'तुला मुलगी झाली, फ्लॅटमध्ये दोरी..; सासरच्यांचे ते शब्द अन् पायलने घेतला टोकाचा निर्णय, 'त्या' रिकाम्या फ्लॅटमध्ये काय घडलं?

पुण्यातील पायल झांबरे प्रकरणाने पुन्हा एकदा महाराष्ट्र हादरला आहे. झांबरे कुटुंबांनी माहेरून सोनं आणि पैसे आणण्यासाठी पायलचा झळ केला. या रोजच्या छळाला कंटाळून पायलने गळफास घेत आत्महत्या केली. या प्रकरणानंतर पायलचा पती अक्षय झांबरेला अटक करण्यात आली आहे. मात्र आता या प्रकरणात खळबळ उडवून देणारी माहिती समोर येत आहे. पायलच्या सासरच्यांनीच तिला आत्महत्येस प्रवृत्त केल्याचा आरोप करण्यात येत आहे.

आम्ही सांगितलेल्या वस्तू अथवा पैसे आणायला जमत नसतील तर दुसऱ्या फ्लॅटमध्ये जाऊन दोरी किंवा ओढणीने पंख्याला मुलीसह लटकून का घेत नाहीस, असं सांगून झांबरे  कुटुंबीयांनी सुनेला जीव देण्यास प्रवृत्त केले. याबाबत तपास सुरू असल्याची माहिती पुण् पोलिसांनी न्यायालयात दिली. या प्रकरणी पुणे न्यायालयाने पती अक्षय झांबरेला सात नोव्हेंबरपर्यंत पोलीस कोठडी सुनावली आहे.

पायल आणि अक्षय यांचे 2019 मध्ये लग्न झाले. त्यानंतर सासरच्या मंडळींनी माहेरून पैसे, सोने आणण्यासाठी पायलला त्रास द्यायला सुरुवात केली. पायलला मुलगी झाल्यानंतरही त्यांनी त्रास द्यायला सुरुवात केली होती. ज्यावेळेस पायलची डिलिव्हरी झाली तेव्हा तिच्या सासरले लोक रुग्णालयात पोहोचले आणि भांडण करायला लागले. तुला मुलगी कशाला झाली, तु आमच्याकडे येऊ नकोस, आम्ही ही मुलगी सांभाळणार नाही, असं म्हणून तिथून निघून गेले, असा आरोप पायलच्या माहेरच्यांनी केला आहे. दरम्यान, वडिलांच्या नावावरील जमीन मुलाच्या नावावर करावी, अन्यथा घटस्फोट घेऊन निघून जावे, असा दबावही पायलवर टाकला जात होता

घटनेच्या दिवशी 1 नोव्हेंबर 2026 ला पायल माहेरहून सासरी परतली होती. पात्री 9.18 वाजता तिने तिच्या भावाला मेसेज केला होता. त्यात तिने माझी सासू जबाबदार आहे, असं लिहिलं होतं. भावाने ताबडतोब तिच्या फोनवर संपर्क साधला असता तिने फोन उचलला नाही. तेव्हा त्याने तिच्या पतीला फोन केला, तेव्हा त्याने उद्धटपणे उडवा-उडवीची उत्तरे दिली. तेव्हा त्याने आमच्या घरच्या भांडणात पडू नको, असं सांगून फोन ठेवला.

सोमवारी (२ नोव्हेंबर) सकाळी माहेरचे नातेवाईक मुकुंदनगर येथील घरी पोहोचले. पायल कुठे आहेत, याबाबत सासरच्या मंडळींकडून समाधानकारक माहिती मिळत नसल्याने नातेवाइकांचा संशय बळावला. त्यानंतर भावाने पार्किंगमधून मागील गॅलरीत जाऊन हॉलची काच फोडून घरात प्रवेश केला. त्यावेळी किचनमध्ये पायल यांनी गळफास घेतल्याचे दिसून आले.