SOCIAL MEDIA

Newsletter

PARTNER SITES
Select Language Select State

जुन्या तांब्याच्या तारा अन् एक चूक, अमेरिकेतील एअर शटडाउनचे कारण समोर, 50 अब्ज डॉलरचा खर्च येणार

अमेरिकेत दूरसंचार यंत्रणेत तात्पुरता बिघाड झाल्याने खबरदारीचा उपाय म्हणून सर्व विमान उड्डाणे तात्पुरती थांबवण्यात आली होती.

Written By Mansi Kshirsagar Edited By Mansi Kshirsagar
Published: Nov 16, 2026, 08:10 AM IST | Updated: Nov 16, 2026, 08:12 AM IST
Image Credit: What went wrong how America skies were brought to a shutdown
Join

9/11 नंतर पहिल्यांदाच अमेरिकेत सगळ्यात मोठा एअर शटडाउन जाहीर करण्यात आला होता. अमेरिकेत दूरसंचार यंत्रणेत तात्पुरता बिघाड झाल्याने खबरदारीचा उपाय म्हणून सर्व विमान उड्डाणे तात्पुरती थांबवण्यात आली होती. आता नेमकं काय घडलं हे समोर आलं आहे?

11 सप्टेंबर 2011 च्या हल्ल्यांनंतर 14 नोव्हेंबर रोजी झालेली ही तिसरी देशव्यापी उड्डाणबंदी होती. यापूर्वी अशीच घटना जानेवारी 2023मध्ये घडली होती, जेव्हा एफएएने दोन तासांपेक्षा कमी कालावधीसाठी सर्व देशांतर्गत उड्डाणे थांबवली होती. मात्र शुक्रवारी जाहीर करण्यात आलेली हवाई आणीबाणी मोठ्या स्वरुपाची होती.

दोन दिवसांमध्ये 15 हजारांपेक्षा जास्त उड्डाणे रद्द करावी लागली होती. एअर ट्र्रॅफिक कंट्रोलच्या संपर्क यंत्रणेत बिघाड झाल्याने ही स्थिती निर्माण झाली होती. यामागचे कारण अखेर समोर आले आहे. तांब्याच्या तारा बदलताना संपूर्ण यंत्रणा कोलमडल्याने ही स्थिती उद्भवली होती. या एअर शटडाउनमुळं 15 ते 20 लाख प्रवाशांना याचा फटका बसला होता.

नेमकं घडलं काय?

अमेरिकेचे परिवहन मंत्री सीन डफी यांनी दिलेल्या माहितीनुसार, एअर ट्रॅफिक कंट्रोल यंत्रणा सुधारण्यासाठी जुन्या तांब्याच्या तारांना बदलून फायबर केबल्स बदलण्यात येत आहेत. हे काम सुरू असताना नवीन राऊटर बदलताना चूक झाली आणि संपूर्ण संपर्क यंत्रणा ठप्प झाली. आता राऊटरच खराब होता की बदलताना चूक झाली, याचा शोध यंत्रणांकडून घेण्यात येत आहे.

हवाई वाहतूक सुरू झाली आहे. मात्र वाहतूक पूर्वपदावर येण्यासाठी दोन दिवसांचा कालावधी लागू शकतो. एअर ट्रॅफिक यंत्रणा सुधारण्यासाठी 50 अब्ज डॉलर एवढा निधी लागणार आहे, असं अमेरिकेतील हवाई वाहतूक प्राधिकरणाचे प्रमुख ब्रायन बेडफोर्ड यांनी सांगितले आहे.

विमानसेवा विस्कळीत झाल्यानंतर तब्बल चार तासांहून अधिक काळ देशव्यापी उड्डाणे थांबवावी लागली होती. या घटनेमुळं शनिवारी दोन हजारांहून अधिक उड्डाणे रद्द झाली. तर शेकडो उड्डाणांना विलंब झाला होता. गेल्या 25 वर्षांतील हा सर्वाधिक काळ चाललेला एअर शटडाऊन होता. विमानसेवा कोलमडल्याने अनेक विमानतळावर मोठ्या प्रमाणात प्रवासी अडकले होते. 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES