SOCIAL MEDIA

Newsletter

PARTNER SITES
Select Language Select State

भारताचे 4 राफेल विमान गायब?‘फ्लाइटग्लोबल’च्या अहवालाने देशात खळबळ; काय घडलंय नेमकं?

भारतीय हवाई दलाकडे 36 पैकी केवळ 32 राफेल विमाने सक्रिय असल्याचा फ्लाइटग्लोबलचा दावा आहे. माजी एअर मार्शल नर्मदेश्वर तिवारी यांनी अहवाल फेटाळला. संपूर्ण प्रकरण जाणून घेऊया.

Reported By Pravin Dabholkar Written By Pravin Dabholkar
Published: Nov 21, 2026, 07:28 IST | Updated: Nov 21, 2026, 07:43 IST
Image Credit: राफेल
Join

भारतीय हवाई दलाच्या राफेल लढाऊ विमानांच्या संख्येबाबत एक नवा वाद निर्माण झालाय. ब्रिटनमधील संरक्षण आणि विमान वाहतूक क्षेत्रातील नियतकालिक ‘फ्लाइटग्लोबल’च्या ताज्या अहवालाने देशभरात खळबळ उडाली आहे. भारताकडे असलेल्या 36 राफेल विमानांपैकी केवळ 32 विमाने सक्रिय आहेत, असं अहवालात म्हटलंय.मागील वर्षीच्या अहवालात ही संख्या 35 दाखवण्यात आली होती. त्यामुळे 4 विमाने गायब असल्याची चर्चा जोर धरु लागली. एका वर्षात सक्रिय विमानांची संख्या तीनने कमी झाल्याचे या अहवालात म्हटलंय. दरम्यान उर्वरित चार विमाने नेमकी कुठे आहेत? किंवा ती सक्रिय यादीतून का वगळण्यात आली? असे अनेक प्रश्न उपस्थित होतायत. याबद्दल सविस्तर जाणून घेऊया.

माजी एअर मार्शल काय म्हणाले?

फ्लाइटग्लोबलच्या या आकडेवारीवर भारतीय हवाई दलाचे माजी उपप्रमुख एअर मार्शल नर्मदेश्वर तिवारी यांनी आक्षेप घेतला. हा दावा पूर्णपणे चुकीचा असल्याचे सांगत नियतकालिकाने माहितीच्या स्रोतांची विश्वासार्हता तपासण्याची मागणी त्यांनी केली. ऑपरेशन सिंदूरदरम्यान पाकिस्तानने भारताची राफेल विमाने पाडल्याचा दावा केला होता. त्यावेळी काही विमानांचे विशिष्ट टेल नंबरही प्रसारित करण्यात आले होते. मात्र संबंधित टेल नंबर असलेली विमाने नंतर विविध आंतरराष्ट्रीय लष्करी सरावांमध्ये उड्डाण करताना दिसल्याचे तिवारी यांनी म्हटले.

भारताने फ्रान्सकडून किती राफेल विमाने खरेदी केली?

भारताने फ्रान्सकडून एकूण 36 राफेल लढाऊ विमाने खरेदी केली आहेत. यामध्ये 28 एक आसनी आणि आठ दोन आसनी विमानांचा समावेश आहे. एक आसनी विमानांना EH, तर दोन आसनी विमानांना DH असे संबोधले जाते. फ्लाइटग्लोबलच्या ‘2027 वर्ल्ड एअर फोर्सेस डायरेक्टरी’मध्ये भारतीय हवाई दलाच्या ताफ्यात 32 सक्रिय राफेल विमाने असल्याचे नमूद करण्यात आले आहे. याआधीच्या एडीशनमध्ये 35 विमाने सक्रिय असल्याचे म्हटले होते.

अहवालासाठी कोणती माहिती वापरण्यात आली?

फ्लाइटग्लोबलचा हा अहवाल ब्रिटनमधील विमान वाहतूकविषयक माहिती आणि विश्लेषण क्षेत्रातील कंपनी ‘सिरियम’च्या डेटावर आधारित असल्याचे सांगण्यात आले आहे. या निर्देशिकेत जगातील सुमारे 160 देशांच्या लष्करी विमान ताफ्याची माहिती दिली जाते. सिरियम सार्वजनिकरीत्या उपलब्ध असलेली विमानांची दृश्ये, फ्लाइट ट्रॅकिंग आणि संरक्षणविषयक वृत्तांचा आधार घेते. विमानांची दुरुस्ती, देखभाल किंवा आधुनिकीकरण सुरू असल्यास त्यांची सक्रिय यादीतील नोंद बदलू शकते, असे जाणकार सांगतात.

ऑपरेशन सिंदूरशी या आकडेवारीचा संबंध काय?

मे 2025 मध्ये भारत आणि पाकिस्तान यांच्यात झालेल्या संघर्षादरम्यान पाकिस्तानने भारतीय राफेल विमाने पाडल्याचा दावा केला होता. आता फ्लाइटग्लोबलच्या अहवालातील 32 विमानांच्या आकडेवारीमुळे त्या दाव्यांवर पुन्हा चर्चा सुरू झाली आहे.भारतीय हवाई दलाने जून 2026 मध्ये सर्व 36 राफेल विमानांसाठी देखभाल आणि तांत्रिक सहाय्याशी संबंधित निविदा काढली होती, असं  ‘द ट्रिब्यून’ने म्हटलंय.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES