डाव्या बाजूने 3, समोरुन 2 गोळ्या आल्या होत्या; पण म्हणून मी वाचलो... थरारक हल्ल्यावर टायगर श्रॉफची पहिली प्रतिक्रिया

बॉलिवूडचा अभिनेता टायगर श्रॉफ याच्यावर रविवारी 18 ऑक्टोबरला जुहू परिसरात गोळीबार करण्यात आला. या जीवघेण्या हल्ल्यातून टायगर श्रॉफ थोडक्यात वाचला आहे. पण या गोळीबारात टायगर श्रॉफच्या ड्रायव्हर आणि एका चाहत्याला गोळी लागली. या घटनेनंतर मुंबई पोलिसांची तपासाची सूत्र जोरदार फिरली आहेत. पोलिसांनी टायगर श्रॉफवरील गोळीबार हल्ल्यासंदर्भात तीन जणांना अटक केली आहे. टायगरवरील गोळीबार झाला त्या क्षणाचे व्हिडीओ सोशल मीडियावर तुफान व्हायरल झाले.

या व्हिडीओमध्ये असं दिसून आलं की टायगर श्रॉफ जुहू इथल्या मैदानाच्या गेटमधून कार बाहेर निघाली. तिथे चाहत्यांची गर्दी होती. याच गर्दीचा फायदा घेत दोन हल्लेखोरांनी टायगर श्रॉफच्या गाडीवर गोळीबार केला. टायगर श्रॉफ याचे नशिब चांगलं होतं म्हणून त्याच्यावर गोळीबार करणाऱ्या मारेकऱ्याची गन लोड झाली नाही. त्यानंतर एक बाइकवर एक तरुण होता ज्यामागे बसून हे दोघे मारेकरी फरार झालेत. सोशल मीडियावर व्हायरल झालेल्या व्हिडीओ पाहिल्यानंतर टायगर श्रॉफ कसा वाचला, त्याला एकही गोळी लागली नाही, हे कसं झालं असा प्रश्न चाहत्यांना पडला होता. याच प्रश्नाचं उत्तर अखेर अभिनेता टायगर श्रॉफने पोलिसांना दिलेल्या माहितीमध्ये दिलं आहे.

आता टायगर श्रॉफ याने पोलिसांनी त्याच्यासोबत नेमकं काय झालं याबद्दल माहिती दिली आहे. टायगरने पोलिसांना सांगितलं की, पुष्पा पार्कमधून घरी जाण्यासाठी कार गेटच्या बाहेर आली आणि त्याच क्षणी बेछुट गोळीबार करण्यात आला. फायरिंग होतेय हे लक्षात येताच त्याने सीट मागच्या बाजूला सरकवली आणि तो स्तब्ध राहिला. माझ्या दिशेने एकूण पाच गोळ्या झाडल्या गेल्यात. दोन समोरून आणि तीन डाव्या बाजूने आल्यात.

 पुढे पोलिसांना टायगरने सांगितलं की, मी सीटमागे घेतली आणि स्तब्ध राहिलो म्हणून मारेकरी रिहाननं मारलेल्या गोळ्या त्याच्या समोरून गेल्यात पण मला लागल्या नाहीत. पण त्यानंतरची दुसरी गोळी माझ्या गाडीच्या ड्रायव्हर फिरदौस बलुचला लागल्यामुळे तो गंभीर जखमी झाला.  त्यानंतर मारेकरी फुलसिंग नरेशनं मारलेल्या गोळ्या एक बोनेटवर आणि दुसरी विंडस्क्रिनवर लागली. दरम्यान या घटनेनंतर बॉलिवूडमधील कलाकार धास्तावले आहेत.