‘उत्सव बांधिलकी'चा! झी 24 तासची दिवाळी बळीराजाच्या दारी; 'या' ठिकाणी आनंदाचा उत्सव
‘उत्सव बांधिलकीचा – झी 24 तासची दिवाळी, बळीराजाच्या दारी’ या विशेष उपक्रमांतर्गत झी २४ तासची टीम बीड, सोलापूर, पाथरी आणि ऐतिहासिक सिंदखेड राजा अशा विविध भागांतील गावांमध्ये पोहोचली.
दिवाळी म्हणजे आनंद, उत्साह, प्रकाश आणि आपल्या माणसांसोबत सण साजरा करण्याचा काळ. मात्र, दुष्काळ, पाणीटंचाई आणि आर्थिक अडचणींमुळे अनेक शेतकरी कुटुंबांच्या आयुष्यात यंदा दिवाळीचा आनंद काहीसा हरवला होता. अशाच शेतकरी कुटुंबांच्या आयुष्यात आनंदाचे काही क्षण फुलवण्यासाठी झी २४ तासने यंदाची दिवाळी थेट बळीराजाच्या दारी जाऊन साजरी केली. ‘उत्सव बांधिलकीचा – झी 24 तासची दिवाळी, बळीराजाच्या दारी’ या विशेष उपक्रमांतर्गत झी २४ तासची टीम बीड, सोलापूर, पाथरी आणि ऐतिहासिक सिंदखेड राजा अशा विविध भागांतील गावांमध्ये पोहोचली.
केवळ शुभेच्छा देण्यासाठी नव्हे, तर शेतकरी कुटुंबांसोबत वेळ घालवण्यासाठी, त्यांच्या सुख-दुःखात सहभागी होण्यासाठी आणि त्यांच्या चेहऱ्यावर हसू फुलवण्यासाठी हा विशेष उपक्रम राबवण्यात आला. या उपक्रमाला मराठी चित्रपटसृष्टीतील लोकप्रिय कलाकारांनीही उत्स्फूर्त सहभाग दिला.
सिंदखेड राजा: अभिनेत्री मानसी नाईक यांनी शेतकरी कुटुंबांसोबत दिवाळीचा आनंद साजरा केला.
बीड: ज्येष्ठ अभिनेत्री अलका कुबल आणि अभिनेते प्रवीण तरडे यांनी शेतकरी कुटुंबांची भेट घेतली.
पाथरी आणि सोलापूर: अभिनेते प्रवीण तरडे यांनी झी २४ तासच्या टीमसोबत गावोगावी भेट देत या उपक्रमात सहभाग घेतला.
हे ही वाचा
झी 24 तासचा 'उत्सव बांधिलकीचा'; दुष्काळग्रस्त नाईकनगरमधील बळीराजाचा बांधावर दिवाळी साजरी
हा उपक्रम करण्यामागचा उद्देश एकच होता तो म्हणजेच पाण्याअभावी आणि आर्थिक विवंचनेमुळे संघर्ष करणाऱ्या शेतकरी कुटुंबांच्या आयुष्यात दिवाळीचा आनंद, आपुलकी आणि सकारात्मकतेचा प्रकाश पोहोचवणे. कारण दिवाळीचा खरा अर्थ केवळ आपल्या घरात दिवे लावण्यात नाही, तर दुसऱ्याच्या आयुष्यातही आनंदाचा एक दिवा पेटवण्यात आहे. झी 24 तास — केवळ बातम्या देणारं नव्हे, तर समाजाशी नातं जपणारं आणि बांधिलकी निभावणारं आपलं हक्काचं व्यासपीठ! या उपक्रमाची आणि आपल्या गावात घडलेल्या या आनंदाच्या क्षणांची माहिती आपल्या माध्यमातून अधिकाधिक लोकांपर्यंत पोहोचवावी, ही विनंती.
