न्यूझीलंडविरुद्ध मालिकेमध्ये मुंबईच्या या खेळाडूचे स्थान पक्के, कोणत्या खेळाडूची घेणार जागा?

भारताची सध्या वेस्ट इंडिजविरुद्ध टी20 मालिका सुरु आहे, ही मालिका झाल्यानंतर टीम इंडिया न्यूझीलंड दौऱ्यावर जाणार आहे. भारताचा संघ या दौऱ्यावर एकदिवसीय, टी20 आणि कसोटी मालिका खेळणार आहे. या दौऱ्यासाठी बीसीसीआयने अजूनपर्यत संघांची घोषणा केलेली नाही त्यामुळे आता कोणत्या खेळाडूंना न्यूझीलंडविरुद्ध मालिकेमध्ये लॅाटरी लागणार याकडे सर्वांचे लक्ष लागले आहे. मुंबईचा वेगवान गोलंदाजी अष्टपैलू सूर्यांश शेडगे, ज्याने अलीकडेच ऑस्ट्रेलिया 'अ' संघाविरुद्ध लिस्ट 'अ' स्पर्धेत चांगली कामगिरी केली, त्याची न्यूझीलंड दौऱ्यासाठीच्या भारतीय एकदिवसीय संघात निवड होण्याची शक्यता आहे, आता ही बातमी का समोर आली आहे यामागचे कारण जाणून घ्या.

23 वर्षीय शेडगेने या वर्षाच्या सुरुवातीला आयर्लंडविरुद्ध टी20 आंतरराष्ट्रीय पदार्पण केले होते आणि तो इंग्लंड-झिम्बाब्वे मालिकेतही भारतीय संघाचा भाग होता. शेडगेने भारतासाठी तीन टी20 आंतरराष्ट्रीय सामने खेळले असून, हॅमस्ट्रिंगच्या दुखापतीतून सावरल्यानंतर त्याने नुकतेच स्पर्धात्मक क्रिकेटमध्ये पुनरागमन केले आहे. पुदुचेरी येथे ऑस्ट्रेलिया 'अ' संघाविरुद्धच्या तीन सामन्यांच्या अनधिकृत एकदिवसीय मालिकेत त्याने फलंदाजी आणि गोलंदाजी या दोन्हीमध्ये प्रभावी कामगिरी केली. त्याने मालिकेतील पहिल्या सामन्यात चार बळी घेतले आणि अंतिम सामन्यात शानदार 66 धावा केल्या. आता तो न्यूझीलंडविरुद्धच्या एकदिवसीय मालिकेत खेळण्याची शक्यता आहे.

हे ही वाचा

IND vs WI : नो वैभव सूर्यवंशी! टीम इंडियाला मालिका जिंकण्याची संधी, जाणून घ्या प्लेइंग 11

मागील काही काळापासून भारतीय संघातील दुखापतीचे प्रमाण वाढले आहे, यामध्ये टीम इंडियाचे अनेक स्टार खेळाडू हे जखमी आहेत. जसप्रीत बुमराह, हार्दिक पांड्या यासांरखे खेळाडू मागील काही काळापासून दुखापतीशी झुंजत आहेत. बीसीसीआयच्या एका सूत्राने सांगितले, "शेडगेची एकदिवसीय संघात निवड होण्याची दाट शक्यता आहे, कारण कसोटी मालिकेत नितीश कुमार रेड्डी चौथा वेगवान गोलंदाज आणि खालच्या फळीतील फलंदाज म्हणून महत्त्वाची भूमिका बजावणार आहे. रेड्डी सर्व एकदिवसीय सामने खेळणार नाही, कारण त्याला कसोटी मालिकेची तयारी करायची आहे." वेस्ट इंडिजविरुद्धच्या मालिकेनंतर 22 ऑक्टोबरपासून पाच टी20 आंतरराष्ट्रीय सामने होतील. एकदिवसीय मालिका 4 नोव्हेंबर रोजी ऑकलंडमध्ये सुरू होईल.

वेस्ट इंडिजविरुद्धची टी20 मालिका संपल्यानंतर, भारतीय संघ 22 ऑक्टोबरपासून इंग्लंडविरुद्ध पाच सामन्यांची टी-20 मालिका खेळेल. यानंतर भारत आणि इंग्लंड यांच्यात 4 नोव्हेंबरपासून पाच एकदिवसीय सामन्यांची मालिका होईल, ज्यातील पहिला सामना ऑकलंडमध्ये खेळला जाईल. बीसीसीआय लवकरच न्यूझीलंड एकदिवसीय मालिकेसाठी भारतीय संघाचा संघ जाहीर करेल अशी अपेक्षा आहे.