SOCIAL MEDIA

Newsletter

PARTNER SITES
Select Language Select State

'जिथे पाऊसच पडत नाही, तिथे अजितदादांना आणायचं का?' आनंदराज आंबेडकरांची जीभ घसरली; वक्तव्यामुळे नवा वाद!

आनंदराज आंबेडकर यांनी जालन्यात रिपब्लिकन सेनेच्या वर्धापन दिन सोहळ्यात दिवंगत अजित पवार यांच्याबाबत केलेल्या वक्तव्यामुळे वाद निर्माण झालाय. याचा राष्ट्रवादी काँग्रेसकडून निषेध व्यक्त केला जातोय.

Reported By Pravin Dabholkar Written By Pravin Dabholkar
Published: Nov 22, 2026, 11:24 IST | Updated: Nov 22, 2026, 11:38 IST
Image Credit: आनंदराज आंबेडकर
Join

दिवंगत उपमुख्यमंत्री अजित पवार यांच्याबाबत रिपब्लिकन सेनेचे अध्यक्ष आनंदराज आंबेडकर यांनी केलेल्या एका वक्तव्यामुळे महाराष्ट्राच्या राजकीय वर्तुळात वातावरण तापलंय. जालन्यात आयोजित रिपब्लिकन सेनेच्या 28 व्या वर्धापन दिन सोहळ्यात दुष्काळाच्या प्रश्नावर बोलताना आनंदराज आंबेडकांची चीभ घसरली. 'जिथे पाऊसच पडत नाही तिथे अजितदादांना आणायचं का?' अशी बेजाबदार आणि वादग्रस्त टीपण्णी त्यांनी केली. अजित पवार यांच्या निधनानंतर करण्यात आलेल्या या विधानावर राष्ट्रवादी काँग्रेसकडून नाराजी व्यक्त करण्यात येत आहे. सर्व स्तरातून टीका झाल्यानंतर आनंदराज आंबेडकर यांनी यावर स्पष्टीकरण दिलंय. काय घडलंय नेमकं? सविस्तर जाणून घेऊया.

जालन्यातील कार्यक्रमात नेमकं काय घडलं?

रिपब्लिकन सेनेचा 28 वा वर्धापन दिन सोहळा जालन्यात आयोजित करण्यात आला होता. या कार्यक्रमात आनंदराज आंबेडकर विविध विषयांवर बोलत होते. यावेळी राज्यातील दुष्काळ आणि पावसाच्या प्रश्नाचा उल्लेख करताना त्यांनी अजित पवार यांच्याबाबत वादग्रस्त विधान केले. 'जिथे पाऊसच पडत नाही तिथे अजितदादांना आणायचं का?' असे ते म्हणाले. त्यांच्या या विधानाचा व्हिडीओ समोर आल्यानंतर राजकीय चर्चेला सुरुवात झाली आहे.

अजित पवार यांच्या निधनानंतर वक्तव्याची चर्चा

अजित पवार हे महाराष्ट्राच्या राजकारणातील महत्त्वाचे नेते होते. राज्याचे उपमुख्यमंत्री म्हणून त्यांनी अनेक वर्षे काम केले. त्यांच्या निधनानंतर त्यांच्या संदर्भात करण्यात आलेल्या या विधानामुळे राजकीय आणि सामाजिक स्तरावर प्रतिक्रिया उमटण्याची शक्यता आहे. विशेषतः सार्वजनिक व्यासपीठावर दिवंगत नेत्याचा उल्लेख करताना वापरलेल्या शब्दांवरून हा वाद निर्माण झालाय

.

वक्तव्यावरून आनंदराज आंबेडकरांची सारवासारव

वक्तव्यावरून टीका सुरू झाल्यानंतर आनंदराज आंबेडकर यांनी पत्रकारांशी बोलताना आपली भूमिका स्पष्ट केली. अजित पवार यांनी यापूर्वी पाण्याच्या संदर्भात केलेल्या विधानाचा आपण उपरोधिकपणे उल्लेख केला होता, असे त्यांनी सांगितले. आपल्या बोलण्याचा अर्थ वेगळा काढला जात असल्याचेही त्यांनी स्पष्ट केले.

विधानाचा निषेध

आनंदराज आंबेडकर यांच्या विधानावर राष्ट्रवादी काँग्रेस पक्षाकडून निषेध व्यक्त केला जात आहे. दिवंगत नेत्याबाबत अशा प्रकारचे वक्तव्य करणे योग्य नसल्याची भूमिका सुनिल तटकरेंनी मांडली. तसेच 'अजितदादांबद्दल असं विधान करणं चुकीचं', असं म्हणत संजय राऊतांनी आनंदराज आंबेडकरांना सुनावलं  महाराष्ट्राच्या राजकारणात अजित पवार यांच्या निधनानंतरही त्यांच्या नावाभोवती राजकीय चर्चा सुरू आहेत. अशा परिस्थितीत आनंदराज आंबेडकर यांच्या वक्तव्यामुळे नव्या राजकीय वादाला तोंड फुटण्याची शक्यता आहे.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES