SOCIAL MEDIA

Newsletter

PARTNER SITES
Select Language Select State

रात्री किर्तन झालं, सकाळी संशयास्पद मृत्यू; प्रसिद्ध किर्तनकाराचा मठात आढळला मृतदेह, फोनही गायब, गूढ वाढले

तरुणांना व्यसनातून मुक्त करणाऱ्या देवेंद्र चैतन्य स्वामी महाराजांचा मृतदेह गळफास घेतलेल्या अवस्थेत आढळला असल्याने एकच खळबळ उडाली आहे.

Written By Mansi Kshirsagar Edited By Mansi Kshirsagar
Published: Nov 16, 2026, 12:31 PM IST | Updated: Nov 16, 2026, 12:35 PM IST
Image Credit: jalna crime news Devendra Chaitanya Swami ended his life after giving kirtan
Join

तरुणांना व्यसनातून मुक्त करणाऱ्या देवेंद्र चैतन्य स्वामी महाराजांचा मृतदेह गळफास घेतलेल्या अवस्थेत आढळल्याने एकच खळबळ उडाली आहे. महाराजांच्या मृत्यनंतर त्यांच्या पार्थिवावर अंत्यसंस्कार करण्यात आले असून पोलिसांत गुन्हा दाखल करण्यात आला आहे.

मिळालेल्या माहितीनुसार, रात्री गावात कीर्तन करून मठात परतलेल्या कीर्तनकार महाराजांचा मृतदेह सकाळी गळफास घेतलेल्या अवस्थेत आढळून आला. भोकरदन तालुक्यातील अवघडराव सावंगी येथे ही धक्कादायक घटना समोर आली आहे. विशेष म्हणजे, घटनास्थळावरून महाराजांचा मोबाईल फोन गायब असल्यामुळे या प्रकरणाचे गूढ आणखी वाढले असून, यामुळे परिसरात मोठी खळबळ उडाली आहे.

41 वर्षीय देवेंद्र चैतन्य स्वामी तथा दौलत रामनाथ सातपुते महाराज असं मृतदेह आढळून आलेल्या महाराजांचं नाव आहे. ते मूळ नाशिक जिल्ह्यातील मुसळगाव येथील रहिवासी आहेत. मागील 8 ते 10 वर्षांपासून भोकरदन तालुक्यातील अवघडराव सावंगी येथील पाताळेश्वर मंदिर परिसरातील मठात वास्तव्यास होते.

गेल्या 10 वर्षात त्यांनी अनेक तरुणांना व्यसनातून मुक्त केलं. दरम्यान या प्रकरणी पारध पोलीस ठाण्यात गुन्हा दाखल करण्यात आला असून पोलिस या प्रकरणी अधिक तपास करतायत. दरम्यान हजारो भक्तांच्या उपस्थितीत देवेंद्र चैतन्य महाराज यांच्या पार्थिवावर सावंगी अवघडराव येथे अंत्यसंस्कार करण्यात आले आहेत.

दरम्यान, देवेंद्र चैतन्य यांचा मोबाईल गायब असणे, खोलीचा दरवाजा बंद नसणे आणि सीसीटीव्ही संदर्भातील तांत्रिक बाबींमुळं हा मृत्यू नेमका घातपात आहे की आत्महत्या याबाबत मोठा संशय निर्माण झाला आहे. रविवारी सकाळी नेहमी महाराज विठ्ठल रुक्मिणी मंदिरात आरतीसाठी उपस्थित राहतात. मात्र त्या दिवशी ते गैरहजर असल्याने काहीजण त्यांच्या निवासस्थानाकडे आले.

गावकऱ्यांनी बघितले तर खोलीचा दरवाजा उघडाच होता. तर आतमध्ये गळफास घेतलेल्या अवस्थेत मृतदेह होता. तसंच, फोनही घटनास्थळावरुन गायब आहे. त्यामुळं महाराजांची हत्या करुन ती आत्महत्या असल्याचे भासवण्याचा प्रयत्न करण्यात आलाय का? असा संशय सध्या उपस्थित करण्यात येत आहे. त्याचबरोबर, सध्या पोलिसांनी आकस्मिक मृत्यूची नोंद केली असून या घटनेचा सर्व बाजुंनी तपास केला जात आहे. ही हत्या असेल तर यात जवळच्याच कोणत्या तरी व्यक्तीचा हात असावा, असा संशय पोलिसांना आहे. पोलीस घटनेचा सविस्तर तपास करत आहेत.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES