महागडे मॉस्किटो लिक्विड विसरा! लिंबाचा असा करा वापर, डास राहतील दूर

घरामध्ये थोडी फार दुर्गंधी दिसली लगेचच मच्छर येतात, आता हिवाळा काही दिवसांमध्ये येणार आहे आणि त्यामुळे मग डासांचा उपद्रवही वाढतो. अशा परिस्थितीमध्ये डास जाण्यासाठी काय उपाय करावे हे सुचत नाही, सामान्य उपायांबद्दल सांगायचे झाले तर आपण अनेकदा धुरी करतो किंवा मग बाजारामध्ये मिळणारे गुड नाईट वापरतो. यावर कायमचा डासांना घालावण्यासाठी तोडगा काय यासंदर्भात तुम्हाला आज सांगणार आहोत. घरात सतत रासायनिक कॉइल्स किंवा द्रव जाळल्याने रासायनिक वास येतो आणि त्यामुळे डोळ्यांची जळजळ व इतर समस्या उद्भवू शकतात. यावर शरीराला कोणताही त्रास न होणारा घरगुती उपाय कोणते यासंदर्भात सांगणार आहोत.

लिंबाने डास कसे पळवून लावावेत

डासांना दूर ठेवण्यासाठी घरगुती उपाय करून पाहता येतात. येथे, डासांपासून सुटका मिळवण्यासाठी मदत करणाऱ्या लिंबाच्या उपायांबद्दल जाणून घ्या.

लिंबाच्या सालीत कापूर जाळा

लिंबाची साल घ्या, त्यात कापराचे तुकडे टाका आणि पेटवा. याऐवजी, तुम्ही लिंबाच्या रसात मोहरीचे तेल आणि वात घालूनही ज्योत पेटवू शकता. लिंबाच्या धुरामुळे डास नैसर्गिकरित्या दूर राहण्यास मदत होते.

लिंबापासून स्प्रे बनवणे

तुमच्या घरामध्ये सातत्याने डास येत असतील तर मग डासांची फवारणी करण्यासाठी खोली बराच वेळ बंद ठेवावी लागते, ज्यामुळे रासायनिक घटक असलेली हवा श्वासावाटे आत घेणे टाळता येते. जर तुम्ही लिंबाची फवारणी केली तर तुम्हाला खोलीच्या बाहेर जाण्याची गरज लागणार नाही, त्याचबरोबर लिंबाची फवारणी केली तर मग डास देखील पळून जातील. लिंबाची फवारणी तयार करण्यासाठी प्रत्येक कप पाण्यात दीड लिंबाचा रस पिळा. जर तुम्हाला जास्त प्रमाणात फवारणी करायची असेल आणि जास्त पाण्याची गरज असेल, तर त्यानुसार अधिक लिंबाचा रस घाला. दोन्ही घटक एका स्प्रे बॉटलमध्ये एकत्र करा आणि डासांवर फवारा.

लिंबू आणि लवंग रेसिपी

हा डास घालवण्याचा एक खुप सोपा उपाय आहे, सर्वात आधी एक लिंबू घ्या आणि त्याला अर्धा कापा आणि रस असलेल्या भागामध्ये लवंग घाला. लिंबू आणि लवंग तुमच्या घराच्या एका कोपऱ्यात ठेवा. तुम्ही हे लिंबू आणि लवंग अशा ठिकाणीही ठेवू शकता जिथे डासांचा जास्त प्रादुर्भाव असतो. लवंग आणि लिंबाच्या सुगंधामुळे डास दूर राहतात.