SOCIAL MEDIA

Newsletter

PARTNER SITES
Select Language Select State

61 वर्षांनंतर पहिल्यांदाच घडलंय, महाराष्ट्राला 'याड' लावणाऱ्या 'त्या' विहीरीनं तळ गाठला

'सैराट' चित्रपटातील आर्ची आणि परश्याच्या प्रेमकथेचा साक्षीदार असलेली ती ऐतिहासिक विहीर तुम्हाला आठवतेय का?

Written By Mansi Kshirsagar Edited By Mansi Kshirsagar
Published: Nov 21, 2026, 14:48 IST | Updated: Nov 21, 2026, 14:53 IST
Image Credit: The iconic sairat well in Deolali village of Karmala taluka dried due to drought
Join

ज्या विहिरीच्या पायऱ्यांवर आर्ची-परश्याची नजरानजर झाली, ज्या विहिरीत उड्या मारून त्यांनी पोहण्याचा आनंद घेतला, तीच विहीर आता पाण्याअभावी कोरडी पडली आहे.1965 च्या भीषण दुष्काळात बांधण्यात आलेल्या या विहिरीने तब्बल 61 वर्षांनंतर प्रथमच तळ गाठलाय. एकेकाळी शेतकऱ्यांची आणि जनावरांची तहान भागवणारी ही विहीर आता दुष्काळाच्या चक्रात सापडली

करमाळा तालुक्यातील देवळाली येथील ही ऐतिहासिक विहीर यंदाच्या दुष्काळात पूर्णपणे कोरडी पडली आहे. विशेष म्हणजे, 1965 च्या भीषण दुष्काळात या विहिरीची उभारणी करण्यात आली होती. तेव्हापासून आजपर्यंत परिसरातील शेतकऱ्यांसाठी ही विहीर पाण्याचा मोठा आधार होती.

एकेकाळी पाण्याने भरलेली विहीर पायऱ्यांवरून डोकावणारं पाणी आणि विहिरीत पोहण्याचा आनंद हे चित्र आता इतिहासजमा झालंय. विहिरीने तळ गाठल्याने परिसरातील शेतकऱ्यांसमोर पाण्याचा प्रश्न निर्माण झाला आहे. पर्यायी जलस्रोतांचा शोध घेण्याची वेळ आता शेतकऱ्यांवर आली आहे.

निर्माता-दिग्दर्शक नागराज मंजुळे यांच्या 'सैराट' चित्रपटामुळे या विहिरीला राज्यभर प्रसिद्धी मिळाली. आर्ची आणि परश्याची नजरानजर असो किंवा विहिरीच्या कठड्यावरून मारलेल्या उड्या. चित्रपटातील अनेक गाजलेल्या दृश्यांचं चित्रीकरण याच विहिरीत झालं होतं. चित्रपटाच्या लोकप्रियतेनंतर ही विहीर सिनेप्रेमींसाठी आकर्षणाचं केंद्र बनली

विशेष म्हणजे, 1965 च्या दुष्काळात माणसांची तहान भागवण्यासाठी बांधलेली ही विहीर आज पुन्हा दुष्काळाच्या विळख्यात सापडली आहे. पडद्यावर प्रेमकथेची साक्षीदार ठरलेली ही विहीर आज मात्र पाण्याअभावी ओस पडली आहे. विहिरीच्या तळाला पडलेल्या भेगा केवळ पाण्याची कमतरता दाखवत नाहीत, तर ग्रामीण भागातील पाणीटंचाईचं वास्तवही अधोरेखित करत आहेत.

सैराटमधील प्रेमकथेने महाराष्ट्राला वेड लावलं, पण त्याच विहिरीचा आजचा कोरडेपणा ग्रामीण भागातील दुष्काळाची गंभीरता सांगतोय. 61 वर्षांचा इतिहास जपणारी ही विहीर आता पावसाच्या प्रतीक्षेत आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES