'माझ्या परवानगीशिवाय...', शिखर धवन T20 लीगवर संतापला! खेळाडूने कारवाई करण्याची दिली धमकी

वर्ल्ड टी20 कॉन्टिनेंटल कप 2026 ची पहिली आवृत्ती हाँगकाँगमध्ये खेळवली जाणार आहे. या स्पर्धेमध्ये चार संघ सहभागी होणार आहेत, यामध्ये एशिया वॉरियर्स, आफ्रिका लायन्स, युरोप चॅम्पियन्स आणि नॉर्थ अमेरिका ईगल्स हे संघ या स्पर्धेमध्ये खेळणार आहेत. आता या स्पर्धेसाठी अनुभवी खेळाडूंचा संघाची घोषणा करण्यात आली आहे यामध्ये भारताचा स्टार माजी खेळाडू शिखर धवनचे देखील या स्पर्धेमध्ये नाव आहे. पण या संघाची घोषणा झाल्यानंतर नवा वाद सुरु झाल्याचे पाहायला मिळत आहे, भारताचा माजी खेळाडू शिखर धवनने एक पोस्ट शेअर केली आहे यामध्ये त्याने या स्पर्धेमध्ये संमतीशिवाय नाव वापरल्याचे सांगितले आहे. नक्की झाले काय यासंदर्भात सविस्तर वाचा.

शिखर धवन याचे नाव एशिया वॉरियर्स संघाचे नेतृत्व भारतीय अनुभवी खेळाडू शिखर धवनकडे सोपवण्यात आले आहे. यामुळे त्याने सोशल मीडियावर नाराजी व्यक्त केली आहे. त्याने लीगच्या आयोजकांवर कायदेशीर कारवाई करण्याची धमकीही दिली आहे.  धवनने 'X' या सोशल मीडिया प्लॅटफॉर्मवर लिहिले, "मला समजले आहे की वर्ल्ड टी20 कॉन्टिनेंटल कपमध्ये सहभागी म्हणून माझ्या नावाचा समावेश करण्यात आला आहे. आयोजकांनी माझ्या माहितीशिवाय आणि परवानगीशिवाय माझ्या नावाचा वापर केला आहे. माझी टीम या प्रकरणी योग्य कायदेशीर कारवाई करेल."

हे ही वाचा

ऑस्ट्रेलिया नंबर 1 तर भारत बांगलादेशच्या मागे, डर्बन कसोटीनंतर WTC गुणतालिकेचे चित्र बदलले!

त्याने पुढे लिहिले, "मी मीडिया आणि माझ्या चाहत्यांना विनंती करतो की कोणत्याही अनधिकृत घोषणेवर विश्वास ठेवू नका किंवा ती प्रसिद्ध करू नका. तुमच्या प्रेमाबद्दल आणि पाठिंब्याबद्दल धन्यवाद." त्याच्या या सोशल मिडियावर केलेल्या पोस्टनंतर क्रिकेट चाहत्यांच्या प्रतिक्रिया समोक येत आहेत. शिखर धवनने संघासाठी आंतरराष्ट्रीय क्रिकेटमध्ये कमालीची कामगिरी केली आहे.

धवन प्रो स्टार क्रिकेट लीगमध्ये दिसणार आहे. ही स्पर्धा पुढील वर्षी मार्चच्या पहिल्या आठवड्यात सुरू होईल. याची सुरुवात श्रीनगरमध्ये होईल आणि अंतिम सामना डेहराडूनमध्ये होईल. धवनला, जम्मू आणि काश्मीरचा क्रिकेटपटू परवेझ रसूलसोबत, लीगचा 'आयकॉनिक प्लेयर' म्हणून घोषित करण्यात आले आहे. परवेझने 2014 मध्ये भारतासाठी पदार्पण केले आणि एक एकदिवसीय व एक टी20 आंतरराष्ट्रीय सामना खेळला आहे. भारताचा माजी फलंदाज आणि प्रसिद्ध समालोचक आकाश चोप्रा हे प्रो स्टार क्रिकेट लीगचे आयुक्त आहेत.