SOCIAL MEDIA

Newsletter

PARTNER SITES
Select Language Select State

सोन्याच्या किंमती घसरल्यानंतर PM मोदींची पुन्हा मोठी भविष्यवाणी, पुढील 20 वर्षांचं सांगितलं भाकीत

सोन्याची खरेदी कमी केल्याने दर घसरल्याचा दावा पंतप्रधान मोदींनी केलाय. पुढील 20 वर्षांत ITI प्रशिक्षित आणि कौशल्याधारित भारतीय तरुणांना जगभरात मोठी मागणी असेल, असे भाकीत पंतप्रधान मोदींनी केलंय.

Reported By Pravin Dabholkar Written By Pravin Dabholkar
Published: Nov 22, 2026, 07:03 IST | Updated: Nov 22, 2026, 07:20 IST
Image Credit: पीएम मोदी आवाहन
Join

देशात सध्या सोन्याच्या किंमती घसरल्याचे तुम्ही पाहत असाल. यामुळे सामान्य नागरिकांना मोठा दिलासा मिळालाय. दरम्यान याचे श्रेय पंतप्रधान मोदींनी सर्वसामान्यांना दिलंय. सोन्याची खरेदी कमी करण्याच्या आवाहनाला नागरिकांनी प्रतिसाद दिला आणि त्यामुळे सोन्याचे दर घसरले, असा दावा पंतप्रधान नरेंद्र मोदी यांनी केला. त्याचवेळी पुढील 20 वर्षांत पदवीपेक्षा प्रत्यक्ष कौशल्य आणि कामाचा अनुभव असलेल्या तरुणांना अधिक मागणी असेल, असे भाकीतही त्यांनी केले. लखनऊ येथील कौशल्य दीक्षांत समारंभात बोलताना त्यांनी आटीआय शिक्षणाचे महत्त्व अधोरेखित केले.

सोन्याची किंमत झाली कमी

पंतप्रधान मोदी यांनी उत्तर प्रदेशातील लखनऊ येथे पाचव्या राष्ट्रीय कौशल्य दीक्षांत समारंभात भाषण केले. यावेळी त्यांनी वर्षभरापूर्वी गरज नसेल तर सोन्याची खरेदी टाळण्याचे आवाहन केल्याची आठवण करून दिली. नागरिकांनी त्यांच्या आवाहनाला प्रतिसाद दिला आणि सोन्याचे दर घसरले, असा दावा त्यांनी केला. काही नागरिकांनी आपला सल्ला ऐकल्यामुळे पैसे वाचल्याचे सांगितल्याचेही मोदी म्हणाले.

पुढील 20 वर्षे कौशल्याधारित रोजगाराची?

केवळ पदवी किंवा प्रमाणपत्रांवर नोकरी मिळवण्याचा काळ बदलत असल्याचे मोदी यांनी सांगितले. प्रत्यक्ष काम करण्याची क्षमता, तांत्रिक ज्ञान आणि कौशल्य असलेल्या तरुणांची मागणी वाढेल, असे त्यांचे म्हणणे आहे. पुढील काळात जगभरातील देशांना भारतीय कुशल मनुष्यबळाची गरज भासेल. त्यामुळे पुढील 20 वर्षे विकसित भारताच्या उभारणीसाठी महत्त्वाची ठरतील, असे भाकीत त्यांनी केले.

आयटीआय विद्यार्थ्यांना परदेशातही संधी

सौदी अरेबिया, दुबई, अबुधाबी, कतार आणि कुवेत यांसारख्या देशांमध्ये भारतीय कारागीर आणि कामगारांनी महत्त्वाचे योगदान दिले आहे, असे मोदी म्हणाले. विविध देशांकडून दरवर्षी 90 हजार, एक लाख किंवा दीड लाख कुशल कर्मचाऱ्यांची गरज व्यक्त केली जात असल्याचा दावाही त्यांनी केला. ही मागणी केवळ विद्यापीठातून पदवी घेतलेल्या तरुणांसाठी नसून आयटीआयमधून प्रशिक्षण घेतलेल्या उमेदवारांसाठीही आहे, असे त्यांनी स्पष्ट केले.

AI मुळे नोकऱ्या जाण्याची भीती?

कृत्रिम बुद्धिमत्ता म्हणजेच एआयमुळे रोजगारावर परिणाम होईल, अशी चर्चा सुरू आहे. मात्र, विशेष कौशल्य असलेल्या व्यक्तींचे महत्त्व कायम राहील, असे मोदी म्हणाले. प्लंबरचे उदाहरण देताना त्यांनी सांगितले की, घरांना पाइपद्वारे गॅस जोडणी देण्याचे उद्दिष्ट पूर्ण करताना प्रशिक्षित प्लंबरची कमतरता जाणवते. सौरऊर्जा, इलेक्ट्रिक वाहने, ड्रोन, सायबर सुरक्षा आणि औद्योगिक रोबोटिक्ससारख्या क्षेत्रांतही कुशल कर्मचाऱ्यांची गरज वाढत असल्याचे त्यांनी नमूद केले.

तरुणांसाठी काय संधी?

2014पासून देशात जवळपास पाच हजार नवीन आयटीआय सुरू करण्यात आले असून, विद्यार्थ्यांची संख्या पाच लाखांहून अधिक वाढलीय. सध्या आयटीआयमध्ये ड्रोन तंत्रज्ञान, इलेक्ट्रिक वाहने, सायबर सुरक्षा, सेमीकंडक्टर आणि औद्योगिक रोबोटिक्ससारखे आधुनिक अभ्यासक्रम शिकवले जात आहेत. पीएम-सेतू योजनेतून 60 हजार कोटी रुपयांची गुंतवणूक केली जात असल्याचाही त्यांनी उल्लेख केला. महाराष्ट्रातील तरुणांनीही आयटीआय, कौशल्य विकास अभ्यासक्रम आणि अप्रेंटिसशिपच्या संधींचा विचार करणे महत्त्वाचे ठरू शकते.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES