पुण्यात विनापरवाना रॅपिडो बाईक टॅक्सी तातडीने बंद करण्याचे आदेश

पुणे न्यूज :  पुण्यात विनापरवाना सुरू असलेल्या रॅपिडो बाईक टॅक्सी सेवा बंद करण्याचे आदेश आज तातडीने देण्यात आले आहेत. टॅक्सी आणि रिक्षाचालकांच्या तक्रारीनंतर हा निर्णय घेण्यात आला. विविध कंपन्यांकडून चालकांना प्रवासभाड्याची योग्य रक्कम मिळत नसल्याच्या तक्रारीही करण्यात आल्या होत्या. त्यामुळे चालकांना प्रवासभाड्याच्या किमान 80 टक्के रक्कम देण्याचे निर्देश देण्यात आले आहेत. पुणे जिल्हाधिकारी यांच्या बैठकीत निर्णय घेण्यात आला आहे.  

पुणे जिल्हाधिकारी जितेंद्र डूडी यांच्या उपस्थितीत एक बैठक पार पडली. या बैठकीत अनेक महत्वाचे निर्णय जाहीर करण्यात आले.  पुण्यात  विनापरवाना रॅपिडो बाईक टॅक्सी सुरू होती. या विरोधात रिक्षा आणि टॅक्सी चालकांनी तक्रार केली होती.  

टॅक्सी रिक्षा चालकांच्या तक्रारीनंतर आज तातडीने बाईक टॅक्सी बंद करण्याचे आदेश दिले आहेत.  विविध कंपन्यांकडून रिक्षाने टॅक्सी चालकांना योग्य मोबदला दिला जात नसल्याच्या तक्रारी होत्या.   किमान 80 टक्के भाड्याची रक्कम चालकांना देण्यात यावी असे निर्देश देण्यात आले आहेत.

पुण्यात 10 तालुक्यात दुष्काळ घोषीत

सध्या पुण्यामध्ये 10 तालुक्यात दुष्काळ घोषित केला आहे.   शेतकरी पीक नुकसान, पंचनामे, महसूल, कृषी आणि जिल्हा प्रशासनाकडून सुरू आहे .  रविवारी पंचनामे सुरू आहेत.   दिवाळीपूर्वी शेतकऱ्यांना मदत दिली जाईल. 

अल निनो डिसेंबर पासून कठीण होणार आहे पुढील वर्षी मान्सून लांबणार आहे.  31 ऑगस्ट 2027 पर्यंत पाणी नियोजन बैठक झाली.  जल सिंचन महापालिका आणि जिल्हा प्रश्नांची बैठक झाली. 100 टक्के पाणी धरणात नाही त्यामुळे 31 ऑगस्ट पर्यंत पाणी वापरायचे आहे.  खडकवासला वापरण्यायोग्य पाणी साठा बाष्पीभवन आणि मृत साठा विचारात घेतला आहे.  त्यानुसार 20 टक्के पाणी कपात करण्याचा निर्णय घेतला आहे.  

पिण्याच्या पाण्याच्या नियोजनासाठी पाणी वाचविण्यासाठी नियोजन करणे गरजचे आहे.  पुणे आणि पिंपरी चिंचवड महापालिकेत कपात निर्णय लागू होईल.  पिण्याच्या पाण्यासाठी पाणी अन्य वापर केला जातो त्यावर लक्ष ठेवण्यासाठी भरारी पथके नेमून, महावितरण च्या मदतीने विद्युत पुरवठा खंडित करणे. रब्बी हंगामात पाणी देण्यासाठी पशुधन चार, भाजीपाला आणि बारमाही नियोजन केले जाईल. 
भारतीय हवामान विभागाच्या सूचनेनुसार शेतीसाठी पाणी कपात केली होती. पशु संवर्धन विभागाला चारा उपलब्धतेसाठी उत्पादन आणि सध्या जिल्ह्याबाहेर वाहतुकीवर बंदी घातली आहे.  
 

टँकरचे नियोजन केले आहे.  येत्या उन्हाळ्याचे नियोजन करावे लागणार आहे.   भविष्यात गरज पडल्यास जलतरण तलाव, वॉटर पार्क आणि वॉटर बाटलिंग प्लांट बंद ठेवावे लागेल.  शेतीसाठी पाणी आवर्तन सुरू करण्यासाठी महसूल पोलिस जलसिंचन आणि पाटबंधारे विभागाच्या समन्वयातून काम केले जाईल.  सरसकट पंचनामे करण्याच्या सूचना दिल्या आहेत. जर तक्रार असेल त्या ठिकाणी पुन्हा पंचनामे करून योग्य मोबदला दिला जाईल. 20 ऑक्टोबर पर्यंत पंचनामे करून राज्य सरकारकडे अहवाल पाठवणार आहोत. उद्योगांचे पाणी 20 कपातीचा निर्णय लागू राहणार आहे अशी माहिती पुणे जिल्हाधिकारी जितेंद्र डूडी यांनी दिली.