Zee Entertainment ची मोठी घोषणा, संगीता शेट्टी यांची चीफ कंप्लायंस ऑफिसर आणि कंपनी सेक्रेटरी पदी नियुक्ती
झी एंटरटेनमेंटच्या चीफ कंप्लायंस ऑफिसर आणि कंपनी सेक्रेटरी पदावर संगीत शेट्टी यांची नियुक्ती करण्यात आली आहे. 2 नोव्हेंबर 2026 पासून संगीता शेट्टी या पदावर रुजू होतील.
Zee Entertainment : झी एंटरटेनमेंटमध्ये मोठा बदल झाला असून संगीता शेट्टी यांची चीफ कंप्लायंस ऑफिसर आणि कंपनी सेक्रेटरी या पदांवर नियुक्ती करण्यात आल्याची घोषणा करण्यात आलेली आहे. 29 ऑक्टोबर 2026 रोजी आशीष अग्रवाल यांनी राजीनामा दिल्यावर 2 नोव्हेंबर 2026 पासून संगीता शेट्टी या चीफ कंप्लायंस ऑफिसर आणि कंपनी सेक्रेटरी या पदावर रुजू होतील.
दोन दशकांहून अधिकचा अनुभव :
संगीता शेट्टी यांच्याकडे कॉर्पोरेट गवर्नेंस आणि रेग्युलेटरी कंप्लायंस या क्षेत्रात दोन दशकांहून अधिकचा अनुभव आहे. त्या थेट चीफ एग्झिकेटीव्ह ऑफिसर पुनीत गोयनका यांना रिपोर्ट करेल. मुंबईमध्ये स्थित असलेल्या कंपनीच्या मुख्यालयात संगीता शेट्टी काम करतील. नॉमिनेशन एंड रेम्युनरेशन कमिटीने त्यांच्या नियुक्तीची शिफारस केली आहे. त्यानंतर 30 ऑक्टोबर 2026 रोजी बोर्ड ऑफ डायरेक्टर्सच्या झालेल्या बैठकीत याबाबत मंजुरी देण्यात आली.
प्रशासन आणि अनुपालनावर लक्ष :
संगीता शेट्टी आपल्या नवीन भूमिकेत कंपनीची प्रशासन चौकट अधिक बळकट करण्यावर, नियामक अनुपालनात सुधारणा करण्यावर आणि भागधारकांशी संवाद अधिक दृढ करण्यावर काम करतील. कंपनीने नमूद केले आहे की हे पाऊल त्यांच्या भविष्यातील वाढीच्या योजनांशी सुसंगत आहे. पारदर्शकता, उत्तरदायित्व आणि प्रभावी जोखीम व्यवस्थापनाला प्रोत्साहन देणारी भक्कम प्रशासन मानके प्रस्थापित करणे हा त्यांचा उद्देश आहे.
कंपनीचे सीईओ पुनीत गोयनका यांनी म्हंटलं की मजबूत गवर्नेंस आणि पारदर्शकता, सतत विकास आणि भागधारकांच्या विश्वासासाठी खूप गरजेचं आहे. त्यांनी म्हटलं की, लिस्टेड कंपन्यांसाठी कंप्लायंस प्रक्रियेला सांभाळण्यासाठी शेट्टी यांचा व्यापक अनुभव आहे. जे कंपनीच्या संस्थागत क्षमतांना मजबूत करण्याकरता मदतशीर ठरेल.
हेही वाचा : भारतातील कोट्यवधी शेतकऱ्यांसाठी गुड न्यूज, दिवाळीआधीच बँक खात्यात ₹2000;मोबाईलवर असे तपासा
संगीता शेट्टी यांची कारकीर्द :
संगीता शेट्टी या कंपनी सेक्रेटरी असून इंस्टीट्यूट ऑफ कंपनी सेक्रेटरीज ऑफ इंडिया (ACS 18865) याच्या त्या असोसिएट सदस्य आहेत. कंपनी अधिनियम 2013, SEBI (LODR), SAST, PIT, ICDR आणि इनसाइडर ट्रेडिंग गव्हर्नेन्स सारख्या क्षेत्रांमध्ये विशेषता प्राप्त केली आहे. त्यांच्याकडे एंटरप्राइज कंप्लायंस फ्रेमवर्क तयार करण्याचा आणि त्रुटीमुक्त फायलिंग सुनिश्चित करण्याचा उत्कृष्ट अनुभव आहे.
संगीता शेट्टी यांनी त्यांच्या कारकिर्दीत एबॉट इंडिया लिमिटेड, आदित्य बिड़ला सन लाइफ इंश्योरेंस, आदित्य बिड़ला मनी, एडेलवाइस ग्रुप, MSEI, एंजल वन या कंपन्यांमध्ये काम केलं आहे.
