डिफेंडर कार 34 लाख रुपयांनी स्वस्त; उरलेल्या पैशांत 2 थार घेऊ शकता
डिफेंडर घेण्याचं स्वप्न पाहणाऱ्यांसाठी खूप मोठी आनंदाची बातमी आहे. भारतात डिफेंडर कार 34 लाख रुपयांनी स्वस्त झाली आहे.
Land Rover Defender: डिफेंडर घेण्याचं स्वप्न अनेकजण पाहतात. डिफेंडर घेण्याचं स्वप्न पाहणाऱ्यांसाठी खूप मोठी आनंदाची बातमी आहे. भारतात लँड रोव्हर डिफेंडर कार 34 लाख रुपयांनी स्वस्त झाली आहे. लँड रोव्हर डिफेंडर 110 आता भारतात पूर्वीपेक्षा खूपच स्वस्त झाली आहे. उरलेल्या पैशात तुम्ही दोन थार विकत घेऊ शकता. कंपनीने भारतात या कारचे उत्पादन युनीच सुरु केल्यामुळे किंमत स्वस्त झाली आहे.
लँड रोव्हर डिफेंडर 110 ही सर्वात लोकप्रिय कार आहे. जग्वार लँड रोव्हर (JLR) ने आता भारतात डिफेंडर 110 ची असेंब्लिंग सुरू केले आहे. कंपनी याचे उत्पादन 'कंप्लीटली नॉक्ड डाउन' (CKD) पद्धतीने करत आहे. 'कंप्लीटली नॉक्ड डाउन' या प्रक्रियेत वाहनाचे विविध भाग आयात केले जातात. यानंतर हे सर्व पार्ट भारतात एकत्र जोडले जातात. यामुळे, संपूर्ण युनिट म्हणून आयात केलेल्या वाहनांच्या तुलनेत स्वस्त पडत आहे. यामुळे किंमत कमी ठेवण्यास मदत होते. यामुळे भारतीयांना स्वस्त दरात डिफेंडर खरेदी करता येणार आहे.
किंमत 34 लाखांपर्यंतच कपात
कार भारतात असेंब्लिंग केली जाणार असल्यामुळे उत्पादन खर्च कमी झाला आहे. डिफेंडर 110 च्या एक्स-डायनॅमिक एचएसई व्हेरिएंटच्या किंमतीत खूपच कपात झाली आहे. डिफेंडर 110 एसयूव्ही 3.0-लिटर डिझेल, 3.0-लिटर पेट्रोल आणि 2.0-लिटर पेट्रोल इंजिन पर्यायांमध्ये उपलब्ध आहे. स्थानिक असेंब्लीनंतर या व्हेरिएंट्सच्या किंमती 14 लाख ते 34 लाखांनी कमी करण्यात आल्या आहेत.
डिफेंडर 110 च्या 3.0-लिटर डिझेल आणि 3.0-लिटर पेट्रोल इंजिन मॉडेल्सची एक्स-शोरूम किंमत आता 99 लाख आहे. पूर्वी ही किंमत 1.14 कोटी होती. म्हणजेच जवळपास 14 लाखांनी ही कार स्वस्त झाली आहे.
Defender 110 चे 3.0 लीटर मॉडल खरेदी केल्यास 34 लाख रुपयांची बचत होणार आहे. यात Thar OG च्या बेस मॉडेलच्या 2 कार खरेदी करता येऊ शकतात. थार ची स्टार्टिंग प्राईज 12.35 लाख रुपये आहे.
