स्मृती मानधना करणार नव्या पर्वाला सुरुवात, कधी आणि कुठे पाहता येणार IND vs ZIM सामना?

भारत महिला संघ विरुद्ध झिम्बाब्वे महिला संघ यांच्यामध्ये होणाऱ्या ऐतिहासिक मालिकेला आजपासून सुरुवात होणार आहे. या मालिकेचा पहिला सामना आज रायपूरमध्ये खेळवला जाणार आहे. भारतीय महिला संघ आता नव्या कर्णधारासह टीम इंडियाची नवी सुरुवात करणार आहे, हरमनप्रीत कौरने कर्णधारपद सोडल्यानंतर स्मृती मानधना भारतीय संघाचे नेतृत्व करताना दिसणार आहेत. या नव्या पर्वाला आजपासून सुरुवात होणार आहे, चॅम्पियन ट्रॅाफीमध्ये भारतामध्ये होणार आहे त्याआधी भारताच्या संघासाठी ही मालिका महत्त्वाची असणार आहे. आता भारत महिला संघ विरुद्ध झिम्बाब्वे महिला यासामन्याची लाईव्ह स्ट्रिमिंग क्रिकेट चाहत्यांना कधी आणि कुठे पाहता येणार यासंदर्भात सविस्तर वाचा.

कधी आणि कुठे पाहता येणार सामना?

भारत महिला संघ विरुद्ध झिम्बाब्वे महिला संघ यांच्यामध्ये मालिकेचा पहिला सामना हा 16 ऑक्टोबर रोजी खेळवला जाणार आहे. या सामन्याचे आयोजन शहीद वीर नारायण सिंग आंतरराष्ट्रीय स्टेडियम, रायपूर येथे करण्यात आले आहे. पहिल्यांदाच ही मालिका खेळवली जात आहे, त्यामुळे ही मालिका ऐतिहासिक ठरणार आहे. भारत विरुद्ध झिम्बाब्वे यांच्यामध्ये होणाऱ्या सामन्याला सुरुवात ही संध्याकाळी 7 वाजता होणार आहे, या सामन्याच्या नाणेफेकीसाठी दोन्ही संघाचे कर्णधार हे मैदानावर 6.30 वाजता येतील.

भारत महिला संघ विरुद्ध झिम्बाब्वे महिला संघ या सामन्याचे टेलिव्हिजनवर प्रक्षेपण हे स्टार स्पोर्ट्स 1 आणि स्टार स्पोर्ट्स 1 हिंदीवर पाहता येणार आहे. या सामन्याची लाईव्ह स्ट्रिमिंग ही जिओहॅाटस्टारवर चाहत्यांना पाहायला मिळणार आहे. स्मृती मंधाना पूर्णवेळ कर्णधार म्हणून पहिल्यांदाच टीम इंडियाची जर्सी परिधान करणार आहे. ती आपल्या कार्यकाळाची सुरुवात विजयाने करण्याचा प्रयत्न करेल.

हे ही वाचा

न्यूझीलंडविरुद्ध मालिकेमध्ये मुंबईच्या या खेळाडूचे स्थान पक्के, कोणत्या खेळाडूची घेणार जागा?
 

नुकतेच झालेले मुख्यमंत्री विष्णू देव साई यांनी या सामन्याच्या संदर्भात मोठी घोषणा केली आहे. भारत विरुद्ध झिम्बाब्वे या सामन्यामध्ये महिला संघासाठी या सामन्यात मोफत एन्ट्री देण्याचा निर्णय घेतला आहे. आयएएनएसशी बोलताना एका सूत्राने सांगितले, छत्तीसगडच्या मुख्यमंत्र्यांनी महिलांना मोफत प्रवेश देण्याच्या सुचना देण्यात आल्या आहेत. हा निर्णय मुख्यमंत्र्यांच्या सुचनेनुसार घेण्यात आला आहे असे सांगितले आहे. नवरात्री सुरु आहेत या सामन्यासाठी अधिक महिला या महिला क्रिकेटसा पाठिंबा देण्यासाठी उपस्थित राहण्याची अपेक्षा आहे, ज्यामुळे रायपूरमधील सणासुदीचा काळ दुप्पट होईल.

भारतीय महिला संघ : शफाली वर्मा (उपकर्णधार), स्मृती मानधना (कर्णधार), हरमनप्रीत कौर, ऋचा घोष (विकेटकिपर), गुणालन कमलिनी, दीप्ती शर्मा, नंदनी शर्मा, क्रांती गौड, अनुष्का शर्मा, अरुंधती रेड्डी, मिन्नू मणी, श्री चरणी, जिंतीमणी कलिता, निकी प्रसाद, प्रेमा रावत