मुंबईतील प्राइम लोकेशनवर लॉटरीशिवाय मिळणार म्हाडाचे घर, दिवाळीनंतर...

मुंबईतील प्राइम लोकेशनवर लॉटरीशिवाय मिळणार म्हाडाचे घर, दिवाळीनंतर...

म्हाडाच्या लॉटरीसाठी अनेक जण वाट पाहत असतात. कारण इतर बिल्डरांच्या तुलनेत म्हाडाची घरे परवडणाऱ्या दरात असतात. पण प्रत्येकालाच म्हाडाची लॉटरी लागेलच याची खात्री नसते.

300 ते 400 घरांची विक्री

लॉटरीशिवाय मुंबईत हक्काचे घर घेण्याचे स्वप्न लवकरच पूर्ण होणार आहे. म्हाडाच्या मुंबई मंडळाच्या वतीने 'प्रथम येणाऱ्यास प्रथम प्राधान्य' या योजनेअंतर्गत सुमारे 300 ते 400 घरांची विक्री केली जाणार आहे.

प्राइम लोकेशन

ताडदेव, जुहू, लोअर परळ, विक्रोळी अशा विविध लोकेशनवर ही घरे असून दिवाळीनंतर या घरांसाठी जाहिरात प्रसिद्ध केली जाणार आहे. सोडतीत विक्री न झालेल्या घरांच्या देखभालीवर म्हाडाला मोठ्या प्रमाणात खर्च करावा लागतो.

'प्रथम येणाऱ्यास प्रथम प्राधान्य'

दोन वेळा सोडतीत समावेश करूनही विविध कारणांमुळे रिक्त राहिलेल्या घरांची विक्री म्हाडाकडून 'प्रथम येणाऱ्यास प्रथम प्राधान्य' या तत्त्वावर केली जाते.' त्यानुसार दिवाळीनंतर या योजनेअंतर्गत घरांची विक्री करण्याची तयारी म्हाडाने सुरू केली आहे.

118 घरांसाठी जाहिरात

म्हाडाने फेब्रुवारीत पहिल्यांदा या योजनेअंतर्गत मुंबईतील 118 घरांसाठी जाहिरात काढली होती. काही घरांच्या किमती बाजारभावापेक्षा अधिक असल्याने निम्म्याहून अधिक घरे रिक्त राहिली होती.

1221 घरांच्या किमती

म्हाडाने गेल्या सोडतीमधील विक्रोळी कन्नमवार नगर येथील 1221 घरांच्या किमती 7.5 टक्क्यांनी कमी केल्या होत्या.

म्हाडाची योजना

त्याच धर्तीवर प्रशासकीय शुल्क आणि नफा कमी करून म्हाडा या योजनेतील घरांच्या किमती कमी करण्याची शक्यता आहे.