SOCIAL MEDIA

Newsletter

PARTNER SITES
Select Language Select State

‘भैय्यांच्या छटपूजेला आमदारांचं संरक्षण, विसर्जनाला...’; बाणगंगेत बॅनरबाजीमुळे नवा वाद पेटला

मुंबईतील बाणगंगा तलाव परिसरात छटपूजेवरून बॅनरबाजी पाहायला मिळतेय. आमदार मंगलप्रभात लोढा यांच्या भूमिकेवर प्रश्न उपस्थित होतायत. ट्रस्टची परवानगी, मनसेचा विरोध आणि उच्च न्यायालयाच्या आदेशामुळे वाद चिघळलाय

Reported By Pravin Dabholkar Written By Pravin Dabholkar
Published: Nov 19, 2026, 08:07 IST | Updated: Nov 19, 2026, 08:14 IST
Image Credit: छठपुजेवरुन बॅनरबाजी (फोटो सौजन्य-गुगल)
Join

मुंबईतील ऐतिहासिक बाणगंगा तलाव परिसरात छटपूजेवरून सुरू झालेला वाद आता बॅनरबाजीपर्यंत पोहोचलाय. ‘भैय्यांच्या छटपूजेला आमदाराचं संरक्षण, मराठी माणसांच्या गणपती विसर्जनाला कोर्टाची मनाई’, असा मजकूर असलेले बॅनर परिसरात झळकलाय. या माध्यमातून ‘हा अन्याय सहन केला जाणार नाही’ आणि ‘आमदार कोर्टापेक्षा मोठे आहेत का?’ असे प्रश्न उपस्थित करत स्थानिक पातळीवरील नाराजी व्यक्त करण्यात येतेय. छटपूजेच्या आयोजनावरून सुरू झालेला वाद आता धार्मिक परंपरा, न्यायालयीन निर्बंध आणि राजकीय हस्तक्षेप या मुद्द्यांवर केंद्रित झालाय. काय घडलंय नेमकं? सविस्तर जाणून घेऊया.

बाणगंगा परिसरात बॅनरबाजी

बाणगंगा परिसरात लावण्यात आलेले काही बॅनर चर्चेचा विषय बनले आहेत.  या बॅनरमधून स्थानिक आमदारांच्या भूमिकेवर प्रश्न उपस्थित करण्यात आलाय. छटपूजेच्या आयोजनाला आमदारांकडून संरक्षण मिळत असल्याचा आरोप बॅनरमधून करण्यात आलाय. असे असताना दुसरीकडे, गणपती विसर्जनाच्या वेळी मराठी नागरिकांना न्यायालयीन निर्बंधांचा सामना करावा लागतो. मग छटपूजेच्या बाबतीत वेगळी भूमिका का, असा सवालही उपस्थित करण्यात आलाय.

छटपूजेच्या आयोजनावरून आधीच तापलंय वातावरण

बाणगंगा तलावात छटपूजेच्या आयोजनावरून नोव्हेंबरच्या मध्यात वाद निर्माण झाला होता. भाजपचे स्थानिक आमदार मंगलप्रभात लोढा यांच्या उपस्थितीत किंवा पुढाकाराने आयोजनासंदर्भात बैठक झाल्याची चर्चा होती. मनसे कार्यकर्त्यांनी या आयोजनाला विरोध करत महापालिकेच्या डी वॉर्ड कार्यालयाबाहेर घोषणाबाजी केली होती. तलावात गणपती आणि देवीच्या मूर्तींचे विसर्जन करण्यावर निर्बंध असताना छटपूजेच्या आयोजनासाठी तयारी कशी केली जाते?, असा प्रश्न मनसेने उपस्थित केला होता.

ट्रस्टची परवानगी नसल्याचा दावा

बाणगंगा तलावाची देखभाल आणि मालकीशी संबंधित जी.एस.बी. टेम्पल ट्रस्टने छटपूजेच्या आयोजनावर आक्षेप नोंदवला होता. ट्रस्टने धार्मिक विधींना विरोध नसल्याचे स्पष्ट करत तलावाचे ऐतिहासिक महत्त्व, पर्यावरण आणि पाण्याची गुणवत्ता जपण्याची गरज अधोरेखित केली. तसेच छटपूजेच्या आयोजनासाठी ट्रस्टने अधिकृत परवानगी दिलेली नसल्याचे सांगितले.

उच्च न्यायालयाचा आदेश नेमका काय?

छटपूजेच्या वादात मुंबई उच्च न्यायालयाच्या आदेशाचाही संदर्भ दिला जात आहे. 9 नोव्हेंबर 2026 रोजी मिथिला छठ पूजा संघाच्या याचिकेवर सुनावणी करताना न्यायालयाने गिरगाव चौपाटीवर कार्यक्रम आयोजित करण्यासाठी तातडीचे आदेश देण्यास नकार दिला. आवश्यक परवानग्या आणि देखरेख समितीशी संबंधित प्रक्रियेचे पालन झाले नसल्याचे न्यायालयाने नमूद केले.

धार्मिक परंपरा की नियमांची समान अंमलबजावणी?

बाणगंगेतील वादामुळे सार्वजनिक जलस्रोतांचा वापर, पर्यावरणाचे संरक्षण आणि धार्मिक कार्यक्रमांसाठी परवानगीचे नियम समान पद्धतीने लागू होतात का?, हा प्रश्न पुन्हा चर्चेत आला आहे. छटपूजेच्या आयोजनाला विरोध करणाऱ्यांचा भर नियमांच्या समान अंमलबजावणीवर आहे, तर आयोजकांच्या धार्मिक अधिकारांचाही विचार होणे आवश्यक आहे. आता बॅनरबाजीमुळे या वादाला नवे राजकीय वळण मिळाले आहे. प्रशासन आणि संबंधित लोकप्रतिनिधी यावर काय भूमिका घेतात, याकडे लक्ष लागले आहे.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES