400 धावा पार... श्रीलंकेने इंग्लंडला रडवलं, हॅरी ब्रुकचे द्विशतक व्यर्थ! ऐतिहासिक विजय केला नावावर
ट्राय सिरीजचा सामना खेळवण्यात आला, हा सामना इंग्लंड विरुद्ध श्रीलंका यांच्यामध्ये पार पडला. या सामन्यामध्ये श्रीलंकेच्या संघाने ऐतिहासिक विजय नावावर नोंदवला आहे, या सामन्याचा अहवाल सविस्तर वाचा.
इंग्लंड विरुद्ध श्रीलंका यांच्यामध्ये ट्राय सिरीजचा सामना खेळवण्यात आला, या सामन्यामध्ये इंग्ंलडच्या संघाने पहिले फलंदाजी करत धावांचा डोंगर उभा केला. या सामन्यामध्ये श्रीलंकेने आपल्या एकदिवसीय क्रिकेट इतिहासात प्रथमच 400 पेक्षा जास्त धावांचे लक्ष्य पूर्ण केले, अन् संघाने ऐतिहासिक विजय नोंदवला आहे. या सामन्यामध्ये दोन्ही संघांची फलंदाजी प्रभावशाली पाहायला मिळाली आणि या सामन्यात इंग्लंडच्या कर्णधाराने पहिल्या इनिंगमध्ये धूमाकुळ घातला होता. तर दुसरीकडे श्रीलंकेच्या संघाकडून दसुन शनाकाच्या 97 आणि जनिथ लियानागेच्या नाबाद 61धावांच्या जोरावर श्रीलंकेने इंग्लंडला पराभूत करून इतिहास रचला.
सामन्यात पहिल्या इनिंगमध्ये फलंदाजी करताना, हॅरी ब्रुकच्या द्विशतकाच्या जोरावर इंग्लंडने 50 षटकांत 4 गडी गमावून 429 धावा केल्या. प्रत्युत्तरात, पवन रत्नायकेच्या शतकाच्या जोरावर श्रीलंकेने एक चेंडू शिल्लक असताना सामना जिंकला. श्रीलंकेने 49.5 षटकांत 8 गडी गमावून 430 धावा केल्या. श्रीलंकेने इंग्लंडविरुद्ध 430 धावांचे लक्ष्य पूर्ण करून इतिहास रचला. एकदिवसीय क्रिकेटच्या इतिहासातील हा दुसरा यशस्वी पाठलाग ठरला आहे. एकदिवसीय क्रिकेटमधील सर्वोच्च लक्ष्य गाठण्याचा विक्रम दक्षिण आफ्रिकेच्या नावावर आहे. दक्षिण आफ्रिकेने 2006 मध्ये जोहान्सबर्ग येथे ऑस्ट्रेलियाविरुद्ध 435 धावांचे लक्ष्य पूर्ण केले होते.
हे ही वाचा
टीम इंडियाची नजर एकदिवसीय मालिकेवर, वाचा IND vs ZIM मालिकेची लाईव्ह स्ट्रिमिंग कधी आणि कुठे पाहता येणार?
दरम्यान, श्रीलंकेने इंग्लंडविरुद्ध 430 धावांचे लक्ष्य पूर्ण करून विक्रमांच्या पुस्तकात आपले नाव कोरले आहे, आणि एकदिवसीय क्रिकेटच्या इतिहासातील हा दुसरा सर्वात मोठा यशस्वी पाठलाग ठरला आहे. एकदिवसीय क्रिकेटच्या इतिहासातील हा दुसरा सर्वात मोठा धावांचा पाठलाग आहे. 2006 मध्ये, दक्षिण आफ्रिकेने ऑस्ट्रेलियाविरुद्ध 435 धावांचा ऐतिहासिक पाठलाग पूर्ण केला होता. आता श्रीलंका दुसऱ्या स्थानावर पोहोचला आहे. शनाका आणि लियानागे यांच्या व्यतिरिक्त, पवन रत्नायकेनेही शानदार खेळी केली आणि शतक झळकावून संघाच्या विजयात महत्त्वाची भूमिका बजावली.
ब्रुकच्या 116 चेंडूंतील 202 धावांच्या स्फोटक खेळीच्या जोरावर इंग्लंडने 4 गडी गमावून 429 धावांचा डोंगर उभा केला. प्रत्युत्तरात, श्रीलंकेने 24 धावांत दोन गडी गमावूनही, पवन रत्नायकेच्या 130 धावा, अविष्का फर्नांडो आणि दसुन शनाका यांच्या प्रत्येकी 97 धावा आणि जनिथ लियानागेच्या 27 चेंडूंतील नाबाद 61 धावांच्या वादळी खेळीच्या जोरावर 8 गडी गमावून 430 धावा करत एक ऐतिहासिक विजय नोंदवला. इंग्लंड आणि श्रीलंका यांच्यातील या सामन्यात दोन्ही संघांनी मिळून 859 धावा केल्या.
