SOCIAL MEDIA

Newsletter

PARTNER SITES
Select Language Select State

शायना एनसींनी फाडलेला फोटो नेमका किती तारखेचा? बाळासाहेबांनी स्वत:चीच चप्पल का हातात घेतलेली? मणिशंकर यांनी काय केलेलं? 22 वर्षांपूर्वीच्या फोटोची गोष्ट

उपमुख्यमंत्री एकनाथ शिंदेंच्या शिवसेनेच्या उपनेत्यांच्या पत्रकार परिषदेच्या शेवटी घडलेल्या एका प्रसंगामुळे राज्यातील राजकारण चांगलेच तापले आहे. मात्र ज्या फोटोवरून हा वाद सुरु आहे त्याचा इतिहास अनेकांना ठाऊक नाही. त्याबद्दलच जाणून घेऊयात...

Reported By Swapnil Ghangale Written By Swapnil Ghangale
Published: Nov 19, 2026, 11:46 IST | Updated: Nov 19, 2026, 12:03 IST
Image Credit: नेमका हा फोटो आहे कधीचा? बाळासाहेब कोणत्या आंदोलनात सहभागी झालेले? (फोटो सोशल मीडियावरून साभार)
Join

काँग्रेसच्या माजी अध्यक्षा सोनिया गांधी यांच्या आत्मचरित्रामध्ये वीर सावरकरांसंदर्भात वादग्रस्त विधान करण्यात आल्याचा संदर्भ देत उपमुख्यमंत्री एकनाथ शिंदेंच्या शिवसेनेनं बुधवारी मुंबईत पत्रकार परिषद घेतली. या पत्रकार परिषधेमध्ये उपनेते शायना एसी, संजय निरूपम, शितल म्हात्रेंनी आपली भूमिका मांडताना उद्धव ठाकरेंच्या शिवसेनेवर निशाणा साधताना जे काही लिहिलेलं आहे ते तुम्हाला मान्य आहे का? यासंदर्भात तुम्ही भूमिका स्पष्ट करा अशी मागणी केली. विशेष म्हणजे ही मागणी केल्यानंतर त्यांनी या पुस्तकात वीर सावरकरांसंदर्भात वादग्रस्त मजकूर असलेली पानं फाडली. याच संदर्भातून त्यांनी एक जुना फोटोही फाडून उद्धव ठाकरेंच्या शिवसेनेचा निषेध केला. 

फोटोबद्दल उत्सुकता

शिंदेंच्या शिवसेना नेत्यांनी फाडलेल्या फोटोमध्ये बाळासाहेब ठाकरे हे काँग्रेसचे ज्येष्ठ नेते मणिशंकर अय्यर यांच्या पुतळ्याला जोडे मारताना दिसत आहेत. हा फोटो सध्या तुफान चर्चेत असून नेमकं त्यावेळी काय घडलं होतं याबद्दल अनेकांना उत्सुकता असून फोटो कधी काढण्यात आला? याबद्दल अनेकांनी उत्सुकता आहे. नेमकं काय घडलं होतं हा फोटो काढताना? हे आंदोलन कशासाठी होतं? जाणून घेऊयात सविस्तरपणे...

कधीचा आहे हा फोटो?

सध्या वादाच्या केंद्रस्थानी असलेला हा फोटो आहे 2004 मधील! काँग्रेस नेते आणि तत्कालीन केंद्रीय पेट्रोलियम मंत्री मणिशंकर अय्यर यांनी स्वातंत्र्यवीर सावरकर यांचा अवमान केल्याच्या निषेधार्थ शिवसेनेनं आंदोलन केलं होतं. या आंदोलनात सहभागी झालेल्या बाळासाहेब ठाकरेंनी मणिशंकर अय्यर यांच्या पुतळ्याला जोडे मारले होते. या घटनेचा निषेध करण्यासाठी शिवसेनेने संपूर्ण महाराष्ट्रभर आक्रमक आंदोलन छेडले होते. हे जोडे मारो आंदोलन याच निषेधाचा भाग होता.

मणीशंकर अय्यर यांनी काय केलेलं?

ऑगस्ट 2004 मध्ये मणिशंकर अय्यर अंदमान आणि निकोबार बेटांच्या दौऱ्यावर गेले होते. तेथील ऐतिहासिक सेल्युलर जेलमधील स्वातंत्र्यज्योतीजवळ असलेल्या फलकावरून त्यांनी सावरकरांच्या कवितेच्या ओळी असलेला फलक हटवण्याचे आदेश दिले होते. इतकेच नाही तर अय्यर यांनी स्वातंत्र्यवीर सावरकर यांच्या स्वातंत्र्य मिळवण्याच्या संघर्षातील योगदानावर प्रश्नचिन्ह उपस्थित करत त्यांच्याविरोधात अत्यंत आक्षेपार्ह वक्तव्ये केली होती.

किती तारखेला काढलाय हा फोटो?

मणिशंकर अय्यर यांच्या या कृतीमुळे आणि वक्तव्यामुळे महाराष्ट्रात संतापाची लाट उसळली होती. केंद्रीय मंत्र्याने केलेल्या या विधानाचा निषेध करण्यासाठी 27 ऑगस्ट 2004 रोजी मुंबईतील छत्रपती शिवाजी पार्क मैदानावर शिवसेनेतर्फे तीव्र निदर्शने करण्यात आली. या आंदोलनाची सुरुवात स्वतः शिवसेनाप्रमुख बाळासाहेब ठाकरे यांनी केली. त्यांनी मणिशंकर अय्यर यांच्या प्रतिकात्मक पुतळ्याला स्वतःच्या चपलेने मारून केली होती. त्याच वेळी हा फोटो काढण्यात आला होता. 

आता या फोटोचा संदर्भ कसा?

ज्याप्रमाणे मणीशंकर अय्यर यांनी सावरकरांचा अपमान केला होता त्यावेळी बाळासाहेबांनी जशी कठोर भूमिका घेतली होती तशी आता उद्धव ठाकरे घेणार का? असा सवाल शिंदेंच्या शिवसेनेच्या उपनेत्यांनी विचारला. याच संदर्भातून त्यांनी पुस्तकातील पानं फाडल्यानंतर 22 वर्षांपूर्वी झालेल्या अशाच वादाच्या निषेधार्थ सुरु असलेल्या आंदोलनातील मणिशंकर अय्यर यांच्या पुतळ्याचा फोटो फाडला होता. त्यावेळी शायना एनसी यांनी हा पुतळ्याचा फोटो फाडण्याऐवजी बाळासाहेबांचाच फोटो फाडल्याने मूळ विषय बाजूला राहून नवीन वादाला तोंड फुटलं!

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES