सकाळच्या नाश्त्यासाठी झटपट बनवा चविष्ट शेवयाचा उपमा; मिनिटांत होईल तयार
शेवयांचा उपमा तयार करण्याची खुप सोपी पद्धत आहे त्याचबरोबर हा स्वादिष्ट पदार्थ चवीला उत्तम आणि बनवायला सोपा आहे. या शेवयांचा उपमा घरच्या घरी कसा तयार करायचा यासाठी संपूर्ण रेसिपी वाचा.
सकाळच्या नाश्ताला रोज तेचतेच खाऊन कंटाळला असाल तर मग आज या लेखामध्ये एक युनिट नाश्त्यासाठी रेसिपी सांगणार आहोत. जर तुम्ही रोज पोहे, रव्याचा उपमा याप्रकारचा नाश्ता खाऊन कंटाळला असाल तर तुमच्यासाठी शेवयांचा उपमा हा एक उत्तम पर्याय असू शकतो. लोक अनेकदा तक्रार करतात की त्यांना नेहमीच्या पोहे, पराठा आणि सँडविचचा कंटाळा आला आहे. दक्षिण भारतामध्ये भारतीय पद्धतीने शेवयांचा उपमा तयार केला जातो त्याची चवही खूप वेगळी असते.
शेवयांचा उपमा तयार करण्याची खुप सोपी पद्धत आहे त्याचबरोबर हा स्वादिष्ट पदार्थ चवीला उत्तम आणि बनवायला सोपा आहे. या शेवयांचा उपमा घरच्या घरी कसा तयार करायचा यासाठी संपूर्ण रेसिपी वाचा.
शेवयांचा उपमा बनवण्यासाठी लागणारे साहित्य
बारीक शेवया – 2 कप
रिफाइंड तेल – 2 टेबलस्पून
मोहरी – 1 चमचा
जिरे – 1 चमचा
उडीद डाळ – 1 मोठा चमचा
हिरव्या मिरच्या – 1 (उभ्या कापलेल्या)
कढीपत्ता – 9-10
कांदा – 1 (बारीक चिरलेला)
शेंगा – 1/2 कप (तुकडे करून)
गाजर – 1/2 कप (तुकडे केलेले)
वाटाणे – 1/2 कप
टोमॅटो प्युरी – 1/2 कप
हळद पावडर – 1/2 चमचा
मीठ – चवीनुसार
भाजलेले शेंगदाणे – 2 मोठे चमचे
पाणी – 2.5 कप
कसा बनवायचा शेवयाचा उपमा?
शेवयाचा उपमा तयार करण्यासाठी सर्वात आधी एक तवा घ्या आणि तो गॅसवर ठेवा, त्यामध्ये शेवया घाला. मंच आचेवर सोनेरी तपकिरी होईपर्यत त्या शेवया 3-4 मिनिटे परतून घ्या. त्यानंतर शेवया भाजल्यानंतर त्या एका प्लेटमध्ये काढून बाजूला ठेवून द्या. आता त्याच कढईत तेल गरम करून त्यात उडीद डाळ, मोहरी आणि जिरे घालून तडतडू द्या. नंतर त्यात हिरव्या मिरच्या आणि कढीपत्ता घाला, मग चिरलेला कांदा घालून 1-2 मिनिटे चांगले परतून घ्या. कांदा परतल्यावर त्यात हळद आणि चवीनुसार मीठ घाला. चिरलेले गाजर, घेवडा आणि वाटाणे घालून सर्व व्यवस्थित मिसळा आणि भाज्या 3-4 मिनिटे शिजू द्या.
भाज्या शिजल्यानंतर त्यामध्ये टोमॅटो प्युरी आणि अडीच कप पाणी घालून चांगले मिसळून घ्या आणि पाण्याला उकळी येईपर्यत शिजवा. भाज्या शिजल्यानंतर आणि पाणी उकळल्यानंतर भाजलेल्या शेवया घालून चांगले मिसळून घ्या. पातेल्यावर झाकण ठेवून 5-6 मिनिटे शिजू द्या. शेवया पूर्णपणे शिजल्या आहेत आणि सर्व पाणी आटले आहे याची खात्री करा. शेवयांचा उपमा पूर्णपणे शिजल्यावर गॅस बंद करा. तो एका वाढण्याच्या भांड्यात काढून घ्या आणि भाजलेल्या शेंगदाण्यांनी सजवा. तुमचा स्वादिष्ट आणि गरमागरम शेवयांचा उपमा तयार आहे.