अन्नू कपूर यांच्या 'दुधाळ...' विधानवर अखेर तमन्ना भाटियाने दिली प्रतिक्रिया, म्हणाली 'तुम्ही काय...'

वादावर अखेर तमन्नाचं भाष्य

अभिनेत्री तमन्ना भाटियाने ज्येष्ठ अभिनेते अन्नू कपूर यांनी तिच्या शरिराबद्दल केलेल्या विधानानंतर निर्माण झालेल्या वादावर भाष्य केले आहे. गतवर्षी त्यांनी केलेल्या या विधानामुळे त्यांना टीकेचा सामना करावा लागला होता. तमन्नाने आपण अशा प्रकारच्या टिप्पणींमध्ये अडकून पडण्यापेक्षा आपल्या कामावर लक्ष केंद्रित करणे आणि कशाला महत्त्व द्यावे हे निवडणे अधिक पसंत करत असल्याचे म्हटले आहे.

अन्नू कपूर यांच्या विधानावर प्रतिक्रिया

NDTV च्या कार्यक्रमात बोलताना, तमन्ना भाटियाला अन्नू कपूर यांनी तिच्या रंगाबद्दल आणि शरीरयष्टीबद्दल केलेल्या विधानांविषयी विचारण्यात आले, ज्यावर 2025 मध्ये बरीच टीका झाली होती.

सर्वात महत्त्वाचे काम ऐकून घेणे आहे

त्यावर प्रतिक्रिया देताना ती म्हणील, "मला वाटते की एक क्रिएटिव्ह व्यक्ती म्हणून, आपले सर्वात महत्त्वाचे काम ऐकून घेणे आहे. आणि जेव्हा आपण ऐकतो, तेव्हा काय लक्षात ठेवायचे आणि कशाकडे दुर्लक्ष करायचे , हे समजून घेणे खूप महत्त्वाचे असते."

...तर कदाचित आपण आयुष्यात पुढे जाऊ शकणार नाही

ती पुढे म्हणाली, "आणि एक स्त्री म्हणून, तुम्हीही समजू शकता की जर आपण अशा गोष्टींना महत्त्व देऊ लागलो, तर कदाचित आपण आयुष्यात पुढे जाऊ शकणार नाही."

कामाकडे केवळ करिअर म्हणून पाहत नाही

आपण आपल्या कामाकडे केवळ करिअर म्हणून न पाहता, एक प्रकारची सेवा म्हणून पाहत असल्याचेही तिने म्हटले.

'मला माझे काम एका सेवेप्रमाणे करायचे आहे'

ती म्हणाली, "प्रामाणिकपणे सांगायचे तर, मला माझे काम एका सेवेप्रमाणे करायचे आहे आणि मी तसे करतही आहे. कदाचित म्हणूनच ते लोकांपर्यंत पोहोचते, कारण कुठेतरी ते अगदी योग्य भावनेतून आलेले असते."

अन्नू कपूर काय म्हणाले होते?

अन्नू कपूर शुभंकर मिश्रा यांच्या यूट्यूब चॅनेलवर मुलाखतीदरम्यान त्यांना 'स्त्री 2' मधील 'आज की रात' गाण्याची क्लिप दाखवण्यात आली. या गाण्यात तमन्ना आहे. यावेळी अन्नू कपूर यांनी तिच्या रूपावर भाष्य करताना 'दुधिया बदन' (दुधासारखे शुभ्र शरीर) हा शब्दप्रयोग केला.

मुलांना गाढ झोपायला मदत

त्यानंतर त्यांनी आपल्या विधानाला एका आशीर्वादाचे स्वरूप देत म्हटले, "तिच्या चेहऱ्यामुळे आणि शरीरामुळे, जे दुधासारखे शुभ्र आहे मुले तिचे गाणे ऐकून शांत झोपतात. जर ती आपल्या मुलांना गाढ झोपायला मदत करत असेल, तर ही खूप चांगली गोष्ट आहे. आपल्या देशासाठी हे एक मोठे वरदानच ठरेल की, आपली मुले रात्री शांत आणि निरोगी झोप घेऊ शकतात."