'रावण हा पूर्णपणे दुष्ट नाही...' अभिनेत्री साई पल्लवीच्या वक्तव्यामुळे नवा वाद! पहा Video

नितेश तिवारी यांचा आगामी सिनेमा 'रामायण' मागील काही दिवसांपासून सातत्याने चर्चेत आहे. या सिनेमाचे मागील काही दिवसांपासून जोरदार प्रमोशन केले जात आहे, रणबीर कपूर प्रभू राम यांच्या भूमिकेमध्ये पाहायला मिळणार आहे. तर सिनेमामध्ये अभिनेत्री साई पल्लवीने माता सीतेची भूमिका साकारली आहे. हा सिनेमा प्रदर्शित होण्याआधी अनेक वाद उकळत आहेत, त्यामुळे मागील काही दिवसांपासून सातत्याने या सिनेमाची चर्चा पाहायला मिळत आहे. या सिनेमाच्या प्रमोशनाच्या वेळी एक वक्तव्य केले आहे त्यानंतर आता पुन्हा एक नवा वाद सुरु झाला आहे, नक्की काय म्हणाली साई पल्लवी यासंदर्भात सविस्तर वाचा.

लॉस एंजेलिसमध्ये चित्रपटाच्या जागतिक प्रीमियरप्रसंगी ती म्हणाली की, ही कथा लोकांना आत्मपरीक्षण करण्यास, स्वतःमधील चांगले-वाईट ओळखण्यास आणि कालांतराने अधिक चांगले व्यक्ती बनण्यासाठी प्रयत्न करण्यास प्रेरित करते. अभिनेत्री साई पल्लवी पुढे म्हणाली की, "जर कोणाला भारतीय संस्कृती आणि भारतीय महाकाव्यांबद्दल जाणून घेण्यात रस असेल, तर मला वाटते की ही एक चांगली सुरुवात असू शकते, जिथे त्यांना रामायणातील सर्वोत्तम भाग पाहायला मिळेल." ती पुढे म्हणाली, "एक धार्मिक ग्रंथ म्हणून, जर तुमची श्रद्धा असेल, तर तुम्ही आत्मपरीक्षण करू शकता. तुमच्यामध्ये कोणते चांगले आणि वाईट गुण आहेत हे तुम्ही पाहू शकता. तुम्ही कालांतराने स्वतःमध्ये सुधारणा करायला शिकू शकता. कारण रावण पूर्णपणे वाईट नव्हता. आपल्यातील रावणाला ओळखणे आणि कालांतराने त्यात बदल घडवणे महत्त्वाचे आहे."

हे ही वाचा

'मला चिंता वाटते, विजय...', रश्मिका मंदाना ट्रोलर्सवर संतापली! दिले सडेतोड उत्तर

सिनेमाच्या प्रमाोशनाच्या वेळी साई पल्लवीने चित्रपटाबद्दल भाष्य केले आणि रावणावरही प्रतिक्रिया दिली. अभिनेत्रीने रावणाच्याबद्दल केलेल्या वक्तव्यामुळे सोशल मीडियावर संमिश्र प्रतिक्रिया उमटत आहेत. काहींच्या मते साईने अशी वक्तव्ये करू नयेत, तर काहींच्या मते साईला ट्रोल करू नये. ती 'आतल्या रावणाबद्दल', म्हणजेच आंतरिक दोषांबद्दल माध्यमांशी बोलताना वक्तव्य केले आहे. रावणाबद्दल बोलताना अभिनेत्री म्हणाली की, एक धार्मिक ग्रंथ म्हणून जर तुम्ही त्यावर विश्वास ठेवत असाल तर तुम्ही तुमच्यामधील चांगले आणि वाईट काय आहे हे तुम्ही पाहिले पाहिजे आणि कालांतराने त्यातील काही वाईट गोष्टी सुधारणे गरजेचे आहे.

पुढे अभिनेत्री म्हणाली की, रावण हा पूर्णपण दुष्ट नाही म्हणूनच आपल्यामधील रावणाला ओळखणे आणि कालांतराने स्वत:मध्ये बदल घडवणे महत्त्वाचे आहे असे अभिनेत्रीने मिडीयासमोर वक्तव्य केले आहे. या अभिनेत्रीने केलेले वक्तव्याचा व्हिडिओ सोशल मिडियावर मोठ्या प्रमाणात चर्चेत आहे. हा व्हिडिओ काही क्षणातच व्हायरल झाला आहे आणि त्यामुळे अभिनेत्रीवर टीका देखील केली जात आहे.