मार्च 2027 पर्यंत भारतात 55,000 लोकांचा मृत्यू होणार? जगभरात 3.73 लाख लोकांचा जीव धोक्यात, अल निनोचा हवामानावर महाभयानक परिणाम

el Nino : सुपर अल निनो सक्रिय झाला आहे. या भारताच्या मान्सूनला याचा मोठा फटका बसला आहे. अन निनोमुळे पर्ज्यनमान घटले आहे. यामुळे भारतातील अनेक राज्यांवर दुष्काळाचे सावट निर्माण झाले. तर, भारतावर मोठं जल संकट ओढावण्याची भिती देखील व्यक्त केली जात आहे. अशातच भविष्यात  अल निनोचा भारताच्या हवामानावर महाभयानक परिणाम होणार. मार्च 2027 पर्यंत भारतात 55,000 लोकांचा मृत्यू होणार अशी भिती व्यक्त केली जात आहे. एका हवामान विश्लेषकाने हा धोक्याचा अलर्ट दिला आहे. 

यंदाचा अल निनो 1950 नंतरचा सर्वात शक्तिशाली अल निनो असल्याचे जागतिक वैद्यकीय संघटनेने (WMO) म्हटले आहे. एका हवामान विश्लेषकाने 'सुपर एल निनो'बद्दल अत्यंत धोकादायक इशारा दिला आहे. ऑक्टोबर ते मार्च दरम्यान भारतात उष्णतेमुळे सुमारे 55,000 मृत्यू होऊ शकतात. जागतिक स्तरावर पुढील सहा महिन्यांत 3,73,000 हून अधिक अतिरिक्त मृत्यू होण्याची भिती व्यक्त करण्यात आली आहे. 

2026 मध्ये सुपर अल निनो सक्रिय झाला आहे. यामुळे जगभरातील पर्जन्यमानात बदल होत आहे. तर, तापमानात देखील वाढ होत आहे. हवामानात होत असलेय्या बदलांचा आढावा घेण्यासाठी क्लायमेट इम्पॅक्ट लॅबने अल निनोच्या उष्णतेमुळे मानवांना होणाऱ्या धोक्याचे मूल्यांकन करण्यासाठी 'अल निनो हीट मॉर्टॅलिटी ट्रॅकर' नावाचे एक नवीन साधन विकसित केले आहे. या ट्रॅकरच्या मदतीने  मासिक गोळी केला जात आहे. यामध्ये पुढील सहा महिन्यांतील संभाव्य मृत्यूंच्या अंदाजाबाबत धक्कादायक माहिती समोर आली आहे. 

जून 2026 मध्ये अल निनो सक्रिया झाला आहे. तेव्हापासून उष्णतेमुळे झालेल्या मृत्यूंची संख्या नोंदवण्यात आली आहे. जगभरातील राज्यांकडून माहिती पुरवून, हे साधन निधी पुरवणाऱ्यांना आणि व्यावसायिकांना सर्वाधिक प्रभावित क्षेत्रांविषयी सखोल माहिती देते. यामुळे संसाधनांची सर्वाधिक गरज कुठे आहे आणि कुठे जीव वाचवता येतील हे ओळखण्यास मदत होत आहे.

एकूण किती लोकांचा मृत्यू होऊ शकतो?

या ट्रॅकरने मार्च 2027 पर्यंतचा डेटा गोळा केला आहे. मार्चपर्यंतचा डेटा समाविष्ट आहे. यानुसार, अल निनोमुळे वाढलेल्या उष्णतेमुळे एकूण अंदाजे 8,57,000 मृत्यू होऊ शकतात अशी भिती व्यक्त केली आहे.  त्यापैकी अंदाजे 3,73,000 मृत्यू पुढील सहा महिन्यांत होण्याची शक्यता आहे. 

क्लायमेट इम्पॅक्ट लॅबचे सह-संस्थापक आणि शिकागो विद्यापीठातील मिल्टन फ्रीडमन डिस्टिंग्विश्ड सर्व्हिस प्रोफेसर ऑफ इकॉनॉमिक्स, मायकल ग्रीनस्टोन यांनी याबाबत माहिती दिली. या तंत्रज्ञानामुळे तीव्र उष्णतेच्या प्राणघातक परिणामांचा अंदाज लावता येणे हे एक मोठे पाऊल आहे. यामुळे लोकांना सर्वाधिक धोका कुठे आहे हे आपण ओळखू शकतो. यामुळे जीवितहानी होण्यापूर्वी आवश्यक ती कारवाई करता येवू शकतो. 

ट्रॅकरच्या मदतीने काढता आला मृत्यूचा आकडा?

सर्वाधिक मृत्यू कुठे होतील त्या ठिकाणाचा निश्चित अंदाज लावता आलेला नाही. मात्र, अल निनोच्या उष्णतेमुळे सर्वाधिक मृत्यू विकसनशील देशांमध्ये होऊ शकतात. पुढील सहा महिन्यांच्या म्हणजे ऑक्टोबर 2026 ते मार्च 2027 दरम्यान धोका आणखी वाढणार आहे.  नायजेरियामध्ये अल निनोच्या उष्णतेमुळे सर्वाधिक मृत्यू होण्याची शक्यता आहे. या सहा महिन्यांत तेथे अंदाजे 56,000 लोकांचा मृत्यू होऊ शकतो. त्यानंतर भारताचे नाव समोर येत आहे. भारतात उष्णतेमुळे अंदाजे 55,000 मृत्यू अपेक्षित असून, यापैकी बहुतेक मृत्यू मार्च महिन्यात होण्याची शक्यता आहे.