SOCIAL MEDIA

Newsletter

PARTNER SITES
Select Language Select State

'बलात्काराच्या धमक्या अन् अश्लिल फोटो', बॉलिवूड गायिकेकडून सलमानच्या गाण्याची खिल्ली; करुन दिली जुनी आठवण!

सोना मोहपात्राने सलमान खानच्या ‘मातृभूमी’ चित्रपटातील ‘तेरी सेक्सी ब्युटी’ गाण्यावर टीका केली. 2016 मधील वादानंतर मिळालेल्या धमक्या आणि 20 वर्षांच्या संगीत प्रवासाबद्दलही तिने भाष्य केले.

Reported By Pravin Dabholkar Written By Pravin Dabholkar
Published: Nov 19, 2026, 07:27 IST | Updated: Nov 19, 2026, 07:41 IST
Image Credit: सोना मोहोपात्रा (फोटो सौजन्य-गुगल)
Join

बॉलिवूड अभिनेता सलमान खान कधी गाण्यांमुळे तर कधी वादांमुळे चर्चेत असतो. त्याने कितीही समाजसेवा केली तरी जुने वाद त्याची पाठ सोडताना दिसत नाहीत. त्याच्या गाण्याच्या रिलीजनंतर नुकतीच याची प्रचिती आलीय. सलमानच्या गाण्याची बॉलिवूड गायिकेने खिल्ली उडवलीय. ते करताना त्याला 2016 मध्ये झालेल्या वादाची आठवणही करुन दिली. काय घडलंय नेमकं? सविस्तर जाणून घेऊया.

सलमानच्या गाण्याची उडवली खिल्ली 

बॉलिवूडमध्ये आपल्या स्पष्टवक्तेपणासाठी ओळखली जाणारी गायिका सोना मोहपात्रा पुन्हा एकदा चर्चेत आली आहे. सलमान खानच्या आगामी ‘मातृभूमी : मे वॉर रेस्ट इन पीस’ या चित्रपटातील ‘तेरी सेक्सी ब्युटी’ या गाण्यावर तिने उपरोधिक टीका केलीय. विशेष म्हणजे, संगीत क्षेत्रात 20 वर्षे पूर्ण झाल्याच्या निमित्ताने शेअर केलेल्या व्हिडीओमध्ये तिने सलमान खानसोबतच्या जुन्या वादाचीही आठवण सांगितली. 2016 मध्ये सलमानच्या एका वक्तव्यावर टीका केल्यानंतर आपल्याला बलात्काराच्या धमक्या, अश्लील मॉर्फ केलेले फोटो आणि कुटुंबीयांनाही शिवीगाळ सहन करावी लागल्याचा दावा तिने केलाय.

सलमानच्या नव्या गाण्यावर टीका

सोना मोहपात्राने सोशल मीडियावर व्हिडीओ शेअर केला. दिवाळीच्या सुट्टीत ती कुटुंबासोबत केरळमध्ये होती. तिथे तिने ‘ओट्टम थुल्लाल’ या पारंपरिक कलाप्रकाराचा आनंद घेतला. मुंबईत परतल्यानंतर इन्स्टाग्रामवर तिला सलमानच्या आगामी चित्रपटातील ‘तेरी सेक्सी ब्युटी’ हे गाणे दिसले. सैनिकांच्या बलिदानावर आधारित असल्याचे सांगितल्या जाणाऱ्या चित्रपटात अभिनेता दोन पेग प्यायल्यानंतर विमानासारखे उडण्याबद्दल गात असल्याचा उल्लेख करत तिने गाण्याची खिल्ली उडवली.

‘माझं करिअर बुडालं’ म्हणणाऱ्यांना टोला

सलमान खानवर टीका केल्यामुळे तुझी बॉलिवूडमधील संधी कमी झाली, असे अनेकजण सांगतात असा उल्लेख सोनाने केला. सलमानशी पंगा घेतला नसता तर तिचे करिअर आणखी मोठे झाले असते, अशा स्वरूपाच्या सहानुभूतीच्या प्रतिक्रिया तिला मिळत असल्याचे तिने सांगितले. असे असले तरी गेल्या दहा वर्षांकडे पाहिल्यानंतर कोणाच्या करिअरला सहानुभूतीची गरज आहे?, असा उपरोधिक सवाल तिने केला. दुसऱ्यांच्या सत्तेच्या जवळ राहण्यापेक्षा स्वतःचे विश्व उभे करणे अधिक महत्त्वाचे असल्याचेही तिने म्हटले.

2016 मधील नेमका वाद काय?

हा वाद 2016 मध्ये सुरू झाला होता. ‘सुलतान’ चित्रपटाच्या शूटींगदरम्यान झालेल्या प्रचंड थकव्याची तुलना सलमान खानने बलात्कार पीडित महिलेच्या अनुभवाशी केली होती. त्याच्या या वक्तव्यावर सोना मोहपात्राने तीव्र आक्षेप घेतला होता. अशा संवेदनशील विषयावर केलेली तुलना अयोग्य असल्याचे तिने स्पष्ट केले होते. त्यानंतर सोशल मीडियावर तिला मोठ्या प्रमाणात ट्रोलिंगचा सामना करावा लागल्याचे तिने सांगितले.

बलात्काराच्या धमक्या, अश्लील फोटो; पोलिसांत तक्रार

सलमानच्या वक्तव्यावर टीका केल्यानंतर आपल्याला सामूहिक बलात्काराच्या धमक्या देण्यात आल्या, अश्लील पद्धतीने मॉर्फ केलेले फोटो पसरवण्यात आले आणि आईसह कुटुंबीयांनाही शिवीगाळ करण्यात आली, असा दावा सोनाने केला. परिस्थिती गंभीर झाल्याने पोलिसांत तक्रार दाखल करावी लागल्याचेही तिने व्हिडीओमध्ये सांगितले. तत्कालीन केंद्रीय महिला आणि बालविकास मंत्री मेनका गांधी यांच्या मंत्रालयाने ऑनलाइन छळाविरोधात पुढाकार घेतल्याचाही तिने उल्लेख केला.

2019 मध्येही सलमानवर केली होती टीका

2019 मध्येही सलमानच्या वक्तव्यांवर सोनाने आक्षेप घेतला होता. अभिनेत्री प्रियांका चोप्राने लग्नासाठी ‘भारत’ चित्रपट सोडल्याच्या मुद्द्यावर सलमानने केलेल्या टिप्पणीवर तिने टीका केली होती. त्या वेळीही आपल्याला धमक्या मिळाल्याचे तिने सांगितले. आता म्युझिक इंडस्ट्रीत 20 वर्षांच्या प्रवासाचा आढावा घेताना सोनाने आपले करिअर स्वतःच्या अटींवर घडवल्याचे स्पष्ट केलंय.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES