न्यूझीलंडने सामना जिंकला पण मालिका गमावली! टीम इंडियाने किवी संघाला घरच्या मैदानावर केलं पराभूत
भारत विरुद्ध न्यूझीलंड मालिकेच्या पाचव्या सामन्यामध्ये टीम इंडियाला पराभवाचा सामना करावा लागला, पण पहिल्या तीन सामन्यातील विजयामुळे भारताने ही मालिका नावावर केली आहे.
भारत विरुद्ध न्यूझीलंड यांच्यामध्ये पाच सामन्यांची टी20 मालिका पार पडली, या मालिकेमध्ये भारताच्या संघाने 3-2 अशी मालिका नावावर केली. या मालिकेच्या पहिल्या तीन सामन्यामध्ये भारताच्या संघाने विजय मिळवून मालिकेमध्ये आधीच अभेद्य आघाडी घेतली होती. त्यानंतर चौथ्या आणि पाचव्या सामन्यामध्ये भारताच्या संघाला न्यूझीलंडने पराभूत केले पण ते मालिकेमध्ये विजय मिळवण्यात अपयशी ठरले. झालेल्या मालिकेच्या पाचव्या आणि शेवटच्या सामन्यामध्ये किवी संघाने 7 विकेट्सने विजय मिळवला, या सामन्यात आणखी एकदा टीम इंडियाच्या गोलंदाजीवर प्रश्नचिन्ह उपस्थित केले जात आहे. या सामन्यात दोन्ही संघाची कामगिरी कशी राहिली यासंदर्भात वाचा.
न्यूझीलंडने अंतिम सामना जिंकला असेल, पण या मालिकेत त्यांनी स्वतःचीच फजिती करून घेतली. क्षेत्ररक्षणासाठी ओळखला जाणारा न्यूझीलंडच्या संघाची या मालिकेमध्ये फिल्डिंग फार खराब राहिली आहे. संपूर्ण मालिकेत त्यांचे क्षेत्ररक्षण भारतापेक्षाही वाईट होते. यावरून हे लक्षात येते की, किवी संघाने पाच सामन्यांच्या मालिकेत 15 झेल सोडले, जो त्यांच्यासाठी एक लाजिरवाणा विक्रम मानला जाईल. याचे कारण म्हणजे न्यूझीलंडचा संघ आपल्या उत्कृष्ट क्षेत्ररक्षण आणि झेल घेण्यासाठी ओळखला जातो. कोणत्याही द्विपक्षीय मालिकेत किवी संघाने सोडलेले हे सर्वाधिक झेल आहेत.
हे ही वाचा
इशान किशनची ऐतिहासिक कामगिरी, सूर्यकुमार यादवचा मोडला रेकॅार्ड!
भारतीय संघाच्या कामगिरीबद्दल सांगायचे झाले तर या सामन्यात न्यूझीलंडच्या संघाने नाणेफेक जिंकले आणि त्यांनी पहिले गोलंदाजी करण्याचा निर्णय घेतला. या सामन्यात भारताच्या संघाने पहिले फलंदाजी करत 20 ओव्हरमध्ये 8 विकेट्स गमावून 191 धावा केल्या. प्रत्युत्तरात न्यूझीलंडच्या संघाने हे लक्ष्य 18 ओव्हरमध्ये पूर्ण केले यामध्ये टीम साईफर्ट आणि ग्लेन फिल्प्सस यांनी संघासाठी महत्त्वाची खेळी खेळली आणि संघाला विजय मिळवून दिला. भारतासाठी टीम इंडियाचा कर्णधार श्रेयस अय्यर याने संघासाठी अर्धशतक झळकावले तर इशान किशनने देखील 61 धावांची खेळी खेळली.
सामना संपवणाऱ्या नमन धीरने 23 चेंडूंमध्ये 33 धावा केल्या. वेगवान गोलंदाजी करणारा अष्टपैलू खेळाडू नितीश कुमार रेड्डीने 17 चेंडूंमध्ये 22 धावा केल्या. परिणामी, भारतीय संघ 20 षटकांत 8 गडी गमावून केवळ 191 धावाच करू शकला. न्यूझीलंडकडून अॅडम मिल्नेने 4 बळी घेतले. नॅथन स्मिथ आणि ब्लेअर टिकनर यांनी प्रत्येकी 2 बळी घेत त्याला चांगली साथ दिली. जेकब डफी आणि मिचेल सँटनर यांनीही चांगली गोलंदाजी केली.
