SOCIAL MEDIA

Newsletter

PARTNER SITES
Select Language Select State

'आम्ही देखील बाटलीची झाकणे वापरली...' सँडपेपरच्या वादादरम्यान शोएब अख्तरचा मोठा खुलासा!

सँडपेपर वादाच्या चर्चा सुरु असताना आता पाकिस्तानचा दिग्गज खेळाडू शोएब अख्तरने एक धक्कादायक खुलासा केला आहे. नक्की काय म्हणाला शोएब अख्तर यासंदर्भात सविस्तर माहिती वाचा.

Written By Shubhangi Mere Edited By Shubhangi Mere
Published: Nov 19, 2026, 22:08 IST | Updated: Nov 19, 2026, 22:40 IST
Join

माजी फलंदाज उस्मान ख्वाजा यांनी त्यांच्या नुकत्याच प्रकाशित झालेल्या पुस्तकातील खुलाशांमुळे ऑस्ट्रेलियन क्रिकेटचा सँडपेपर वाद पुन्हा उकळला आहे. उस्मान ख्वाजाने प्रकाशित केलेल्या पुस्तकामध्ये 2018 मध्ये मैदानावर झालेल्या सँडपेपर वादाबद्दल पुस्तकामध्ये उघडपणे सांगितले आहे, त्याचबरोबर त्याच्या संघातील काही मोठ्या खेळाडूंनी देखील या खुलाशाला दुजोरा दिला आहे. सँडपेपर वादाच्या चर्चा सुरु असताना आता पाकिस्तानचा दिग्गज खेळाडू शोएब अख्तरने एक धक्कादायक खुलासा केला आहे. नक्की काय म्हणाला शोएब अख्तर यासंदर्भात सविस्तर माहिती वाचा.

'रावलपिंडी एक्सप्रेस' म्हणून लोकप्रिय असलेल्या पाकिस्तानचा माजी खेळाडू शोएब अख्तरने एक धक्कादायक खुलासा बॅाल टेम्पिरिंग संदर्भात केला आहे. शोएब अख्यर हा विजडनसोबत बोलताना म्हणाला की, "आता हा विषय सोडून द्या, या खुलाशाबद्दल तुम्ही एवढा गदारोळ का करत आहात? मला वाटतं यामुळे क्रिकेटचं नुकसान होत आहे. आपल्या क्रिकेटचंही नुकसान होत आहे, आम्ही इंग्लंडमध्ये सँडपेपर नाही, तर बाटलीची झाकणं वापरायचो. आम्ही चेंडू बदलायचो आणि अशा अनेक गोष्टी करायचो. म्हणजे, ठीक आहे, तुम्ही सत्य समोर आणलं आहे, पण त्याचा एवढा गदारोळ करण्याची काही गरज नाही."

हे ही वाचा

WTC गुणतालिकेमध्ये मोठा फेरबदल, दक्षिण आफ्रिकेने न्यूझीलंडकडून हिसकावलं पहिले स्थान

पुढे त्याने उस्मान ख्वाजाच्या या वक्तव्याशी सहमती दर्शवली आणि तो म्हणाला, "उस्मान जे म्हणाला तो सांघिक निर्णय असायला हवा. तो केवळ दोन-चार खेळाडूंचा निर्णय असू शकत नाही. हे बोलल्याबद्दल मला खेद वाटतो, पण आम्ही क्रिकेटच्या चेंडूने खेळायचो, मी सुद्धा अनेक गोष्टी केल्या आहेत. संपूर्ण संघाला याची जाणीव होती, कारण जर आम्ही चेंडूला रिव्हर्स स्विंग करू शकलो नसतो, तर आम्ही सामना जिंकू शकलो नसतो. आता ज्या गोष्टी समोर येत आहेत, त्यामुळे पूर्ण गोंधळ निर्माण झाला आहे. मात्र, असे व्हायला नको होते. सत्य सांगून त्याने योग्य गोष्ट केली, पण त्याची वेळ अधिक योग्य असू शकली असती."

'सँडपेपर गेट' म्हणून ओळखल्या जाणाऱ्या या घोटाळ्यातील प्रमुख भूमिकेमुळे क्रिकेट ऑस्ट्रेलियाने बॅन्क्रॉफ्ट, स्टीव्ह स्मिथ आणि डेव्हिड वॉर्नर यांच्यावर बंदी घातली. या वादानंतर बॅन्क्रॉफ्ट पुन्हा कधीही ऑस्ट्रेलियाकडून खेळला नाही, तर स्मिथ आणि वॉर्नर यांनी पुनरागमन केले. माजी फलंदाज उस्मान ख्वाजा यांनी त्यांच्या नुकत्याच प्रकाशित झालेल्या पुस्तकात खुलासा केला आहे की, संपूर्ण संघाला या कटाची माहिती होती.

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES