱ्यांकडून नियमांना बगल देऊन मनमानी कारभार सुरू होता. कागदोपत्री कारवाया दाखवणे आणि न्यायालयाच्या स्पष्ट आदेशांचा अवमान केल्याचा आरोप करण्यात आला आहे. या सर्व प्रकरणात नाशिक विभागातील पाच महत्त्वाच्या अधिकाऱ्यांची नावे समोर आली आहे. या प्रकरणाची उच्चस्तरीय चौकशी अंतिम टप्प्यात असून, दोषींवर कठोर शिस्तभंगाचे कायदेशीर संकेत मिळत आहेत.

एफडीएच्या संबंधित अधिकाऱ्यांचा मिळून 12 जणांचा हा गट असून, या सर्वांवरच प्रशासकीय पातळीवरून कठोर दंडात्मक व निलंबनाची कारवाई केली जाण्याची दाट शक्यता वर्तवली जात आहे. या पाच अधिकाऱ्यांसह एकूण १२ जणांवर होणाऱ्या या संभाव्य कारवाईमुळे महसूल व शासकीय वर्तुळात धावपळ उडाली आहे. येत्या काही दिवसांत यावर अधिकृत आदेश धडकण्याची शक्यता आहे.

संजय राऊतांनीही केलेले ट्विट

शिवसेना ठाकरे गटाचे खासदार संजय राऊत  यांनी अन्न व औषध प्रशासन विभागाचे आयुक्त तुकाराम मुंढे यांना एक पत्र लिहलं असून यात धक्कादायक बाबी मांडल्या आहेत. खासदार संजय राऊत यांनी FDA अधिकाऱ्यांकडून सुरू असलेल्या लुटीबाबत तात्काळ कारवाईच्या मागणी केली आहे. याबाबत त्यांनी काही आरोपही केले आहे.  FDA अधिकाऱ्यांकडून सुरू असलेल्या लुटीबाबत तात्काळ कारवाईच्या मागणी केली आहे.  हॉटेल व्यावसायिकांना धमक्या, ब्लॅकमेल करून पैसे गोळा करण्याचा हा उद्योग आता पूर्वीपेक्षा जास्त जोमाने सुरू झाला आहे, असा आरोप संजय राऊतांनी केला आहे.