अभिषेक शर्मा सूर्यकुमार यादवचा रेकॅार्ड मोडणार? नवा टी20 'सिक्सर किंग' बनण्याच्या तयारीत

Abhishek Sharma Record : भारत विरुद्ध वेस्ट इंडिज यांच्यामध्ये 11 ऑक्टोबर रोजी टी20 मालिकेचा तिसरा सामना खेळवण्यात आला. या सामन्यामध्ये भारताच्या संघाने 14 धावांनी विजय मिळवला, या सामन्यात भारताने गोलंदाजीच्या जोरावर या सामन्यामध्ये विजय मिळवला. पण टीम इंडियाचा स्टार सलामीवीर फलंदाज अभिषेक शर्मा या सामन्यामध्ये देखील दमदार कामगिरी केली. वेस्ट इंडिजविरुद्ध मालिकेमध्ये विजय मिळवल्यानंतर आता टीम इंडियाने मालिकेमध्ये आघाडी घेतली आहे, आता या सामन्यामध्ये अभिषेक शर्माच्या दमदार कामगिरीनंतर त्याने टीम इंडियाचा माजी कर्णधार सूर्यकुमार यादवचा 4 वर्ष जुना रेकॅार्ड मोडला आहे.

अभिषेक शर्मा हा भारतीय संघाचा हिरो आहे, त्याने कमी वेळात भारतीय संघासाठी दमदार कामगिरी केली आहे. वेस्ट इंडिजविरुद्ध सामन्यामध्ये त्याने 30 चेंडूमध्ये 69 धावांची खेळी खेळली, यामध्ये त्याने पाच षटकार मारले. हिल्या दोन सामन्यांमध्ये अभिषेक अपयशी ठरला होता, पण आता तो पुन्हा फॉर्मात आला आहे. चौथ्या टी20 सामन्यात अभिषेक नवा सिक्सर किंग बनू शकतो. तो सूर्यकुमार यादवचा चार वर्षांपूर्वीचा विक्रम मोडण्याच्या तयारीत आहे. मागील काही वर्ष जेव्हापासून अभिषेक शर्माने भारतीय संघासाठी पदार्पण केले आहे तेव्हापासून त्याने टी20 मध्ये प्रभावी कामगिरी केली आहे. वेस्ट इंडिजविरुद्धच्या चौथ्या टी20 सामन्यात षटकार मारून तो इतिहास रचणार आहे.

टी20 आंतरराष्ट्रीय सामन्यांमध्ये एका वर्षात सर्वाधिक षटकार मारण्याचा विक्रम भारताचा माजी कर्णधार सूर्यकुमार यादवच्या नावावर आहे. 2022 मध्ये तो स्फोटक फॉर्ममध्ये होता आणि त्याने 68 षटकार मारले होते. गेल्या चार वर्षांत कोणीही त्याचा विक्रम मोडू शकलेले नाही. अभिषेक पुढच्या सामन्यात त्याला मागे टाकू शकतो. तो 68 षटकारांसह सूर्याच्या बरोबरीत आहे. तो त्याच्या पुढच्या सामन्यात एक मोठी कामगिरी करेल अशी सर्वांना अपेक्षा आहे. अभिषेक शर्माने वेस्ट इंडिजविरुद्ध 230 च्या स्ट्राईक रेटने फलंदाजी केली यामध्ये त्याने सहा चौकार आणि पाच षटकार मारले.

चौथा टी20सामना कधी होणार?

भारत आणि वेस्ट इंडिज यांच्यातील टी20  मालिका आता रोमांचक झाली आहे. वेस्ट इंडिज संघ पुढील सामन्यात पुनरागमन करण्याचा सर्वतोपरी प्रयत्न करेल. दोन्ही संघांमधील चौथा टी20 सामना 14 ऑक्टोबर रोजी हैदराबादमधील उप्पल येथील राजीव गांधी आंतरराष्ट्रीय स्टेडियमवर खेळला जाईल. सामना नेहमीप्रमाणे सायंकाळी 7.00 वाजता सुरू होईल. भारतीय संघ हा सामना जिंकून मालिका आपल्या नावावर करण्याचा प्रयत्न करेल.