SOCIAL MEDIA

Newsletter

PARTNER SITES
Select Language Select State

सिंधुदुर्गातील घटनेत भयानक ट्विस्ट; नववीत शिकणाऱ्या मुलीची मासिक पाळी चुकली अन्... कणकवलीच्या जंगलात

सोशल मीडियावर 'मंथन' नावाने बनावट इन्स्टाग्राम अकाउंट तयार करून, एआयच्या मदतीने फोटो एडिट करत स्वतःला १७ वर्षीय दाखवलं. त्यानंतर त्याने जे केलं ते अतिशय भयानक होतं.

Written By Neha Chaudhari Edited By Neha Chaudhari
Published: Nov 19, 2026, 22:50 IST | Updated: Nov 19, 2026, 22:51 IST
Image Credit: sindhudurga fake instagram
Join

 सोशल मीडियावर 'मंथन' नावाने बनावट इन्स्टाग्राम अकाउंट तयार करून, एआयच्या मदतीने फोटो एडिट करत स्वतःला १७ वर्षीय कॉलेज विद्यार्थी भासवणाऱ्या ३९ वर्षीय विवाहित तरुणाने १४ वर्षीय अल्पवयीन मुलीचे लैंगिक शोषण केल्याचा धक्कादायक प्रकार उघडकीस आला आहे. महेंद्र गणपत घाडीगावकर असे आरोपीचे नाव असून, त्याला न्यायालयाने २१ नोव्हेंबरपर्यंत तीन दिवसांची पोलीस कोठडी सुनावली आहे.  

आरोपी विवाहित व एका मुलीचा पिता असूनही मित्राच्या नावावरील सिमकार्ड वापरत होता. जानेवारी २०२६ मध्ये नववीत शिकणाऱ्या मुलीशी मैत्री करत त्याने आपण १७ वर्षांचे असल्याचे भासवले. जुलै ते ५ नोव्हेंबर दरम्यान शाळेच्या वेळेपूर्वी मुलीला निर्जनस्थळी नेऊन त्याने अत्याचार केला. मुलीची मासिक पाळी चुकल्याने पालकांना संशय आला आणि हा प्रकार उघडकीस आला.

१५ नोव्हेंबर रोजी फिर्याद दिल्यानंतर पोलिसांनी तातडीने तपास करत आरोपीला बेड्या ठोकल्या. सुरुवातीला त्याने दिशाभूल करण्याचा प्रयत्न केला, मात्र पीडितेने ओळख पटवल्याने त्याचे बिंग फुटले.  

सोशल मीडिया आणि एआयचा गैरवापर

या घटनेने सोशल मीडिया आणि कृत्रिम बुद्धिमत्ता (एआय) तंत्रज्ञानाच्या धोक्यांचा गंभीर प्रश्न पुन्हा एकदा ऐरणीवर आणला आहे. अल्पवयीन मुलांना फसवण्यासाठी भामटे कशा प्रकारे आधुनिक तंत्रज्ञानाचा गैरवापर करत आहेत, हे या प्रकरणावरून स्पष्ट होते.  

या संतापजनक प्रकरणानंतर पालकांमध्ये खळबळ उडाली आहे. पालकांनी आपल्या मुलांच्या ऑनलाइन वापरावर, मोबाइलच्या वापरावर आणि शाळा-क्लासच्या दैनंदिन वेळापत्रकावर सतत बारीक लक्ष ठेवण्याची गरज निर्माण झाली आहे.  

कणकवली तालुक्याच्या परिसरातील एका शाळेत नववीत शिकणाऱ्या 14 वर्षीय मुलीशी जानेवारी 2026 मध्ये महेंद्र उर्फ मंथन याची इन्स्टाग्रामवरून ओळख झाली. सुरुवातीला चॅटिंग आणि हळूहळू ऑनलाइन मैत्रीचे रूपांतर प्रेमात झाले. मुलीचा विश्वास संपादन करण्यासाठी महेंद्रने आपण केवळ 17 वर्षांचे असून कणकवलीतील एका कॉलेजमध्ये शिक्षण घेत असल्याचे सांगितले. प्रत्यक्षात 39 वर्षांचा असलेला हा व्यक्ती स्वतःची खरी ओळख लपवून अल्पवयीन मुलीसमोर तरुण असल्याचे भासवत होता. या खोट्या ओळखीच्या आधारे त्याने मुलीला प्रेमाच्या जाळ्यात ओढल्याचा आणि तिच्याशी शारीरिक संबंध ठेवल्याचा आरोप त्याच्यावर आहे.

जानेवारीमध्ये इन्स्टाग्रामवर सुरू झालेली ओळख जुलै 2026 पासून प्रत्यक्ष भेटींपर्यंत पोहोचली. कणकवली पोलीस ठाण्याच्या हद्दीतील असरोंडी गावात रस्त्यापासून सुमारे 300 ते 400 मीटर आत जंगलाच्या परिसरात या भेटी होत असल्याचे तपासात समोर आले आहे. मिळालेल्या माहितीनुसार, पीडित मुलगी घरातून वेगवेगळी कारणे सांगून शाळेच्या वेळेपूर्वी घरातून बाहेर पडत होती. त्यानंतर महेंद्र मोटारसायकल घेऊन तेथे पोहोचत असे, यानंतर मुलीला दुचाकीवरून संबंधित जंगलात या ठिकाणी घेऊन जायचा. जुलै ते 5 नोव्हेंबर 2026 या कालावधीत हा प्रकार सुरू असल्याचे समोर आले आहे. मात्र या संपूर्ण प्रकाराचा उलगडा मुलीची मासिक पाळी चुकल्यानंतर झाला.

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES