SOCIAL MEDIA

Newsletter

PARTNER SITES
Select Language Select State

IND vs NEP : प्रिन्स यादव आणि हर्षित राणा नेपाळला 26 धावांवर गुंडाळलं! भारताचा 306 धावांनी विजय

इमर्जिंग आशिया कप 2026 चा भारताचा पहिला ग्रुप स्टेजचा सामना नेपाळविरुद्ध पार पडला, या सामन्यामध्ये भारत अ संघाने 306 धावांनी विजय मिळवला आहे. या सामन्यात भारतीय संघाची कामगिरी कशी राहिली यासंदर्भात सविस्तर वाचा.

Written By Shubhangi Mere Edited By Shubhangi Mere
Published: Nov 20, 2026, 21:04 IST | Updated: Nov 20, 2026, 21:32 IST
Join

इमर्जिंग आशिया कप 2026 चा भारताचा पहिला ग्रुप स्टेजचा सामना नेपाळविरुद्ध पार पडला, या सामन्यामध्ये भारत अ संघाने 306 धावांनी विजय मिळवला आहे. भारताच्या संघाने नेपाळला एकतर्फी विजय मिळवून या स्पर्धेची विजयी सुरुवात केली आहे, टीम इंडियाचे गोलंदाज प्रिन्स यादव आणि हर्षित राणा यांनी संघासाठी कमालीची कामगिरी केली आणि नेपाळला सामन्यामध्ये कमबॅक करण्याची पहिल्या ओव्हरपासून संधी दिली नाही. भारताची सुरुवात या सामन्यामध्ये चांगली झाली नाही पण संघाने सामन्यामध्ये दमदार कमबॅक केला आणि पहिला सामना हा सहज जिंकला. आता या सामन्यामध्ये भारतीय गोलंदाजी आणि फलंदाजांची कामगिरी कशी राहिली यासंदर्भात सविस्तर वाचा. 

हर्षित राणा आणि प्रिन्स यादव यांच्या भेदक गोलंदाजीच्या जोरावर भारताने नेपाळला अवघ्या 26 धावांत गुंडाळले. प्रिन्सने या सामन्यामध्य सहा धावा देत पाच विकेट्स नावावर केले, तर हर्षित राणाने 16 धावांत चार विकेट्स घेतले. कुमार कुशाग्र आणि कर्णधार तिलक वर्मा यांच्या शतकांमुळे भारताने यापूर्वी नेपाळसमोर 333 धावांचे लक्ष्य ठेवले होते. भारताने स्पर्धेची सुरुवात विजयाने केली. भारतीय संघाचा पुढील सामना हा पाकिस्तानविरुद्ध होणार आहे, हा सामना भारतासाठी महत्त्वाचा आहे, भारताच्या संघाला सेमीफायनलमध्ये स्थान पक्के करण्यासाठी आणखी एक विजयाची गरज आहे. 

हे ही वाचा

4,4,4,4,4,4,4,4,4,6,6... कुशाग्र-तिलकची खेळी भारतासाठी वरदान! टी20 चे स्टार नेपाळविरुद्ध फेल

भारतीय संघाच्या फलंदाजीबद्दल सांगायचे झाले तर अभिषेक शर्माचा पहिला धक्का भारताच्या संघाला लागला. अभिषेक शर्माने 9 धावा केल्या आणि बाद झाला तर वैभव सूर्यवंशीने संघासाठी 26 धावा केल्या, यामध्ये त्याने 3 चौकार 1 षटकार मारले. तर आयुष बडोनी देखील नेपाळच्या गोलंदाजीसमोर पूर्णपणे फेल झाला. कुमार कुशाग्र आणि भारत अ संघाचा कर्णधार तिलक वर्मा या दोघांची खेळी संघासाठी ट्रम्प कार्ड ठरली. कुमार कुशाग्रने कर्णधार तिलक वर्मासोबत मिळून भारतीय डावाला स्थैर्य दिले. या दोन फलंदाजांनी 191 चेंडूंमध्ये 206 धावांची शानदार भागीदारी चौथ्या विकेटसाठी केली. 

तिलकने शतक झळकावून आपल्या फलंदाजीचे कौशल्यही दाखवले. कुशाग्र बाद झाला तेव्हा भारताची धावसंख्या 4 गडी बाद 248 होती. नेपाळी गोलंदाज ललित राजवंशीने त्याला क्लीन बोल्ड करून हा प्रभावी डाव संपुष्टात आणला. संघ अडचणीत असल्याचे दिसत होते, परंतु कुमार कुशाग्र आणि तिलक वर्मा यांनी शानदार फलंदाजी करून भारताला सामन्यात परत आणले. त्यांच्या शतकांनी नेपाळी गोलंदाजांचे सुरुवातीचे प्रयत्न निष्फळ ठरवले.

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES