SOCIAL MEDIA

Newsletter

PARTNER SITES
Select Language Select State

महाराष्ट्र गारठला! वातावरणात मोठा बदल, समुद्र सपाटीपासून 3.1 किमी उंचीवर चक्राकार वारे, थंडीचा कडाका वाढणार

राज्यात आणि मुंबईत थंडीने जोर धरला असून गेल्या सहा दिवसांत वातावरणात मोठा बदल झाला आहे. हवेतील कोरडेपणा आणि गारठा वाढला आहे.

Written By Mansi Kshirsagar Edited By Mansi Kshirsagar
Published: Nov 22, 2026, 07:01 IST | Updated: Nov 22, 2026, 07:04 IST
Image Credit: Maharashtra Weather Update maharashtra experiencing an unexpected cold wave with temperatures dropping
Join

मुंबईसह राज्यात थंडीचा जोर वाढला आहे. शनिवारी किमान तापमानाची नोंद 16.2 अंश सेल्सिअस झाली आहे. हे तापमान सरासरीपेक्षा 5 अंशांनी कमी आहे. जळगावमध्ये राज्यातील सर्वात कमी म्हणजेच 8 अंश सेल्सिअस तापमानाची नोंद झाली आहे.

राज्याच्या विविध भागांत तापमानाचा पारा घसरला असून थंडीची चाहूल लागण्यास सुरुवात झाली आहे. जळगावमध्ये राज्यातील सर्वात कमी म्हणजे 8 अंश सेल्सिअस तापमानाची नोंद झाली आहे. विदर्भात तुरळक ठिकाणी पावसाने हजेरी लावली आहे. तर मराठवाड्यात ढगाळ वातावरण असू शकते. आजही राज्याच्या कमाल आणि किमान तापमानात चढ-उतार होण्याची शक्यता हवामान विभागाने वर्तवली आहे.

राज्यात मागील काही दिवसांपासून थंडी कायम असून अंतर्गत भागातील किमान तापमानात लक्षणीय घट होताना दिसत आहे. पहाटेच्या वेळी गारवा वाढल्याने सध्या नागरिकांना काहीसा दिलासा मिळत आहे. निरभ्र आकाश आणि उत्तरेकडून येणाऱ्या थंड आणि कोरड्या वाऱ्यांचा राज्यावरील प्रभाव वाढत असून त्यामुळे किमान तापमानात घट होत आहे. राज्यात पुढील काही दिवस हीच स्थिती कायम राहण्याचा अंदाज आहे.

बंगालच्या उपसागरात तयार झालेले अकवान चक्रीवादळ आता शांत झाले असून उत्तर ओडिशा आणि छत्तीसगडमध्ये कमी दाबाचे क्षेत्र सक्रीय होते. मराठवाडा आणि परिसरात यामुळं समुद्र सपाटीपासून 3.1 किमी उंचीवर चक्राकार वाऱ्यांची स्थिती होती. उत्तरेकडून वाहणाऱ्या थंड हवेमुळं उत्तर महाराष्ट्रात गारठा कायम असून मध्य महाराष्ट्रातही किमान तापमानात घट झाली आहे. तर, उर्वरित राज्यात तापमानात चढ-उतार सुरूच आहे.

राज्यसह नाशिकच्या ग्रामीण भागात थंडीची हूडहूडी भरायला सुरुवात झाली असून दोन दिवसांपासून निफाडचा तापमानात सातत्याने घट होत आहे निफाडचे तापमान 8 अंश सेल्सिअस पर्यंत खाली आले असून त्या पाठोपाठ धुळ्यातही तापमानाचा पारा घसरला आहे.

थंडी शेतीसाठी पोषक

पावसाची नोंद अल्प राहिल्याने हवेतील कोरडेपणा व गारठा वाढला असून, या बदलत्या हवामानाचा थेट परिणाम शेती तसेच नागरिकांच्या आरोग्यावर होत आहे.

सध्याचे कोरडे व थंड हवामान तालुक्यातील रब्बी हंगामासाठी अत्यंत पोषक आहे. गहू व हरभरा पिकांना फुटवे येण्यासाठी व दाणे भरण्यासाठी 15 अंशांखालील तापमान वरदान मानले जाते. तसेच, तालुक्यातील मुख्य पीक असलेल्या रांगद्वा व उन्हाळी कांद्याच्या रोपवाटिका व कांदा लागवडीसाठी ही थंडी पोषक आहे; यामुळे कांद्याची पात जोमदार वाढून कांदा पोसण्यास मदत होते. मात्र, सकाळी पडणाऱ्या दवामुळे कांद्यावर 'करपा' किंवा 'फुलकिडे' (थ्रिप्स) यांचा प्रादुर्भाव होण्याची शक्यता असते.

कृषी तज्ज्ञांच्या मते, शेतकऱ्यांनी पिकांना एकाच वेळी भरपूर पाणी न देता हलके आणि योग्य वेळी सिंचन करावे, ज्यामुळे जमिनीत ओलावा टिकून राहील व पिकांचे थंडीपासून संरक्षण होईल. ही गुलाबी थंडी बळीराजाच्या आशा पल्लवित करणारी ठरत असली, तरी नागरिकांनी आरोग्याबाबत सतर्क राहणे तितकेच गरजेचे आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES