खासदार श्याम कुमार बर्वे यांनी गालावर चापट मारल्याच्या व्हिडीओवर प्रतिभा धानोकरांनी दिली प्रतिक्रिया, म्हणाल्या...

काँग्रेसच्या खासदारांचा एक व्हिडीओ सध्या महाराष्ट्रात चर्चेचा विषय ठरत आहे. या व्हिजीओत काँग्रेसचे खासदार श्याम कुमार बर्वे महिला खासदार प्रतिभा धानोरकर यांना गालावर चापट मारताना दिसत आहेत. काँग्रेसने दिल्लीत केलेल्या आंदोलनादरम्यान हा कथित प्रकार घडला होता. सर्व खासदार बसमधून जात असतानाच श्याम कुमार बर्वे यांनी प्रतिभा धानोरकर यांना चापट मारली होती. यासंदर्भात काँग्रेसच्या नेत्यांनी वरिष्ठांकडे तक्रार केल्याची माहिती समोर आली आहे. यानंतर आता प्रतिभा धानोकर यांनी यासंदर्भात प्रतिक्रिया दिली आहे.

व्हिडीओत नेमकं काय?

दिल्लीमधील आंदोलनादरम्यान काँग्रेसच्या खासदारांना बसमधून आंदोलनस्थळापासून दूर नेण्यात आलं. बसमधून जात असताना महिला खासदार एका बाजूला बसलेल्या असून घोषणा देताना दिसत आहेत. यावेळी श्याम कुमार बर्वे हे प्रतिभा धानोकर यांच्या बाजूला उभे आहेत. यावेळी प्रतिभा धानोरकर आणि त्यांच्यात संवाद सुरु असताना ते गालावर चापट मारतात. यानंतर प्रतिभा धानोरकर यांच्या चेहऱ्यावरील हावभाव आश्चर्याचे आहेत. वर्षा गायकवाड त्यांच्या शेजारी बसलेल्या दिसत आहेत.

हे ही वाचा - काँग्रेस खासदारांचा बसमधील Video Viral! महाराष्ट्रातील महिला खासदारासोबत काय घडलं पाहिलं का? थेट हायकमांडपर्यंत पोहोचलं प्रकरण

प्रतिभा धानोरकर यांची प्रतिक्रिया

प्रतिभा धानोरकर यांनी आमच्यात थट्टा मस्करी सुरु असते असं म्हटलं आहे. तक्रार केली असेल तर त्यात तथ्य नाही असेही त्या म्हणाल्या आहेत. आम्ही भावा बहिणीसारखे राहतो असंही त्यांनी सांगितलं आहे. 

Pratibha Dhanorkar Viral Video | प्रतिभा धानोरकरांना श्यामकुमार बर्वेंनी चापट मारल्याचा VIDEO व्हायरल https://t.co/YkjainGUEI < येथे जाणून घ्या सविस्तर माहिती... #Congress #VoteBachaoDeshBachao #Andolan #Video #Shamkumarbarve #pratibhadhanorkar #complaint काँग्रेसच्या दिल्लीतील आंदोलनातील व्हिडिओ व्हायरल खा. श्याम कुमार बर्वे यांनी खा. प्रतिभा धानोरकर यांना चापट मारल्याचा व्हिडिओ व्हायरल सदर प्रकरणी काँग्रेसच्या नेत्यांनी वरिष्ठांकडे तक्रार केल्याची सूत्रांची माहिती.

— ZEE २४ तास (@zee24taasnews) November 4, 2026

"तक्रार करणारा माणूस कोण आहे, त्याचं नाव आहे का? आणि जर माझ्यासोबत असं काही झालं असतं तर स्वत: प्रतिभा धानोरकर नावाने तक्रार जायला पाहिजे होती. मग तक्रार नसताना निवावी तक्रार करत माझे, श्याम बर्वे आणि वर्षा गायकवाड यांचे विरोधक करत असतील तर त्यात किती तथ्य आहे हे पाहायला पाहिजे. कोणी कोणाचीही तक्रार करतं म्हणून त्यावर कारवाई होईल का? यात कोणतंही तथ्य नाही," असं त्या म्हणाल्या आहेत.

"आम्ही सर्वजण भावा बहिणीसारखे एकत्रित मिळून राहतो. मस्करी करत असताना तसं केलं आहे. मग त्याचा इतका मोठा विषय करुन लक्ष दुसरीकडे वळवण्याचा प्रयत्न केला आहे तो चुकीचा आहे. असा कोणताही प्रकार झालेला नाही," असा दावा त्यांनी केला आहे.

श्याम कुमार बर्वे यांनीही दिलं स्पष्टीकरण

श्याम कुमार बर्वे यांनी स्पष्टीकरण देताना प्रतिभा धानोरकर आपल्या लहान बहिणीसारख्या असल्याचं म्हटलं आहे. "मी जी चापट मारली ती छोटी बहिणीसारख्या असणाऱ्या प्रतिभा धानोरकरांना मारली आहे. आम्ही अडीच वर्षांपासून प्रत्येक आंदोलनाक एकत्र असतो. आमचे कौटुंबिक संबंध आहेत. मी त्यांना घोषणा द्या म्हणून गमतीत चापट मारत आहे. पण तेवढंच कापून विरोधकांनी दाखवलं आहे. कोणीतरी तक्रार केली आहे, त्यात नावदेखील घेतले नाही. 
बनावट ईमेल आहे," असं त्यांनी सांगितलं आहे. मी याबाबत काँग्रेस प्रदेशाध्यक्षांना सांगितले आहे अशी माहितीही त्यांनी दिली.