Maharashtra Breaking News Today LIVE Updates 1 november 2026 : निवडणूक आयोगाच्या विरोधात आणि मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी काँग्रेस आणि 'इंडिया' आघाडीची दिल्लीतील रामलीला मैदानावर भव्य महारॅली आयोजित करण्यात आली आहे. तर एकीकडे कॉंग्रेसला प्रत्युत्तर म्हणून देशभरात भाजपाच्या वतीने पदयात्रा/मोर्चे आयोजित आहेत. ठाण्यात लोकतंत्र बचाव पदयात्रा- या यात्रेत मुख्यमंत्री देवेंद्र फडणवीस, उपमुख्यमंत्री एकनाथ शिंदे, भाजपा प्रदेश अध्यक्ष रवींद्र चव्हाण, आणि गणेश नाईक सहभागी होणार आहेत. राज्यासह देशभरातील घडामोडी जाणून घेऊयात लाइव्ह ब्लॉगच्या माध्यमातून
विरोधकांचा खरा चेहरा, बुरखा फाडला पाहिजे.
आणीबाणी आहे म्हणता. इंदिरा गांधीनी आणीबाणी लावली तेव्हा नेते जेलमध्ये होते. मीडिया जेलमध्ये होते. आता असं काही आहे का?
सर्वोच्च न्यायालयावर मोर्चा काढला. इतिहासात कधी असं झालं नाही. हे आम्ही खपवून घेतलं जाणार नाही, असं एकनाथ शिंदे यांनी म्हटलं आहे.
माढा मतदारसंघात 110 टँकर चालू आहेत. बीड उस्मानाबाद जिल्ह्यात पुढे एक दोन दिवसात बाकीची गावे कव्हर करून शेतकऱ्यांना विश्वास देण्यासाठी मुख्यमंत्र्यांना शेतकऱ्यांना मदत करण्यासाठी सांगणार, असं शरद पवार यांनी म्हटलं आहे.
विरोधकांचा बुरखा फाडला पाहिजे, मोदींना बदनाम करण्याचा विरोधकांचा डावः एकनाथ शिंदे
विरोधकांना उत्तर देण्यासाठी भाजप मैदानात. पाचपाखाडी ते तलावपाली दरम्यान पदयात्रा सुरू केली असून मुख्यमंत्री फडणवीस, शिंदे, रवींद्र चव्हाण उपस्थित आहेत.
ही पदयात्रा पाचपाखाडी येथील परमार्थ निकेतन येथून निघून चंदनवाडी, अलमेडा चौक आणि दगडी शाळा मार्गे तलावपाळी येथील अहिल्यादेवी होळकर स्मारकाजवळ समाप्त होईल...मोठ्या प्रमाणात पोलिसांचा बंदोबस्त लावण्यात आलाय..
राष्ट्रवादी काँग्रेस पक्षाचे अध्यक्ष शरद पवार यांच्या दुष्काळ पाहणी दौऱ्याची सुरुवात आज सोलापूर जिल्ह्यातून होणार आहे. आज दुपारी 3.30 वाजता माढा तालुक्यातील वरवडे तुळशी परिसरात दुष्काळामुळे नुकसान झालेल्या द्राक्ष ऊस इतर पिकांची पाहणी शरद पवार करणार आहेत. यानंतर माढा तालुक्यातील पाण्याच्या समस्यामुळे विकण्यासाठी काढलेलं तुळशी गावातील ग्रामस्थांशी शरद पवार संवाद साधणार आहेत.
या गावांमध्ये पाण्याच्या काय अडचणी आहेत कशामुळे पाणी आलं नाही. या पद्धतीचा संवाद ते ग्रामस्थांशी साधणार आहेत यानंतर पुढील दौऱ्यासाठी शरद पवार मार्गस्थ होणार आहेत
13.3 कोटी मतदार वगळण्यात आले.. म्हणजे 7 भारतीयांपैकी 1 मतदार वगळण्यात आल्याचा दावा राहुल गांधींनी केलाय... ज्ञानेश कुमार संस्थेच्या मागे लपून बसले असून ते कायमचे सुटू शकत नाही, असं म्हणत राहुल गांधींनी इशारा दिलाय... ज्ञानेश कुमारांना वाटत असले मोदी-शाह वाचवतील, पण हा त्यांचा भ्रम आहे... तुम्ही जे केलत ते देश कधी विसरणार नाही, असं म्हणत राहुल गांधींनी ज्ञानेश कुमारांवर निशाणा साधलाय...
पूर्णेकर हत्या प्रकरणात योग्य न्याय मिळणार. मारेकरी यांना सरकार पाठीशी घालणार नाही, असे आश्वासन मुख्यमंत्री देवेंद्र फडणवीस यांनी पुर्णेकर कुटुंबीयांना दिले असल्याचे समजते. आता पर्यंत एसआयटी पथक खंडणी विरोधी पथक गुन्हे शाखा यांच्या वतीने 5 आरोपी यांना अटक केली आहे. आरोपी न्यायालयीन कोठडी मध्ये आहे. कापूरबावडी पोलीस ठाण्यामध्ये पुरवणी जबाबा मधे शिंदे गटाच्या माजी महापौर मीनाक्षी शिंदे आणि त्यांचे पती राजेंद्र शिंदे यांची नावे असून मुख्य आरोपी म्हणून आतापर्यंत एसआयटी पथकाने अटक का नाही केली असा सवाल राम पुर्णेकर यांनी मुख्यमंत्री यांच्या समोर उपस्थित केला आहे.
प्रदीप पूर्णेकर हत्या प्रकरण
राम पूर्णेकरांनी घेतली फडणवीसांची भेट- सूत्र
'राजेंद्र, मीनाक्षी शिंदेंना अटक करा'
राम पूर्णेकरांची फडणवीसांकडे मागणी- सूत्र
ऊर्जा संकटाच्या काळात देशाविरोधात कटकारस्थाने करणा-या शक्ती सक्रिय…. विरोधी पक्ष हा विरोधी नव्हे, तर ‘अवरोधी पक्ष… भारताविरोधात परदेशात गुप्त गाठीभेटी… मोदींची विरोधकांवर टीका…
रॅलीला या, स्थानिक व्यापा-यांकडून थोडी खरेदी करा... राहुल गांधींचं कार्यकर्त्यांना आवाहन... रॅलीमुळे व्यपाऱ्यांना फायदा होईल... राहुल गांधींचं विधान..
रविवार ठरणार रॅली, मोर्चाचा राजकीय 'सुपर संडे'...दिल्लीत इंडिया आघाडीची व्होट बचाव, देश बचाव महारॅली...तर विरोधकांच्या आंदोलनाला भाजप पदयात्रेतून उत्तर देणार..
