भाजप माजी खासदाराचं निधन, अनुभवी चेहरा हरपल्यामुळे राजकीय वर्तुळात शोककळा
माजी आमदार आणि माजी राज्यसभा खासदार असलेल्या नारायण सिंग केसरी यांचं निधन झालं आहे.
भाजपचे वरिष्ठ नेते आणि माजी राज्यसभा खासदार नारायण सिंह केसरी यांचं वयाच्या 92 वर्षी निधन झालं आहे. नारायण सिंह केशरी हे मध्य प्रदेशातील भाजपचे वरिष्ठ अनुभवी नेते होते. त्यांच्या निधनामुळे राजकीय वर्तुळात शोककळा पसरलीय. जनसंघाच्या काळापासून ते राजकारणात सक्रिय होते. ते माजी आमदारहीदेखील होते. स्पष्ट आणि प्रभावी वक्ते म्हणून त्यांनी राजकारणात आपली ओळख निर्माण केली.
नारायण सिंह केसरी यांनी जनसंघ काळापासून संघटनेसाठी काम केलंय. तसंच भाजपच्या स्थापनेनंतरही त्यांची भूमिका महत्त्वाची राहिली आहे. त्यांच्या राजकीय कारकिर्दीत संघटनात्मक कार्य आणि जनसंपर्काने महत्त्वाची भूमिका बजावली. विनोद तावडे यांनी शोकसंदेश पोस्ट केला आहे.
भाजपच्या शोकसंदेशात म्हटलं की, केसरी यांनी अथक परिश्रम आणि वारंवार केलेल्या प्रवासातून, मध्य प्रदेशसह देशाच्या विविध भागांतील अनुसूचित जातींमध्ये संघटनेचा विस्तार करण्यात महत्त्वाची भूमिका बजावली . पक्षाच्या नेत्यांनी त्यांना संघर्ष, दृढनिश्चय आणि समर्पणाचे प्रतीक म्हणून संबोधले असून, त्यांचे निधन हे संघटनेचे मोठे नुकसान आहे.
भाजपचे राष्ट्रीय उपाध्यक्ष लाल सिंह आर्य यांनी सोशल मीडियावर एक पोस्ट शेअर करत लिहिले आहे, "जनसंघ आणि भाजपचे ज्येष्ठ नेते, स्पष्ट आणि प्रभावी वक्ते, माजी आमदार आणि माजी राज्यसभा खासदार श्री नारायण सिंह केसरी यांच्या निधनाने आम्ही व्यथित झालो आहोत. परमेश्वर त्यांच्या आत्म्यास शांती देवो आणि त्यांच्या शोकाकुल कुटुंबाला हे दुःख सहन करण्याची शक्ती देवो."
आपल्या अथक परिश्रमातून आणि प्रवासातून, त्यांनी मध्य प्रदेशसह देशभरातील अनुसूचित जातींमध्ये संघटनेचा विस्तार करण्यात महत्त्वपूर्ण भूमिका बजावली. त्यांच्या निधनाने संघटनेने एक महान व्यक्तिमत्व गमावले आहे, असं त्यांनी लिहिलंय.