SOCIAL MEDIA

Newsletter

PARTNER SITES
Select Language Select State

बारामतीमध्ये गोळीबाराचा थरार! बड्या उद्योजकाच्या कारवर दोन राऊंड फायरिंग

बारामतीमध्ये एका उद्योजकाच्या कारवर गोळीबार करण्यात आल्याची घटना समोर आली आहे. या घटनेमुळे परिसरात भीतीदायक वातावरण आहे.

Written By Neha Chaudhari Edited By Neha Chaudhari
Published: Nov 21, 2026, 21:29 IST | Updated: Nov 21, 2026, 21:34 IST
Image Credit: baramati firing
Join

बारामतीतील एमआयडीसीमध्ये उद्योजकाच्या गाडीवर गोळीबार झाल्याची घटना समोर आली आहे. अज्ञातांनी गाडीवर दोन राऊंड फायर केल्याची माहिती पोलिसांनी दिली आहे. ही कार शिवशंभोनगरमधील उद्योजक राजन कोळेकर यांची होती. या गोळीबारात सुदैवानं कोणीही जखमी झाले नाहीय. बारामती तालुका पोलिसांकडून या गोळीबारा प्रकरणाची चौकशी सुरू आहे. बारामतीतील या गोळीबाराच्या घटनेमुळे भीतीचे वातावरण आहे.

पोलिसांनी दिलेल्या माहितीनुसार ही घटना संध्याकाळी सहाच्या सुमारास घडली आहे. या घटनेमध्ये राजन कोळेकर बचावल्यामुळे मोठा अनर्थ टळला आहे. पोलिसांनी माहिती दिली की, राजन कोळेकर यांच्या कारवर दोन राऊंड गोळीबार केल्यानंतर अज्ञात मारेकरी फरार झाले आहे.

मिळालेल्या माहितीनुसार उद्योजकाला खंडणीची मागणी करणारा फोन आल्यानंतर काही तासांमध्ये राजन कोळेकर यांच्या कारवर हल्ला झाला आहे. राजन कोळेकर हे बांधकाम व्यावसायिक आहेत. गेल्या काही दिवसांमध्ये बारामतीमध्ये वाढत्या गुन्हेगारीमध्ये वाढलेल्या घटनेमुळे नागरिकांमध्ये भीतीदायक वातावरण आहे. दिवसाढवळा गोळीबाराच्या घटनेमुळे शहरात खळबळ माजली आहे.

हेसुद्धा वाचा -  पुण्यातील धक्कादायक घटना! 19 वर्षीय लेक सकाळी कॉलेजला गेली, मध्यरात्री पोलिसांकडे बेपत्ता असल्याची तक्रार अन् मग 14 तासानंतर लिफ्टमध्ये...

राजन कोळेकर यांच्या घराजवळ उभ्या असलेल्या डिफेंडर कारवर फायरिंग करण्यात आली. पोलिसांनी सांगितलं की, कोळेकर यांना शनिवारी दुपारी साडेचार वाजता इन्स्टाग्रामवर एका अज्ञात व्यक्तीने फोन करुन धमकी दिली. या फोनवर समोरच्या व्यक्तीने म्हटलं की, मी डीके बोलतोय, दोन पेटी दे. या व्यक्तीने दोन लाखांची मागणी केली होती, असं कोळेकरांनी पोलिसांना सांगितलं. या धमकीनंतर संध्याकाळी सहा वाजता घरातील पार्किंगमध्ये कार उभी असताना अज्ञातांनी गोळीबार केला.

दरम्यान 18 ऑक्टोबरला उद्योजक राणा सूर्यवंशी यांच्यावर कथित हल्ल्यामुळे राज्यभर खळबळ उडाली होती. एकाच महिन्यात दुसऱ्या उद्योजकावर गोळीबाराच्या घटनेमुळे शहरात भीतीचे वातावरण आहे.

 

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES