SOCIAL MEDIA

Newsletter

PARTNER SITES
Select Language Select State

मोठी बातमी! महाराष्ट्रातील 73 शिक्षकांना कायमस्वरूपी नोकरीवरून काढलं, शैक्षणिक वर्तुळात खळबळ

महाराष्ट्रातील 73 शिक्षकांना कायमस्वरूपी नोकरीवरून तडकाफडकी काढून टाकल्यामुळे शैक्षणिक वर्तुळात खळबळ माजली आहे.

Written By Neha Chaudhari Edited By Neha Chaudhari
Published: Nov 21, 2026, 17:05 IST | Updated: Nov 21, 2026, 17:52 IST
Image Credit: Maharashtra bogus recruitment case
Join

शिक्षक विभागाने  73 शिक्षकांना कायमस्वरूपी नोकरीवरून तडकाफडकी काढल्यामुळे एकच खळबळ माजली आहे. बोगस शिक्षक भरती प्रकरणात ही कारवाई करण्यात आली आहे. धक्कादायक म्हणजे हा आकडा वाढण्याची शक्यता वर्तविण्यात येत आहे. ही कारवाई बीड जिल्ह्यात शिक्षकांवर झाली आहे. 73 शिक्षकांमध्ये प्राथमिक विभागातील 7 तर माध्यमिक विभागातील 66 शिक्षकांनी नोकरी गमावली आहे.

काय आहे नेमकं प्रकरण?

महाराष्ट्रात 2012 पासून शिक्षक भरती बंद आहे. तरीदेखील राज्यात शिक्षकांची भरती झाल्याची बाब समोर आली. न्यायालयांच्या सूचनांचा सोयीस्कर अर्थ लावून या शिक्षकांना नोकरी देण्यात आली होती. तर काही ठिकाणी संच मान्यतेच्या दुरुस्तीच्या नावाखाली पदं वाढवण्यात आली आहेत, अशी माहिती समोर आली. तर इतर ठिकाणी बनावट विद्यार्थ्यांच्या आधारे संच मान्यतेचे पद वाढवण्यात आल्याचा धक्कादायक प्रकारही उघड झाल्यामुळे शिक्षण क्षेत्रात खळबळ माजली. तसापात असं समोर आलं की यासाठी मोठ्या प्रमाणात बनावट कागदपत्रे वापरण्यात आली. याप्रकरणी आणखी 2217 बोगस पद निर्माण करुन भरती झाल्याचे समोर आलं. या शिक्षकांवरही कारवाईची टांगती तलवार आहे, अशी माहिती समोर आली आहे. याच बोगस शिक्षक भरतीमध्ये 73 जणांवर शिक्षण विभागाने सेवा समाप्त करून मोठा धक्का दिला आहे.

हेसुद्धा वाचा - अदानीचा महाराष्ट्रातील सर्वात मोठा प्रकल्पावर दुहेरी संकट; वनविभागानंतर प्रदूषण नियंत्रण मंडळाकडून दणका, 5675 कोटींचा प्रकल्प झाला बंद

कोणामुळे शिक्षण भरती घोटाळा बाहेर आला?


बीडमधील शिक्षण भरती घोटाळा हा सामाजिक कार्यकर्ते सादेक इनामदार यांच्यामुळे बाहेर आला आहे. एसआयटीकडे सादेक इनामदार यांनी तक्रार केली. तपासात जे सत्य समोर आलं त्यानंतक बीडमधील शिक्षण विभागात एकच खळबळ माजली.

यापूर्वीही जानेवारी 2023 मध्ये बीड जिल्ह्यातील 52 शिक्षकांना काढण्यात आलं होतं. बदली करण्यासाठी अनेक शिक्षकांनी बोगस दिव्यांग प्रमाणपत्र काढल्याचे समोर आले होते. जेव्हा अंबाजोगाई येथील स्वामी रामानंद तीर्थ रुग्णालयात 236 शिक्षकांची पुनर्तपासणी केल्यावर 52 शिक्षकांनी बोगस प्रमाणपत्र घेतल्याच उघड झालं. 
 

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES