Maharashtra Breaking News Today LIVE: शरद पवारांना डिस्चार्ज

मुंबईच्या महापौर रितू राजेश तावडे या आज बुधवार दिनांक 4 नोव्हेंबर रोजी गांधीनगर (गुजरात) दौऱ्यावर गेल्या आहेत.  गुजरातचे मुख्यमंत्री भूपेंद्रभाई पटेल यांची आज दुपारी साडेचार वाजता गुजरात मुख्यमंत्री कार्यालय, स्वर्णिम संकुल-१, गांधीनगर येथे महापौर श्रीमती रितू तावडे ह्या भेट घेणार आहेत. मुंबईतील वीरमाता जिजाबाई भोसले वनस्पती उद्यान व प्राणिसंग्रहालयात, गुजरात मधील जुनागढच्या साकरबाग प्राणिसंग्रहालयातून दोन जोड्या आशियाई सिंह (2 नर, 2 मादी) आणण्याबाबत दोन्ही राज्यांतील देवाणघेवाण प्रस्तावास अंतिम मंजुरी मिळावी, यासाठी ही भेट नियोजित आहे.

नवी दिल्ली 'एसआयआर' नंतर प्रसिद्ध करण्यात आलेल्या प्रारूप मतदारयादीत ज्या मतदारांची नावे वगळली गेली आहेत किंवा समाविष्ट नाहीत, असे पूर्वी नोंदणीकृत असलेले मतदार पुन्हा नाव समाविष्ट करण्यासाठी 'फॉर्म 6' सादर करू शकतात, असे स्पष्टीकरण केंद्रीय निवडणूक आयोगाने मंगळवारी दिले. 'एसआयआर' नंतर प्रारूप यादीत नाव नसलेले अनेक मतदार 'फॉर्म 6' भरण्यास कचरत असल्याचे आयोगाच्या निदर्शनास आले आहे. या अर्जामध्ये मतदार म्हणून पहिल्यांदाच नाव समाविष्ट करत असल्याबाबतचे प्रतिज्ञापत्र दद्यावे लागते. पूर्वीच मतदार म्हणून नोंदणी झालेली असताना देणे पुन्हा असे प्रतिज्ञापत्र हे खोटे प्रतिज्ञापत्र ठरू शकते आणि त्यामुळे लोकप्रतिनिधित्व कायदा, 1950 च्या कलम 31 अंतर्गत आपल्यावर फौजदारी कारवाई होऊ शकते, अशी भीती या मतदारांच्या मनात होती. मतदारांमधील हा संभ्रम दूर करताना निवडणूक आयोगाने स्पष्ट केले की, मतदारयाद्यांतून नाव वगळण्यात आलेले मतदार नाव समाविष्ट करण्यासाठी 'फॉर्म 6' सादर करू शकतात.

अमेरिकेचे राष्ट्राध्यक्ष डोनाल्ड ट्रम्प यांनी इस्रायलला दरवर्षी दिली जाणारी 4 अब्ज डॉलरची (अंदाजे 3.79 लाख कोटी रुपये) मदत 2027 पासून बंद करण्याची घोषणा केली आहे. मात्र, मदत बंद झाली तरी अमेरिकेकद्वन इस्रायलला शस्त्रास्त्रांची विक्री सुरू राहणार आहे. इस्रायलचे पंतप्रधान बेंजामिन नेतान्याहू यांनीच हा प्रस्ताव मांडल्याचा दावा ट्रम्प यांनी केला, फॉक्स न्यूजशी दूरध्वनीवरून बोलताना ट्रम्प यांनी ही माहिती दिली. इस्रायलला आता अमेरिकेच्या आर्थिक मदतीची गरज नसल्याचे त्यांचे म्हणणे आहे. अमेरिकेने दरवर्षी 4 अब्ज डॉलर खर्च करणे आवश्यक नसल्याचेही त्यांनी स्पष्ट केले.

मुख्यमंत्री देवेंद्र फडणवीस, दोन्ही उपमुख्यमंत्री एकनाथ शिंदे आणि सुनेत्रा पवार सह्याद्रीवर दाखल झाले आहेत.

- भ्रष्टाचारात नाशिकचा सलग दुसऱ्या वर्षीही डंका! 
- लाचखोरीच्या प्रकरणांमध्ये नाशिक विभाग राज्यात अव्वल...
- २८ ऑक्टोबर २०२६ पर्यंत तब्बल १२१ सापळा प्रकरणांची नोंद.. 
- १९६ लाचखोरांना लाच घेताना रंगेहात पकडलं...
- पुणे, छत्रपती संभाजीनगर आणि मुंबईलाही टाकलं मागे... 
- मात्र, कारवाईच्या आकडेवारीमागचं धक्कादायक वास्तव समोर 
तब्बल ९६ गुन्ह्यांचा तपास अद्याप प्रलंबित...
- केवळ १५ प्रकरणांमध्ये दोषारोपपत्र दाखल...
- लाचखोरांना पकडण्यात नाशिक आघाडीवर, मात्र दोषसिद्धीचं काय? 
- कारवाईचा धडाका जोरात, पण तपासाचा वेग मंदावला!

शरद पवारांना डिस्चार्ज देण्यात आला आहे. दोन दिवस रुबी हॉल क्लिनिकमध्ये उपचार घेतल्यानंतर शरद पवारांना डिस्चार्ज देण्यात आलाय.

देशभरात खळबळ उडवून देणाऱ्या श्रद्धा वालकर हत्याकांड प्रकरणातील मुख्य आरोपी आफताब अमीन पूनावाला याच्या जिवाला धोका निर्माण झाला आहे. इतर कैद्यांकडून चेहऱ्यावर वार करण्याची धमकी दिली जात असल्याचा दावा आफताबने न्यायालयात केला. या दाव्याची गंभीर दखल घेत दिल्ली न्यायालयाने सोमवारी तिहार कारागृह प्रशासनाला त्याच्या सुरक्षेसाठी तातडीने आवश्यक ती पावले उचलण्याचे निर्देश दिले.

कोणीही अनिश्चित काळासाठी जागेवर ताबा मिळवू शकत नाही”; दिल्ली आंदोलनावर सर्वोच्च न्यायालयाची केंद्राला नोटीस

सर्वोच्च न्यायालयाने मंगळवारी केंद्र सरकार आणि इतरांकडून एका याचिकेवर उत्तर मागवले आहे. व्यापारी संघटनांनी दाखल केलेल्या या याचिकेत सणासुदीच्या काळात मुख्य निवडणूक आयुक्त ज्ञानेश कुमार यांच्याविरोधात सुरू असलेली निदर्शने थांबवण्याची मागणी करण्यात आली आहे. प्रत्येकाला आंदोलनाचा अधिकार आहे, यावर भर देतानाच न्यायालयाने म्हटलं की, कोणत्याही नियुक्त आंदोलन स्थळावर अनिश्चित काळासाठी ताबा मिळवला जाऊ शकत नाही.

राम पूर्णेकरांच्या जीवाला धोका आहे. पूर्णेकर कुटुंबाला पोलीस संरक्षण वाढवून द्या, अशी मागणी मीनाक्षी शिंदेंनी पोलीस आयुक्तांकडे केली आहे. माझं आणि राजेंद्र शिंदेंचं नाव घेण्यासाठी राम पूर्णेकरांना प्रवृत्त केल्याचाही आरोपही मीनाक्षी शिंदेंनी केला आहे. "मी काही केलं नाही म्हणून सुरुवातीला राजीनामा दिला नव्हता. मात्र माझ्या नेत्यावर आरोप झाल्यानंतर राजीनामा दिला," असं ठाण्याच्या माजी महापौर मीनाक्षी शिंदेंनी म्हटलं आहे.

दिया मिर्झाचा व्हिडिओ पुन्हा पोस्ट करा, असे निर्देश मुंबई हायकोर्टानं दिलेत, मात्र अदयाप बीएमसीने व्हिडियो पोस्ट केला नाही. दिया मिर्झाच्या व्हिडीओवरील टीकेवरून मुंबई हायकोर्टानं नाराजी व्यक्त केली. बीएमसीच्या पर्यावरणपूरक दिवाळी मोहिमेवरून निर्माण झालेल्या राजकीय वादावर मुंबई हायकोर्टानं तीव्र आक्षेप घेतला.

आज राज्य मंत्रिमंडळ बैठकी आधी शिवसेनेची प्री-कॅबिनेट बैठक होणार, गेल्या अनेक दिवसांपासून भाजप-शिवसेनेच्या एकमेकांवर आरोप प्रत्यारोप नंतर बैठकीला महत्त्व प्राप्त झालं आहे. महायुती सरकारमधील अंतर्गत मतभेद आणि भाजप-शिवसेना (शिंदे गट) नेत्यांमधील गेल्या काही दिवसांतील आरोप-प्रत्यारोपांच्या पार्श्वभूमीवर आज होणाऱ्या शिवसेनेच्या प्री-कॅबिनेट बैठकीत काय होतं हे पाहणं महत्त्वाचं ठरणार आहे.

सर्वोच्च न्यायालयात शिवसेना पक्ष-चिन्ह आणि आमदार अपात्रता प्रकरणाची महत्त्वपूर्ण सुनावणी होण्याची शक्यता आहे. ही सुनावणी सरन्यायाधीश सूर्यकांत यांच्या खंडपीठासमोर  पार पडणार असून, मुख्यमंत्री एकनाथ शिंदे यांच्या वतीने ज्येष्ठ वकील ध्रुव मेहता न्यायालयात युक्तिवाद करतील. सुनावणी दुपारी 2 वाजता होणार आहे.

आपला पक्ष सत्तेत असून देखील कामे होत नाहीत तसेच उपमुख्यमंत्री एकनाथ शिंदे यांच्याकडून कामे होतं नसल्याची राष्ट्रवादी काँग्रेस पक्षाच्या आमदारांनी तक्रार केली. एका माजी मंत्र्याने अर्थमंत्री पदाबाबत नेमके काय झाले, याबाबत बैठकीत स्पष्टीकरण मागितले. राष्ट्रवादी काँग्रेस पक्षाची देवगिरी निवासस्थानी आमदरांची बैठक झाली या बैठकीत आमदारांना येणाऱ्या अडचणी आणि भावना व्यक्त करण्याची वरिष्ठ नेतृत्वाने सूचना दिली. आमदारांनी वरिष्ठ नेत्यांमधील संघर्षाबाबत विचारणा करत म्हटले की, हे वाद खालीपर्यंत कळत नाहीत आणि पक्ष कमजोर होत आहे. सत्तेत असूनही कामे होत नसल्याची तक्रार करत एकनाथ शिंदे यांच्याकडून कामकाज होत नसल्याचे आमदारांनी सांगितले.

पार्थ पवार आणि सुनेत्रा पवारांना पक्षात एकटं पाडलं जातंय, असं गंभीर आरोप आमदार रोहित पवारांनी केलाय. तर भुजबळ, मुश्रीफ सोडून सर्वांनी अजित पवार जिंवत असताना त्रास दिला असा आरोप रोहित पवार यांनी केला आहे. राष्ट्रवादीच्या काही वरिष्ठ नेत्यांनी दिल्लीत अमित शाहांची भेट घेतल्यानंतर रोहित पवारांनी हा आरोप केलाय. तसेच भाजपदेखील पार्थ आणि जय या दोन भावांमध्ये वाद लावण्याचे प्रयत्न करत असल्याचा दावा त्यांनी केला आहे.