Maharashtra Breaking News LIVE : 29 ऑक्टोबर 2026 दिवसभरातील महत्त्वाच्या घडामोडी, ब्रेकिंग न्यूजचा आढावा एका क्लिकवर

Minakshi Shinde Resign : शिवसेनेच्या मीनाक्षी शिंदे यांचा राजीनामा.. ठाणे जिल्हा महिला आघाडी प्रमुख पदाचा राजीनामा.. मीनाक्षी शिंदेंकडून शिवसेनेतील पदाचा राजीनामा.. उपमुख्यमंत्री एकनाथ शिंदे यांच्याकडे राजीनामा केला सुपूर्द.

ARNAB CYCLONE IMPACT : बंगालच्या उपसागरात निर्माण झालेले ‘अर्णब’ हे चक्रीवादळ आंध्र प्रदेश किनारपट्टीला धडकले आहे... किनारपट्टीवर धडकल्यानंतर या चक्रीवादळाची तीव्रता हळूहळू ओसरत असली, तरी त्याचा थेट परिणाम आता महाराष्ट्रातील हवामानावर दिसून येत आहे... या चक्रीवादळाच्या प्रभावामुळे आज राज्यातील अनेक जिल्ह्यांमध्ये विजांच्या कडकडाटासह वादळी पावसाचा अंदाज हवामान विभागाने वर्तवला आहे... विदर्भासह मध्य महाराष्ट्र आणि कोकणातील घाटमाथ्यावर हवामान खात्याकडून ‘येलो अलर्ट’  जारी करण्यात आला आहे....

STATE WINTER : दिवाळीनंतर थंडीची पहिली लाट येण्याची शक्यता आहे. मात्र यंदा थंडीचा हंगाम कमी काळ टिकण्याची शक्यता आहे. मध्येच पुन्हा उष्णता वाढू शकते. दिलासादायक बाब म्हणजे ऑक्टोबरमध्ये जाणवणारा उकाडा आता संपला आहे. गेल्या वर्षी नोव्हेंबर महिन्यात चांगली थंडी जाणवली होती. मात्र डिसेंबर आणि जानेवारीत थंडीचा जोर कमी होता. यंदाही थंडी कधी सुरू होणार, याकडे नागरिकांचं लक्ष लागले आहे. दिवाळीनंतर गारवा वाढण्याची शक्यता असली, तरी यंदा सलग अनेक दिवस थंडी राहीलच, असे नाही. एकूणच, ऑक्टोबरचा उकाडा कमी होण्यास सुरुवात झाली असली, तरी थंडीसाठी दिवाळीनंतरच वाट पाहावी लागणार आहे. यंदा थंडी अधूनमधून जाणवेल; मात्र ती फार काळ टिकेलच असे नाही. त्यातच गेल्या तीन दिवसांपासून मुंबई महानगरातील तापमानात घट होतेय.. हवामान विभागाच्या सांताक्रूझ केंद्रात बुधवारी 21 अंश सेल्सिअस किमान तापमान नोंदले गेले, जे सरासरी किमान तापमानाहून 1.3 अंशांनी कमी होते, तर कुलाबा इथंही 25 अंश सेल्सिअस किमान तापमानाची नोंद झाली. त्यामुळे सध्या मुंबईत दिवसा उन्हाचा त्रास असला तरीही पहाटे गारवा जाणवतोय..