'याची कल्पना केली नव्हती...' अभिनेत्याचे रातोरात घर झाले उद्ध्वस्त! स्वत: केला धक्कादायक खुलासा

बॅालिवूडचे अभिनेते लाखो रुपये कमवत असतात आणि त्यामुळे त्यांची मुंबईमध्ये आलिशान घरे देखील आहेत. बॅालिवूडचा असा एक अभिनेता आहे ज्याला काही वेळातच सर्व काही गमवावे लागले होते. अभिनेते-दिग्दर्शक राजू खेर यांनी त्यांच्या आयुष्यामधील धक्कादायक खुलासा केला आहे. अभिनेते-दिग्दर्शक राजू खेर हे हिंदी चित्रपट आणि दूरदर्शन मालिकांमधील त्यांच्या कामासाठी ओळखले जातात. ते अनुपम खेर यांचे धाकटे भाऊ आहेत. राजू खेर सहसा त्यांच्या व्यावसायिक किंवा वैयक्तिक आयुष्याबद्दल बोलत नाहीत. आता त्यांनी त्यांच्या आयुष्यातील एका अशा अंधकारमय काळाबद्दल खुलासा केला आहे, ज्याबद्दल फार कमी लोकांना माहिती आहे.

अभिनेते-दिग्दर्शक राजू खेर यांनी एका मुलाखतीमध्ये त्याच्या आयुष्याबद्दल धक्कादायक खुलासा केला आहे. सिद्धार्थ कन्नन यांच्याशी झालेल्या संभाषणात राजू खेर यांनी सांगितले की, एका चॅनलच्या कार्यक्रमामध्ये अभिनेत्याने गुंतवणूक केली होती. ज्या चॅनलमध्ये गुंतवणूक केली होती ते चॅनेल अचानक गायब झाले. यावर बोलताना अभिनेत्याने सांगितले की, एक चॅनल येणार होते. मी माझे घर विकले होते. मी पैसे दुसरीकडे दिले होते. मी नवीन घर बुक केले होते. अचानक मला कळले की ते चॅनल बंद पडले आहे, एक नवीन चॅनल येणार होते, ज्यात मोठे लोक पैसे गुंतवत होते असे त्यांनी सांगितले.

पुढे अभिनेता म्हणाला की, मी एक कार्यक्रमही बनवला होता. त्या कार्यक्रमाचे नाव होते 'लाइफ के लिए कुछ भी करेगा'. अभिनेत्याला वाटले होते की, त्याने ज्या चॅनेलमध्ये गुंतवणूक केली आहे त्यानंतर त्याचे आयुष्य मार्गी लागेल. त्याने सांगितले की घर विकून मिळालेले पैसे त्याने चॅनलमध्ये फ्लॅट खरेदी करण्यासाठी गुंतवले होते. त्याला वाटले होते की ते ४ बीएचके घर असेल, ज्यात प्रत्येकाला स्वतःची खोली मिळेल. त्याचे आयुष्य मार्गी लागेल. पण ते चॅनल अचानक गायब झाले. त्याने खरेदी केलेल्या फ्लॅटचे काय होईल, असा प्रश्न त्याला पडला. ते पैसे कुठे गेले? असे अनेक प्रश्न पडले होते.

पुढे अभिनेत्याने सांगितले की, "मी विचार केला की माझ्या भावाकडे मदत मागावी. तोच मदत करेल असं वाटलं होतं. पण माझ्या भावाकडेही पैसे नव्हते. त्याने काम करणं सोडून दिलं होतं. त्यावेळी मला वाटलं की माझा भाऊ मला मदत करत नाहीये.  मी बाथरूममध्ये एक मासिक वाचत होतो. त्यात लिहिलं होतं की अनुपम खेर म्हणाले होते, 'माझं स्वतःचं मूल असतं तर बरं झालं असतं.' तेव्हा माझ्या लक्षात आलं की मी माझ्या भावाबद्दल असा विचारच केला नव्हता. आम्ही त्याला गृहीत धरलं होतं. त्याच्या आयुष्यात काय चाललं आहे याचा आम्ही कधीच विचार केला नाही. तो सिकंदरला आपला मुलगा मानतो, पण जेव्हा त्याला स्वतःचं मूल होईल, तेव्हा गोष्ट वेगळी असेल."