मनोज जरांगेंचा 500 कोटींचा ऑडिओ बॉम्ब, ती महिला अन् श्रीकांत शिंदे..., शिंदेंच्या शिष्टमंडळांने मुख्यमंत्री फडणवीसांना काय सांगितलं?
मनोज जरांगे पाटील यांच्या एक विधानामुळे महाराष्ट्रातील राजकारणात मोठा भूकंप झाला. 500 कोटींचा ऑडिओ बॉम्बमुळे शिंदेंच्या शिष्टमंडळांने मुख्यमंत्री देवेंद्र फडणवीस यांची भेट घेऊन निवेदन दिलं आहे.
काही महिन्यांपूर्वी उपमुख्यमंत्री एकनाथ शिंदेंचं कौतुक करणारे मनोज जरांगे पाटील आता त्यांच्यावरच तुटून पडलेत. 500 कोटींच्या कथित व्यवहाराचा आरोप करत जरांगेंनी महाराष्ट्रातील राजकीय वर्तुळात खळबळ उडवलीय. तर या आरोपांना धार देण्यासाठी मनोज जरांगेंनी 500 कोटींचा ऑडिओ बॉम्ब फोडला आहे. ही क्लिप विधानसभा निवडणुकीदरम्यानच्या भाजपच्या कॉन्फरन्स मीटिंगमधील असल्याचा दावा केला जातोय. क्लिपमधील संवादाच्या आधारेच आपण आर्थिक व्यवहाराबाबत भाष्य केल्याचं जरांगेंनी स्पष्ट केलंय.
मनोज जरांगेंनी थेट पंतप्रधान मोदी, मुख्यमंत्री फडणवीस आणि दोन्ही उपमुख्यमंत्र्यांनाच आव्हान दिलंय. 500 कोटी रुपये दिल्याचं सांगणाऱ्यांना शिंदेंनी जाब विचारावा अशी मागणीही त्यांनी केलीय. या ऑडिओ बॉम्बेनंतर कथित ऑडिओ क्लिप प्रकरणानंतर महायुतीत हालचाली वाढल्या आहे. शिवसेनेचे मंत्री मुख्यमंत्री देवेंद्र फडणवीसांच्या भेटीला गेले होते. शिवसेनेच्या शिष्टमंडळात विधान परिषद उपसभापती सचिन अहिर, खासदार मिलिंद देवरा, खासदार रवींद्र वायकर, माजी खासदार राहुल शेवाळे आणि माजी मंत्री डॉ. दिपक सावंत हे होते.
शिष्टमंडळाने मुख्यमंत्र्यांना काय सांगितलं?
कथित ऑडिओ क्लिपच्या चौकशीसाठी शिष्टमंडळ मुख्यमंत्र्यांना निवेदन देणार
शिवसेनेचे शिष्टमंडळ मुख्यमंत्री फडणवीस यांच्या भेटीला पोहोचले
* राहुल शेवाळे, मिलिंद देवरा, रविन्द्र वायकर आणि उपसभापती सचिन अहिर यांच्यासह शिवसेनेचे शिष्टमंडळ मुख्यमंत्री फडणवीस यांच्या भेटीला
* मनोज जरांगे यांनी व्हायरल केलेल्या कथित ऑडिओ क्लिपमध्ये डॉ. श्रीकांत शिंदे यांच्याकडून मनोज जरांगे यांना ५०० कोटी रुपये दिल्याचा उल्लेख असल्याचा दावा.
* या कथित व्यवहाराची सखोल चौकशी करण्याची मागणी शिवसेनेचे शिष्टमंडळ मुख्यमंत्र्यांकडे करणार.
* कथित ऑडिओ क्लिपची सत्यता तपासण्यासाठी फॉरेन्सिक तपासणी करण्याची मागणीही शिष्टमंडळाकडून केली जाण्याची शक्यता.
* डॉ. श्रीकांत शिंदे यांच्याबाबत एका महिलेने ऑडिओमध्ये केलेल्या विधानाची चौकशी करण्यात यावी
* हे आरोप राजकीय हेतूने करण्यात आले आहेत का, याचीही चौकशी करून योग्य कारवाई करावी, अशी मागणी करण्यात आली आहे.
* डॉ. श्रीकांत शिंदे यांच्याबाबत एका महिलेने ऑडिओमध्ये केलेल्या विधानाची तातडीने चौकशी करावी.
या प्रकरणाची एसआयटीमार्फत चौकशी करावी
आरोप राजकीय हेतूने करण्यात आले आहेत का, याचीही सखोल चौकशी करून योग्य कारवाई करावी
मुख्यमंत्री देवेंद्र फडणवीस यांनी चौकशी करण्याचे आश्वासन दिले आहे.
सचिन अहिर यांची प्रतिक्रिया
* मुख्यमंत्री देवेंद्र फडणवीस यांची भेट घेतली.
* मनोज जरांगे यांनी सादर केलेल्या ऑडिओ क्लिपच्या आधारे आमच्या नेत्यांवर नाहक आरोप केले आहेत.
* या संपूर्ण प्रकरणाची सखोल चौकशी करून ऑडिओ क्लिपची सत्यता तपासावी आणि सत्य जनतेसमोर आणावे, अशी मागणी आम्ही मुख्यमंत्र्यांकडे केली आहे.
