भारतातील 13 राज्यांना IDM चा अलर्ट; वादळी वाऱ्यासह मुसळधार पावसाचा इशारा, समुद्रात उंच लाटा उसळणार
Maharashtra Weather Tomorrow Udyache Havaman ( 17 नोव्हेंबर 2026 उद्याचे हवामान ): बंगलाच्या उपसागरात निर्माण झालेले वादळ काही तासांत किनापट्टीवर धडकणार आहे. भारतातील 13 राज्यांना हवामान विभागने अलर्ट जारी केला आहे.
17 नोव्हेंबर 2026 उद्याचे हवामान : बंगालच्या उपसागरात निर्माण झालेले वादळ वेगाने पुढे सरकत आहे. 17 नोव्हेंबरच्या संध्याकाळपर्यंत तीव्र चक्रीवादळात रूपांतरित होऊ शकते. दक्षिण भारतातील अनेक राज्यांना या वादळाचा तडाखा बसणार आहे. भारतीय हवामान विभागाने (IMD) 13 राज्ये आणि केंद्रशासित प्रदेशांना अलर्ट जारी केला आहे.
तामिळनाडू, पुदुचेरी, कराईकल, केरळ, माहे, आंध्र प्रदेश, यानम, रायलसीमा, तेलंगणा, अरुणाचल प्रदेश, आसाम, मेघालय आणि अंदमान व निकोबार यांना मुसळधार पावसाचा इशारा देण्यात आला आहे. दक्षिण भारतातील किनारपट्टीच्या भागात सोसाट्याच्या वाऱ्यांसाठी इशारा देण्यात आला आहे. वाऱ्याचे वेग ताशी 100 किलोमीटरपर्यंत पोहोचण्याची शक्यता आहे.
पुढील काही दिवसांत दक्षिण भारतात पावसाचा जोर वाढण्याची शक्यता आहे. 17 नोव्हेंबर रोजी तामिळनाडू, पुदुचेरी आणि कराईकलमधील काही ठिकाणी मुसळधार पाऊस पडण्याची शक्यता आहे.
18 आणि 19 नोव्हेंबर रोजी किनारपट्टीवरील आंध्र प्रदेश आणि यानममध्ये पाऊस सुरू राहण्याची शक्यता आहे. याच काळात रायलसीमामध्येही पावसाची शक्यता आहे. बंगालचा उपसागर आणि अंदमान समुद्रात मच्छिमारांना समुद्रात न जाण्याचा सल्ला देण्यात आला आहे.
ओडिशा, झारखंड, पश्चिम बंगाल, छत्तीसगड, बिहार आणि ईशान्येकडील अनेक राज्यांमध्ये देखील पावसाचा अलर्ट देण्यात आला आहे. उत्तर भारतात थंडीसोबत धुक्याचा प्रभाव वाढण्याची शक्यता आहे. 17 ते 20 नोव्हेंबर दरम्यान दिल्ली, चंदीगड, हरियाणा आणि पंजाबमध्ये दाट धुके पडण्याच अंदाज आहे. 16 ते 18 नोव्हेंबर दरम्यान उत्तर प्रदेशच्या पूर्व आणि पश्चिम दोन्ही भागांमध्ये दाट धुक्याचा इशारा देण्यात आला आहे.