सरकारी आणि देवस्थानच्या जमीनीवर चारा लागवड करावी; खासदार मोहिते पाटील यांनी सुचवला पर्याय
आगामी काळात चारा निर्मिती साठी राष्ट्रवादी काँग्रेस शरदचंद्र पवार पक्षाचे खासदार मोहिते पाटील यांनी पर्याय सुचवला आहे. यासंदर्भात त्यांनी मुख्यमंत्री देवेंद्र फडणवीस यांना पत्र पाठवले आहे.
खासदार मोहिते पाटील : राज्यात 265 तालुक्यांमध्ये सरकारने दुष्काळ जाहीर झाला आहे. शेतीसह जनावरांच्या चारा पाण्याचा प्रश्न देखील गंभीर बनला आहे. अशातच आगामी काळात चारा निर्मितीसाठी राष्ट्रवादी काँग्रेस शरदचंद्र पवार पक्षाचे खासदार मोहिते पाटील यांनी मुख्यमंत्री देवेंद्र फडवीस यांचा पर्याय सुचविले आहेत. सरकारी तसेच देवस्थानच्या जमीनीवर चारा लागवड करावी अशी सूचना त्यांनी केली आहे.
राज्यातील दुष्काळाच्या पार्श्वभूमीवर आगामी काळात उद्भवणाऱ्या चारा टंचाईच्या अडचणीवर मात करण्यासाठी शेती महामंडळ, वन विभाग तसेच शासनाच्या ताब्यात असणाऱ्या विविध जमिनी उपलब्ध असून, सोबतच राज्यातील मोठ्या देवस्थानांकडे असणाऱ्या जमिनी यांचा दुष्काळाच्या कालावधीत नियोजनबद्ध पद्धतीने उपयोग करून त्यावर तातडीने चारा पिकांची लागवड केल्यास पशुपालकांना मोठा दिलासा मिळू शकतो. त्यामुळे उपलब्ध शासकीय तसेच निमशासकीय आणि देवस्थानांच्या जमिनीची पाहणी करून, योग्य जमिनीवर चारा पिकांची लागवड करण्याची कार्यवाही तातडीने हाती घेण्यात यावी. अशी मागणी खासदार धैर्यशील मोहिते पाटील यांनी केली आहे
उपरोक्त विषयास अनुसरून, महाराष्ट्र राज्याच्या अनेक भागांमध्ये अपुरा व खंडित पाऊस झाल्याने शेती व पशुधनावर गंभीर परिणाम होत असून, सद्यस्थितीचा विचार करता आगामी काळात चारा व पाणीटंचाई निर्माण होण्याची शक्यता आहे. ग्रामीण भागातील शेतकरी व पशुपालकांसाठी पशुधन हा त्यांच्या उपजीविकेचा महत्त्वाचा आधार असल्याने, दुष्काळाच्या परिस्थितीत पशुधनाचे संरक्षण व संवर्धन करण्यासाठी शासनाने तातडीने प्रभावी उपाययोजना करणे आवश्यक आहे.
दुष्काळी परिस्थितीचा विचार करून पात्र दूध उत्पादकांना प्रतिलिटर 15/- अनुदान देण्याची योजना तातडीने लागू करण्यात यावी. सदर अनुदानाची रक्कम पात्र दूध उत्पादकांच्या बैंक खात्यावर DBT पद्धतीने जमा करण्याची कार्यवाही करण्यात यावी. अशी मागणी केली आहे.
