SOCIAL MEDIA

Newsletter

PARTNER SITES
Select Language Select State

'फोटोवरुन वाद, अश्लील कमेंट्स अन्..', कुर्ल्यात तरुण-तरुणीला मारहाणीनंतर प्रत्यक्षदर्शींनी सांगितला धक्कादायक घटनाक्रम

मुंबईच्या कुर्ल्यात फिनिक्स मॉलजवळील उद्यानात तरुण-तरुणीला मारहाण झाली. याप्रकरणी प्रत्यक्षदर्शीने घटनाक्रम सांगितलाय. उद्यानात सुरक्षारक्षक नसल्याचा दावा त्यांनी केलाय. आठ अल्पवयीन मुलांना पोलिसांनी ताब्यात घेतले.

Reported By Pravin Dabholkar Written By Pravin Dabholkar
Published: Nov 22, 2026, 10:16 IST | Updated: Nov 22, 2026, 10:31 IST
Image Credit: कुर्ला घटना
Join

मुंबईतील कुर्ला पश्चिम येथील फिनिक्स मॉलजवळील उद्यानात एका तरुण आणि तरुणीला मारहाण केल्याची धक्कादायक घटना समोर आली. या घटनेचा व्हिडीओ सोशल मीडियावर व्हायरल झाल्यानंतर परिसरात संताप व्यक्त केला जातोय. प्रत्यक्षदर्शींनी माध्यमांना यासंदर्भात माहिती दिली आहे. यावेळी उद्यानातील सुरक्षेचा अभाव आणि तेथील परिस्थितीबाबत गंभीर प्रश्न उपस्थित करण्यात आले. उद्यानात सुरक्षारक्षकच नसल्याचा दावा प्रत्यक्षदर्शींनी केला आहे. या प्रकरणी पोलिसांनी आठ अल्पवयीन मुलांना ताब्यात घेतले असून तपास सुरू आहे. काय घडलंय नेमकं? सविस्तर जाणून घेऊया.

फोटो काढताना तरुण-तरुणीशी वाद

कुर्ला पश्चिम येथील फिनिक्स मॉलच्या मागे असलेल्या प्रमोद महाजन उद्यानात ही घटना घडली. उपलब्ध व्हिडीओनुसार, एक तरुण आणि तरुणी उद्यानात फोटो काढत होते. त्यावेळी तिथे उपस्थित असलेल्या काही मुलांनी त्यांच्यावर अश्लील कमेंट केल्याचा आरोप आहे. या प्रकाराला दोघांनी विरोध केल्यानंतर वाद वाढला आणि संबंधित मुलांनी जोडप्याला मारहाण केल्याचे व्हिडीओत दिसत आहे.

प्रत्यक्षदर्शींचा धक्कादायक खुलासा

या उद्यानात स्वच्छतेचे काम करणाऱ्या सरनाबाई गजरे यांनी घटनेच्या वेळी तिथे साधारण 12 जण उपस्थित असल्याचे सांगितले. संबंधित टोळके जोडप्याला घाबरवण्याचा आणि धमकावण्याचा प्रयत्न करत असल्याचे त्यांनी म्हटले. यावेळी पैशांबाबतही काही बोलणे ऐकू आल्याचे त्यांनी सांगितले.

उद्यानात सुरक्षारक्षकच नसल्याचा दावा

सरनाबाई गजरे यांनी उद्यानात सुरक्षारक्षक नसल्याचा मुद्दा उपस्थित केला. त्यांनाही उद्यानातून निघून जाण्यासाठी धमकावण्यात आल्याचे त्यांनी सांगितले. स्थानिक रहिवासी अशोक कांबळे यांनीही उद्यान सुरक्षित नसल्याचे म्हटले आहे. उद्यानात नशा करणारे लोक येत असल्याने स्थानिक नागरिक तिथे जाणे टाळतात, असा त्यांचा दावा आहे. त्यामुळे सार्वजनिक उद्यानांमधील सुरक्षेचा प्रश्न पुन्हा चर्चेत आला आहे.

व्हायरल व्हिडीओमध्ये नेमकं काय दिसतं?

व्हिडीओमध्ये काही मुलांनी जोडप्याला घेरल्याचे दिसते. तरुणाने विरोध केल्यानंतर त्याच्यावर चप्पलसदृश वस्तूने हल्ला करण्यात आल्याचे दृश्य आहे. एका मुलाने तरुणीच्या डोक्यावर काठीने वार केल्याचेही व्हिडीओमध्ये दिसते. त्यानंतर दोन्ही बाजूंमध्ये वाद सुरू होतो. या घटनेमुळे सार्वजनिक ठिकाणी महिलांच्या आणि नागरिकांच्या सुरक्षिततेबाबत चिंता व्यक्त केली जातेय.

अल्पवयीन मुलांना पोलिसांनी घेतले ताब्यात

पीडित जोडप्याच्या तक्रारीनंतर घाटकोपर पोलिसांनी आठ अल्पवयीन मुलांना ताब्यात घेतले. भारतीय न्याय संहिता म्हणजेच बीएनएस कलमाअंतर्गत गुन्हा नोंदवण्यात आला आहे. संबंधित मुलांना बाल न्याय मंडळासमोर हजर करण्याची प्रक्रिया सुरू असल्याची माहिती पोलीस उपायुक्त गणेश शिंदे यांनी दिली. पोलीस या प्रकरणाचा पुढील तपास करत असून उद्यानातील सुरक्षेची व्यवस्था आणि अशा घटना रोखण्यासाठी संबंधित प्रशासन कोणती पावले उचलणार? असा प्रश्न उपस्थित केला जातोय.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES