अभिनेता तुषार कपूर, आयुष्मान खुरानाला धमकी देणारा अटकेत, पण समोर आली हादरवणारी माहिती, लॉरेन्स गँगशी संबंधच नाही...

गेल्या काही दिवसांपासून बॉलिवूड दहशतीखाली खाली. टायगर श्रॉफवर झालेल्या हल्ल्यानंतर बॉलिवूडमध्ये खळबळ उडाली होती. या घटनेनंतर अनेक कलाकारांनी त्यांच्या सुरक्षेत वाढ केली होती. तर काही दिवसांपूर्वीच अभिनेता तुषार कपूर आणि अयुष्मान खुरानाला धमकीचे मेसेज आले होते. आता या प्रकरणात एक खळबळजनक माहिती समोर आली आहे.

मिळालेल्या माहितीनुसार, अभिनेता तुषार कपूर आणि आयुष्मान खुराना यांच्यासह अनेकांना धमकी देणारा वैभव मिश्रा याला पोलिसांनी ताब्यात घेतलं आहे. आरोपी वैभव मिश्रा हा आयटी इंजिनिअर असून तो लॉरेन्स बिश्नोई गँगच्या प्रभावाखाली असल्याचे तपासात समोर आले आहे.

आरोपी वैभव मिश्रा हा लॉरेन्स बिश्नोई गँगचे व्हिडिओ वारंवार पाहत असल्याची माहिती पोलिसांच्या हाती लागली आहे. आरोपीने स्वतःला लॉरेन्स बिश्नोई गँगचा सदस्य असल्याचे भासवून अभिनेत्यांना धमकी दिल्याचेही समोर आले आहे. पोलिसांनी आरोपीला बेंगळुरूमधून अटक केली आहे. तर, न्यायालयाने त्याला मंगळवारपर्यंत पोलीस कोठडी सुनावली

आरोपी वैभवने अभिनेत्यांचे नंबर ऑनलाइनरित्या शोधून काढले. त्यानंतर मोबाईल नंबर ऑनलाइन मिळाल्यास ऑडिओ मेसेजद्वारे, तर काहींना इन्स्टाग्रामवरून धमकी दिल्याचा आरोप आहे. आरोपीने मोबाईलमधील जुना डेटा आणि रेकॉर्ड डिलीट केल्याचा पोलिसांचा संशय आहे. तसंच, आरोपीकडून इतर कोणत्या व्यक्तींना धमकी देण्यात आली, याचा तपास सुरू.

प्राथमिक माहितीनुसार, धमक्यांमधून पैसे उकळण्याचा त्याचा उद्देश होता की लॉरेन्स बिश्नोई गँगच्या व्हिडिओंचा प्रभाव होता, याचा पोलीस तपास करत आहेत.

तुषार कपूरला आली होती धमकी

बॉलिवूड अभिनेता तुषार कपूर याला कथितरित्या एक फोन आला होता. तेव्हा  फोन करणाऱ्याने स्वतःची ओळख लॉरेन्स बिश्नोई टोळीचा सदस्य 'हॅरी बॉक्सर' म्हणून सांगितली आणि 5 कोटी रुपयांची खंडणी मागितली. अभिनेत्याने या प्रकरणाची माहिती मुंबई पोलिसांना दिली होती.

गुन्हे शाखेच्या तांत्रिक पथकाने धमकीच्या फोनमधील ऑडिओ रेकॉर्डिंग तपासले असून, त्यांच्या डेटाबेसमधील 'हॅरी बॉक्सर'च्या अधिकृत ऑडिओ नमुन्यांशी आवाजाची जुळवणी करत होते. मात्र वरिष्ठ पोलीस सूत्रांनुसार, हे नमुने जुळले नाहीत, त्यामुळे हा फोन बनावट होता किंवा कोणीतरी धमकावण्यासाठी टोळीच्या नावाचा वापर केला होता, असा संशय बळावला होता. त्यानुसार पोलिसांनी तपास सुरू करताच आरोपी वैभव मिश्रापर्यंत तपासाचे धागेदोरे पोहोचले.