जीम ट्रेनरसोबत पत्नीचं अफेअर, पहाटे प्रियकराला घरी बोलवलं आणि पती झोपेत असतानाच...

गाझियाबाद जिल्ह्यातून विवाहबाह्य संबंधातून हत्येचा कट उघड झाला असून पोलिसांनी महिला आणि तिच्या प्रियकराला अटक केली आहे. नातेसंबंधाला तडा जाणाऱ्या या घटनांमध्ये दिवसेंदिवस वाढ होत आहे. गाझियाबादमधील वसुंधराच्या सेक्टर 1 मधील धक्कादायक घटना आहे. पोलिसांनी दिलेल्या माहितीनुसार विवाहित महिला तिच्या जिम ट्रेनरच्या प्रेमात होती. त्यांच्या या अनैतिक संबंधात पती अडथळा होत असल्याने या दोघांनी काटा काढण्याचे ठरवलं.

पोलिसांनी सांगितलं की,  जागृती आरडब्ल्यूए सोसायटीमध्ये ही घटना घडली आहे. 26 ऑक्टोबरला पहाटे 5:15 ला पती घरात झोपले असताना त्या महिलेने आपल्या प्रियकराला घरी बोलावलं. पती शशांक कंथारिया यांच्यावर हल्ला करण्यात आला. घटनेच्या वेळी त्यांची पत्नी प्रिया शर्मा जीमसाठी घराबाहेर पडणार होती, तेव्हा हल्ला झाला. जीम ट्रेनर प्रताप सिंग याच वेळी घरात घुसला आणि त्याने शशांकवर अनेक वेळा चाकूने वार केले. या हल्ल्याच्या वेळी शशांक जोरदार ओरडू लागल्याने प्रताप तिथून पळाला. त्यानंतर पोलीस घटनास्थळी पोहोचले आणि त्यांनी शशांकला यशोदा मेडिसिटी रुग्णालयात दाखल केले.

पोलिसांनी या हल्ल्येच्या तपास केल्यावर असं समोर आलं की, प्रताप सिंग हा फिटनेस हेडक्वार्टर्स जीममध्ये कोच होता. तर प्रिया शर्मा गेल्या 7-8 महिन्यांपासून या जीममध्ये जात होती. यादरम्यान या दोघांची ओळख झाली नंतर या मैत्रीचं रुपांतर प्रेमात झालं. या दोघांना पोलिसांनी अटक केली. तेव्हा चौकशीदरम्यान समोर आलं की, या दोघांना लग्न करायचं होतं. शशांकला त्यांच्या नात्याबद्दल समजलं होतं. या दोघांनी 25 ऑक्टोबरला भेटले आणि शशांकच्या हत्येचा कट रचला. यासाठी ती पहाटे जीममध्ये जाईल तेव्हा प्रताप घरी येऊन शशांकची हत्या करेल. त्याला घरात सहज घुसता यावं म्हणून प्रियाने घराचे दार उघडे ठेवले होते.

दरम्यान पोलिसांनी सांगितलं की, शशांकच्या भावाच्या तक्रारीच्या आधारे प्रताप सिंग आणि प्रिया शर्मा यांच्या विरोधात हत्येचा प्रयत्न आणि गुन्हेगारी कट यासह संबंधित कलमांखाली गुन्हा दाखल केला आहे. तर हल्ल्यात वापरण्यात आलेला चाकूही जप्त करण्यात आलाय.