SOCIAL MEDIA

Newsletter

PARTNER SITES
Select Language Select State

थायलंडमधील जगप्रसिद्ध पर्यटनस्थळ फुकेत येथे मोठी दुर्घटना! एकाचवेळी 11 जणांचा जळून मृत्यू; 36 जण जखमी

थायलंडमधील जगप्रसिद्ध पर्यटनस्थळ फुकेत येथे मोठी दुर्घटना घडली आहे. भीषण आग लागल्याने 11 जणांचा मृत्यू झाला आहे. 36 जण जखमी झाले आहेत.

Reported By Vanita Kamble Written By Vanita Kamble
Published: Nov 16, 2026, 19:54 IST | Updated: Nov 16, 2026, 20:01 IST
Join

थायलंड दुर्घटना : थायलंडमधील लोकप्रिय पर्यटनस्थळ असलेल्या फुकेत येथे मोठी दुर्घटना घडली आहे. आगीत होरपळून एकाचवेळी 11 जणांचा जळून मृत्यू झाला आहे.  36 पेक्षा अधिक लोक या दुर्घटनेत जखमी झाले आहेत. अचानक इमारतीला आग लागल्याने ही दुर्घटना घडली. या घटनेमुळे एकचळ खळबळ उडाली आहे. 

फुकेत हे थायलंडमधील लोकप्रिय पर्यटन स्थळ आहे. या ठिकाणी नेहमीच पर्यटकांची मोठी वर्दळ असते. फुकेतच्या पातोंगमध्ये पहाटेच्या वेळी भीषण आग लागल्याची घटना घडली आहे. मध्य रात्री ही घटना घडली. यामुळे बहुतांश लोक झोपेत होते.  झोपलेल्या रहिवाशांना सावरण्याची संधीही मिळाली नाही. या भीषण दुर्घटनेत 11 जणांचा मृत्यू झाला आहे. तर, जवळपास 36 जण यात जखमी झाल्याचे समजते.

नेमकं काय घडलं?

स्थानिक पोलिसांकडून मिळालेल्या माहितीनुसार  फुकेतमधील एका बहुमजली इमारतीत पहाटे 2.30 वाजण्याच्या सुमारास आग लागली. तळमजल्यावर मोटारसायकल भाड्याने देण्याचे दुकान होते. तर वरच्या मजल्यांवर रहिवासी राहत होते. आगीची माहिती मिळताच अग्निशमन दलाचे पथक तातडीने घटनास्थळी दाखल झाले. तासाभराच्या अथक परिश्रमानंतर  आग नियंत्रणात आणण्यासाठी अग्निशमन दलाला यश आले. स्थानिक प्रशासनाने सर्व जखमींना उपचारासाठी रुग्णालयात दाखल केले असून, पुढील तपास सुरू आहे.

ज्वलनशील पदार्थांमुळे ट्रान्सफॉर्मरचा स्फोट झाल्याची शक्यता 

आगीचे नेमके कारण अद्याप समोर आलेले नाही मात्र,  फुकेट पोलीस कमांडर सुराचाई सुकसाई यांनी प्राथमिक कारण सांगितले आहे. आग लागण्याच्या काही वेळापूर्वी इमारतीजवळील एका विद्युत ट्रान्सफॉर्मरमध्ये एक शक्तिशाली स्फोट झाला होता असे प्राथमिक तपासात असे दिसून आल्याचे फुकेट पोलीस कमांडर सुराचाई सुकसाई यांनी सांगितले.

फुकेटचे गव्हर्नर चोडनारिन कोएडसोम यांनी  देखील या अपघाताची दुर्घटनेची माहिती घेतचली.  तळमजल्यावर असलेल्या भाड्याच्या दुकानात सुमारे 100 मोटरसायकल उभ्या होत्या. याव्यतिरिक्त, तिथे मोठ्या प्रमाणात गॅस, इंजिन ऑइल, प्लास्टिकचे साहित्य आणि टायर देखील साठवलेले होते.  या अत्यंत ज्वलनशील साहित्यामुळे आग वेगाने पसरली आणि इमारतीत विषारी धूर पसरला अशी शक्यता गव्हर्नर चोडनारिन कोएडसोम यांनी व्यक्त केली.

इमारतीच्या चारही बाजूला आग पसरल्याने पीडितांनी आगीतून वाचण्यासाठी इमारतीच्या वरच्या मजल्यांवर जाण्याचा प्रयत्न केला, परंतु धूर आणि आग वरच्या दिशेने पसरल्याने ते अडकले. बचाव पथकांनी तिसऱ्या मजल्यावरून एक मृतदेह बाहेर काढला, तर पाचव्या मजल्यावर 10 जणांचे मृतदेह आढळले. फुकेट हे दक्षिण थायलंडमधील एका बेटावर वसलेले असून जगभरातील पर्यटकांमध्ये ते खूप लोकप्रिय आहे. 

Add Zee News as a Preferred Source
TAGS:

About the Author

वनिता सुनिल कांबळे या 'झी 24 तास' डिजिटलमध्ये सिनीयर सब एडीटर पदावर कार्यरत आहेत. न्यूज चॅनल तसेच डिजीटल मीडिया क्षेत्राचा 12 वर्षांचा अनुभव आहे. जय महाराष्ट्र न्यूज चॅनलमधून डिजीटल क्षेत्रात काम करायला सुरुवात केली. यानंतर  tv9 मराठी, साम टीव्ही,  नवराष्ट्र येथे काम केलं आहे. महाराष्ट्रातील राजकीय बातम्यांसह देश विदेशातील राजकीय घडामोडींचे बातम्यांच्या माध्यमातून सखोल विश्लेषण करतात. क्राईम, व्यवसाय, राष्ट्रीय आणि जागतिक घडामोडींचे वृत्त लिखाण करतात.   यासह पर्यटन, सायन्स, टेक्नॉलॉजी तसेच रिसर्चबेस स्टोरी करण्याची विशेष आवड.शैक्षणिक पात्रतावनिता कांबळे यांनी मुंबईच्या किर्ती महाविद्यालयातून बॅचलर ऑफ मास मीडिया (BMM) चे शिक्षण पूर्ण केले आहे.  मुंबई विद्यापिठातून त्यांनी पत्रकारितेची (journalism) पदवी मिळवली आहे. वनिता कांबळे यांना लेखनासह पर्यटनाची आवड आहे. नव्या शहरांना भेट देऊन तसेच नव्या ठिकाणी जाऊन तेथील संस्कृती पर्यटनस्थळांची माहिती गोळा करण्याची आवड आहे. यासह महाराष्ट्रातील तसेच भारतातील अनोखी गावं.... जसं की मधाचं गाव, पुस्तकांचे गाव, तसेच विशिष्ट प्रकारच्या पंरपरा जपणारी गावं यांची माहिती मिळवण्याची आवड आहे. आपल्या लेखांच्या माध्यमातून त्या विविध पर्यटनस्थळांची माहिती वाचकांपर्यत पोहचवतात. अनेकदा व्हर्च्युअल टूरच्या (Virtual Tour) माध्यमातून महाराष्ट्र, भारत तसेच जगभरातील पर्यटनस्थळांची माहिती जाणून घेऊन त्या अगदी सहज सोप्या आणि फोटो गॅलरीच्या माध्यमातून वाचकांपर्यंत पोहचवतात. वनिता कांबळे यांना पर्यटनासह भौगोलिक घटना, ऐतिहासीक  घटना, सायन्स आणि टेक्नोलॉजी विषयाची देखील विशेष आवड आहे. या अनुषंगाने त्या स्पेस अर्थात अंतराळातील घडामोडी,  नवे संशोधन तसेच या संबधीत नवी माहिती लेखाच्या रुपात वाचकांपर्यंत पोहचवतात.
Read More

ZEENEWS TRENDING STORIES