भारतात सोनं चांदी इतक्या प्रचंड प्रमाणात स्वस्त का झाले? पंतप्रधान नरेंद्र मोदींचा जाहीर कार्यक्रमात मोठा खुलासा; प्रत्येक भारतीयाला आश्चर्यचकित करणारे कारण
भारतात सोनं चांदीचे प्रचंड प्रमाणात घसरले आहेत. पंतप्रधान नरेंद्र मोदी यांनी सोनं चांदीचे दर का घरसले आहेत. याचा खुलासा केला आहे.
PM Narendra Modi On Gold : भारतात प्रचंड प्रमणात सोनं चांदी स्वस्त झाले आहे. सोन्याचे दर उच्चांकी दरावरुन जवळपास 60 हजार रुपयांनी घसरले आहेत. तर, चांदी देखील 2.50 लाखांपेक्षा जास्त रुपयांनी स्वस्त झाली आहे. जगभरात घडणाऱ्या आर्थिक घडामोडींवर सोनं चांदीच्या दरावर दबाव येत असल्याचे सांगितले जात आहे. अशातच पंतप्रधान नरेंद्र मोदी यांनी भारतात सोनं चांदी इतक्या प्रचंड प्रमाणात का स्वस्त झाले आहे याचा जाहीर कार्यक्रमात एक मोठा खुलासा केला आहे.
लखनौमधील इंदिरा गांधी प्रतिष्ठान येथे आयोजित एका कार्यक्रमात आयटीआयच्या तरुणांना संबोधित करताना पंतप्रधान नरेंद्र मोदी यांनी सोनं चांदीच्या दरात होत असलेल्या घरसणीवर भाष्य केले. याबद्दल बोलताना त्यांनी देश वासियांना केलेल्या आवाहनाचा उल्लेख केला.
गेल्या वर्षी मी देशातील लोकांना एक वर्ष सोने किंवा चांदी खरेदी करू नका असे आवाहन केले होते. सोने आणि चांदीच्या दरातील घसरणीचा संदर्भ देत पंतप्रधान मोदी म्हणाले, देशातील लोकांनी माझा सल्ला ऐकला. आज त्याचे परिणाम दिसत आहेत. गेल्या अनेक दिवसांपासून सोने आणि चांदीच्या दरात सातत्याने घसरण होत आहे.
सुमारे वर्षभरापूर्वी त्यांनी देशवासियांना, अत्यंत गरज असल्याशिवाय वर्षभर सोने खरेदी न करण्याचे आवाहन केले होते. त्यावेळी लोकांनी त्यांच्या या विधानाची खिल्ली उडवली होती. पण आता, सोन्याच्या दरात घट झाल्यामुळे, अनेक लोक त्यांना सांगत आहेत की त्यांचा सल्ला ऐकल्यामुळे त्यांचे पैसे वाचले असे पंतप्रधान मोदी म्हणाले .
पंतप्रधान मोदींनी त्यांच्या या आवाहनाची तुलना माजी पंतप्रधान लाल बहादूर शास्त्री यांच्या आवाहनाशी केली. पंतप्रधान मोदी म्हणाले की, शास्त्रीजींनी देशवासियांना दिवसातून एक वेळचे जेवण टाळण्याचे आवाहन केले होते. देशाने त्यांचे म्हणणे ऐकले होते. माी केलेल्या कमी सोने खरेदी करण्याच्या आवाहनावरही देशवासियांनी विश्वास ठेवला असे मोदींनी भाषणात नमूद केले.
पंतप्रधान मोदींचा तरुणांना सल्ला
भारताचे भविष्य आयटीआय विद्यार्थ्यांच्या हातात आहे. त्यांच्या कौशल्यांमध्येच देशाची ताकद आहे असं पंतप्रधान म्हणाले. एआयमुळे नोकऱ्या जाण्याची शक्यता असल्याने त्याबद्दल अनेक चिंता व्यक्त केल्या जात आहेत. मात्र, ज्यांच्याकडे कौशल्य आहे, त्यांचा रोजगार कोणीही हिरावून घेऊ शकत नाही असा सल्ला त्यांनी यावेळी विद्यार्थांना दिला.