थंडीची चाहूल लागणार? आज कसं असेल महाराष्ट्राचं हवामान? कोकण, मध्य महाराष्ट्रात...
दिवाळीच्या पहिल्या दिवशी थंडी असणार का? जचे हवामान वाचा जसेच्या तसे
Maharashtra Weather Update: राज्यात पावसाने उघडीप दिल्यानंतर उन्हाचा चटका वाढला आहे. आकाश निरभ्र उन्हाची काहिली जाणवत आहे. आज कोकण आणि मध्य महाराष्ट्रात कमाल तापमानाचा चटका कायम असणार आहे. त्यामुळं उकाड्याने नागरिक हैराण होतील.
मुरासू चक्रीवादळ निवळल्यानंतर पूर्व तेलंगणा आणि आंध्र प्रदेश परिसरावर समु्द्र सपाटीपासून 4.5 किमी उंचीवर चक्राकार वाऱ्यांची स्थिती आहे. तसंच, केरळच्या किनाऱ्यापासून दक्षिण कर्नाटकपर्यंत हवेचा कमी दाबाचा पट्टा कायम आहे. चक्रीवादळामुळं राज्यातही पावसाला पोषक हवामान निर्माण झाले होते. मात्र आता पावसाची शक्यता नसल्याने राज्यात पुन्हा उन्हाचा चटका वाढणार आहे.
आज राज्यातील कोकण, मध्य महाराष्ट्राच्या तापमानात वाढ होण्यास सुरुवात झाली आहे. किमान तापमानात चढ-उतार होत असल्याने हवामानात सातत्याने बदल होत आहेत. नोव्हेंबर महिना येऊन आठवडा लोटला तरीही अद्याप राज्यात कुठेच थंडीची चाहुल नाही. राज्यात अंशतः ढगाळ हवामानासह तापमानातील चढ-उतार कायम राहण्याचा अंदाज हवामान विभागाने वर्तवला आहे.
दरम्यान, मुंबईतील कुलाबा येथे राज्यातील उच्चांकी 36.9 अंश सेल्सिअसची तापमानाची नोंद झाली आहे. तर, रत्नागिरी, सोलापूर येथे 36 अंशापेक्षा अधिक तर सांताक्रुझ, सांगली येथे 35 अंशांपेक्षा अधिक तापमानाची नोंद झाली आहे.
कसं असेल हवामान?
मुंबई, कोकण- उष्ण व दमट वातावरण
पुणे, नाशिक- स्वच्छ आकाश, दिवसा उष्णता
मराठवाडा- कोरडे हवामान
विदर्भ- उन्हाचा चटका
पश्चिम महाराष्ट्र- प्रामुख्याने निरभ्र आकाश
